完整藏文原文 · 德格版页 当前仅加载第 89 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་ཞིང་དེ་འདྲ། །བདག་གིས་མ་འོངས་དུས་ན་ཐོབ་པར་ཤོག །བཟང་དཔལ་ཁྱོད་ཀྱིས་ཤེས་པར་གྱིས། །གསེར་དཔུང་དབང་པོ་ཡུལ་རྒྱལ་པོས། །སྨོན་ལམ་འདི་འདྲ་བསྐྱེད་མྱོང་བ། །དེ་ནི་ཁྱོད་ཀྱི་ལུས་ཉིད་ཡིན། །སྔོན་གྱི་དུས་ན་བུ་གཉིས་ཡོད། །
D555.089.0074b01.01གསེར་གྱི་དཔུང་དང་གསེར་གྱི་འོད། །དེ་ནི་དངུལ་གཟུགས་དངུལ་འོད་དེ། །ང་ལས་ལུང་བསྟན་ཐོབ་པའོ། །ཕལ་མང་པོས་བཤད་པ་དེ་ཐོས་ནས་ཀུན་གྱིས་བྱང་ཆུབ་ཏུ་སེམས་བསྐྱེད་དེ། ད་ལྟར་དང་མ་འོངས་པའི་དུས་ན་ཡང་འགྱོད་ཚངས་འདི་སྤྱོད་སྨོན་ལམ་བཏབ།
D555.089.0074b02.01གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ལས་པདྨ་ལྟ་བུའི་དཔེས་བསྔགས་པ་བརྗོད་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་འཁོར་མང་པོའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་གནས་ལ་
D555.089.0074b03.01འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གསེར་རྒྱལ་བ་ཞེས་བྱ་བའི་གཟུངས་ཡོད་དོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་རྣམས་མངོན་སུམ་དུ་མཐོང་ཞིང་བཀུར་སྟི་དང་མཆོད་པ་བྱེད་
D555.089.0074b04.01པར་འདོད་པས་གཟུངས་འདི་ཡོངས་སུ་གཟུང་བར་བྱའོ། །དེ་ཅིའི་ཕྱིར་ཞེ་ན། གཟུངས་འདི་ནི་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་རྣམས་ཀྱི་ཡུམ་ཡིན་པས་སོ། །དེ་ལྟ་བས་ན་གཟུངས་འདི་ཡོངས་སུ་འཛིན་པར་བྱེད་པ་གང་ཡིན་པ་
D555.089.0074b05.01དེ་ནི་བསོད་ནམས་ཆེན་པོ་དང་ལྡན་ཞིང་འདས་པའི་སངས་རྒྱས་ཚད་མེད་པ་རྣམས་ལས་དགེ་བའི་རྩ་བ་བསྐྱེད་པ་དེང་ཡོངས་སུ་འཛིན་པར་འགྱུར་བ་ཡིན་ནོ། །ཚུལ་ཁྲིམས་ཡོངས་སུ་དག་པ་མི་ཞིག་མི་ཉམས་ཤིང་ཐོགས་པ་མེད་པ་དང་གདོན་མི་ཟ་བར་ཆོས་ཟབ་མོའི་སློར་
D555.089.0074b06.01འཇུག་པར་འགྱུར་བ་རིག་པར་བྱའོ། །བཅོམ་ལྡན་འདས་ཀྱིས་སྔགས་ཀྱི་སྒྲུབ་པའི་ཆོ་ག་བཀའ་སྩལ་པ། སྔར་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཚན་ནས་བརྗོད་དེ། སེམས་རྩེ་གཅིག་ཏུ་གུས་པས་ཕྱག་བྱས་ནས། དེའི་འོག་ཏུ་སྔགས་
D555.089.0074b07.01