完整藏文原文 · 德格版页 当前仅加载第 89 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟོ་འཕྱེ་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་སྙེད་འདུས་ཏེ་ལྷགས་ནས་བྱང་ཆུབ་སེམས་དཔའ་མཛེས་པའི་ཏོག་གི་ཁྱིམ་ཡོངས་སུ་དག་ཅིང་གྱ་ནོམ་པ་དེར་ཞུགས་པར་གྱུར་ཏོ། །དེ་ནས་བཅོམ་ལྡན་འདས་
D555.089.0025a01.01བཞི་པོ་དེ་དག་གིས་འཁོར་མང་པོའི་ནང་དུ་དེ་བཞིན་གཤེགས་པ་ཤཱཀྱ་ཐུབ་པའི་སྐུ་ཚེའི་ཚད་ཇི་སྙེད་པ་དག་བསྟན་པར་བཞེད་པའི་ཕྱིར་ཚིགས་སུ་བཅད་དེ་བཀའ་སྩལ་པ། །རྒྱ་མཚོ་ཐམས་ཅད་ཀུན་གྱི་ཆུ། །ཐིགས་པའི་གྲངས་ནི་ཤེས་རུང་གི །ཤཱཀྱ་ཐུབ་པའི་སྐུ་ཚེའི་ཚད། །གང་
D555.089.0025a02.01གིས་ཀྱང་ནི་བགྲང་མི་ནུས། །རི་རབ་ཐམས་ཅད་རྡུལ་བརླགས་ཏེ། །ཡུངས་འབྲུ་བཞིན་དུ་བགྲང་ཤེས་ཀྱང་། །ཤཱཀྱ་ཐུབ་པའི་སྐུ་ཚེའི་ཚད། །གང་གིས་ཀྱང་ནི་བགྲང་མི་ནུས། །ས་ཆེན་རྡུལ་ནི་ཐམས་ཅད་ཀུན། །རྡུལ་གྲངས་ཅི་ཡོད་ཤེས་རུང་ཡང་། །ཤཱཀྱ་ཐུབ་པའི་
D555.089.0025a03.01སྐུ་ཚེའི་ཚད། །གང་གིས་ཀྱང་ནི་བགྲང་མི་ནུས། །གལ་ཏེ་ནམ་མཁའི་ཚད་བཅལ་ཏེ། །མཐའ་ཀུན་དཔག་པར་རུང་སྲིད་ཀྱང་། །ཤཱཀྱ་ཐུབ་པའི་སྐུ་ཚེའི་ཚད། །གང་གིས་ཀྱང་ནི་དཔག་མི་ནུས། །མི་ཞིག་བསྐལ་པ་བྱེ་བར་གནས། །མཐས་གཏུགས་རྟག་པར་
D555.089.0025a04.01རྩིས་བགྲངས་ཀྱང་། །བཅོམ་ལྡན་འདས་ཀྱི་སྐུ་ཚེའི་ཚད། །ཡོངས་སུ་ཤེས་པར་མི་འགྱུར་རོ། །སེམས་ཅན་སྲོག་ནི་མ་བཅད་ཅིང་། །བཟའ་བཏུང་སྦྱིན་པ་བཏང་བ་ཡིན། །རྒྱུ་ནི་རྣམ་པ་འདི་གཉིས་ཀྱིས། །སྐུ་ཚེ་རིང་པོ་བརྙེས་པ་ཡིན། །དེ་བས་ཐུབ་པ་ཆེན་པོ་ཡི། །
D555.089.0025a05.01སྐུ་ཚེའི་ཚད་ནི་ཤེས་པར་དཀའ། །བསྐལ་པའི་མཐའ་ནི་མེད་པ་ལྟར། །སྐུ་ཚེའི་ཚད་ཀྱང་དེ་བཞིན་ནོ། །མཛེས་པའི་ཏོག་ཁྱོད་ཤེས་བྱོས་ལ། །ཐེ་ཙོམ་སོམ་ཉི་མ་བསྐྱེད་ཅིག །རྒྱལ་བའི་སྐུ་ཚེའི་ཚད་མེད་པས། །དེ་ཡི་གྲངས་ནི་ཤེས་མི་ནུས། །དེ་ནས་བྱང་ཆུབ་སེམས་དཔའ་
D555.089.0025a06.01མཛེས་པའི་ཏོག་གིས། དེ་བཞིན་གཤེགས་པ་བཞི་པོ་དེ་དག་གིས་བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་དཔག་ཏུ་མེད་པར་བཀའ་སྩལ་པ་ཐོས་པ་དང་། བཅོམ་ལྡན་འདས་དེ་དག་ལ་འདི་སྐད་ཅེས་གསོལ་ཏོ། །ཅིའི་སླད་དུ་དེ་བཞིན་གཤེགས་པ་དེ་ལྟ་བུའི་སྐུ་ཚེ་ཐུང་བར་བསྟན་
D555.089.0025a07.01