完整藏文原文 · 德格版页 当前仅加载第 89 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱབས་ནས་ཕན་བཏགས་ཏེ་ངེས་པར་འབྱུང་བ་ཐོབ་པར་བྱས་ན། །ད་ལྟར་ཉོན་མོངས་པ་ཐམས་ཅད་ཟད་ནས་བག་ཆགས་ཀྱི་ལྷག་མ་མེད་དེ། ལྷ་དང་མིའི་སྟོན་པར་གྱུར་ནས་ཐམས་ཅད་མཁྱེན་པ་དང་ལྡན་པས་སེམས་ཅན་རེ་རེའི་ཕྱིར་ཡང་བསྐལ་པ་མང་པོའི་བར་དུ་སེམས་ཅན་
D555.089.0143a01.01དམྱལ་བ་དང་། གནས་གཞན་དག་ཏུ་གནས་ཏེ། སྡུག་བསྔལ་སྣ་ཚོགས་དང་དུ་བླངས་ནས་སྐྱེ་ཤི་དང་ཉོན་མོངས་པའི་འཁོར་བ་ལས་ངེས་པར་འབྱུང་བ་འཐོབ་པར་བྱེད་པ་ལྟ་སྨོས་ཀྱང་ཅི་དགོས། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་དེ་
D555.089.0143a02.01བཀའ་སྩལ་པ། ང་སྔོན་འདས་པའི་དུས་ཀྱི་ཚེ། །བསྐལ་པ་གྲངས་མེད་ཚད་མེད་སྙེད། །རེས་འགའ་ཡུལ་གྱི་རྒྱལ་པོ་བྱས། །རེས་འགའ་རྒྱལ་བུ་བྱས་པ་ན། །རྟག་པར་སྦྱིན་པ་ཆེར་བཏང་བས། །ཤིན་ཏུ་ཕངས་པའི་ལུས་བཏང་ནས། །འཁོར་བ་ལས་ནི་ངེས་བྱུང་སྟེ། །བྱང་ཆུབ་
D555.089.0143a03.01དམ་པར་ཕྱིན་པར་སྨོན། །སྔོན་བྱུང་ཡུལ་ཆེན་ཞིག་ཏུ་ནི། །ཡུལ་བདག་ཤིང་རྟ་ཆེ་ཞེས་བྱ། །རྒྱལ་བུ་དཔའ་བོ་ཞེས་བྱ་བ། །རྟག་པར་སྦྱིན་གཏོང་སེར་སྣ་མེད། །དེ་ལ་ཕུ་བོ་གཉིས་ཡོད་དེ། །སྒྲ་ཆེན་ལྷ་ཆེན་པོ་ཞེས་བྱ། །གསུམ་པོ་ལྷན་ཅིག་ཕྱིར་བྱུང་སྟེ། །མཐར་གྱིས་རི་དང་ནགས་ཚལ་
D555.089.0143a04.01ཕྱིན། །སྟག་མོ་བཀྲེས་པས་ཉེན་མཐོང་ནས། །འདི་འདྲའི་སེམས་ནི་སྐྱེས་པར་གྱུར། །སྟག་མོ་བཀྲེས་མེས་རབ་བསྲེགས་ཀྱང་། །གཞན་བཟར་རུང་བ་ཅི་ཡང་མེད། །སྐྱེས་ཆེན་དེ་འདྲ་མཐོང་ནས་ནི། །དེ་ཡིས་བུ་ནི་ཟོས་དོགས་ཕྱིར། །ཆགས་མེད་ལུས་ནི་རབ་བཏང་ནས། །བུ་སྐྱབས་སྨས་
D555.089.0143a05.01པ་མེད་པར་བྱས། །ས་ཆེན་དང་ནི་རི་རྣམས་ཀྱང་། །དུས་གཅིག་ཐམས་ཅད་རབ་ཏུ་གཡོས། །ཆུ་ཀླུང་རྒྱ་མཚོ་ཤིན་ཏུ་འཁྲུགས། །རླབས་དྲག་ཆུ་ནི་གྱེན་དུ་འབབ། །གནམ་ས་འོད་ནི་སྟོར་བས་ན། །མུན་ནག་ཅི་ཡང་མཐོང་བ་མེད། །ནགས་ཚལ་དགོན་པའི་གཅན་གཟན་རྣམས། །
D555.089.0143a06.01འཕུར་རྒྱུག་གནས་ནི་ཡོངས་སུ་སྤངས། །ཕུ་གཉིས་ཅི་ཕྱིར་མ་ལོག་ཅེས། །མྱ་ངན་བརྩེ་བའི་སྡུག་བསྔལ་སྐྱེས། །གཡོག་འཁོར་མང་པོ་རྣམས་དང་ནི། །ནགས་ཚལ་ཀུན་དུ་ཡོངས་སུ་བཙལ། །སྤུན་གཉིས་ལྷན་ཅིག་རབ་འགྲོགས་ཏེ། །རི་གཟར་ནགས་སུ་ཕྱིན་ནས་ནི། །ཕྱོགས་བཞིར་
D555.089.0143a07.01