完整藏文原文 · 德格版页 当前仅加载第 89 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །བསྟན་ལ་མི་རྟག་པའི་དོན་དང་ལྡན་པའི་ཕྱིར་ནི་མི་རྟག་པ་ཞེས་བསྟན་ཏེ། སྤྲུལ་པའི་སྐུ་གང་ཡིན་པ་དེ་ནི་རྟག་པར་ཆོས་ཀྱི་འཁོར་ལོ་བསྐོར་ཞིང་དེ་དང་དེ་དག་ཏུ་རྐྱེན་ཇི་ལྟ་བ་བཞིན་དུ་ཐབས་མཁས་པ་སྟོན་པ་ལ་རྒྱུན་འཆད་པ་མེད་པའི་ཕྱིར་དེ་ལྟ་བས་ན་
D555.089.0037a01.01རྟག་པ་ཞེས་བསྟན་ཏོ། །རྩ་བ་མ་ཡིན་པའི་ཕྱིར་དང་ཕུན་སུམ་ཚོགས་པའི་མཛད་པ་ཆེན་པོ་མངོན་དུ་མི་འབྱུང་བའི་ཕྱིར་དེ་ལྟ་བས་ན་མི་རྟག་པ་ཞེས་བསྟན་ཏོ། །ལོངས་སྤྱོད་རྫོགས་པའི་སྐུ་གང་ཡིན་པ་དེ་ནི་ཐོག་མ་མེད་པའི་དུས་ནས་རྒྱུན་འཆད་པ་མེད་པར་སངས་རྒྱས་ཐམས་ཅད་
D555.089.0037a02.01ཀྱི་མ་འདྲེས་པའི་ཆོས་རྣམས་ཡོངས་སུ་སྡུད་ཅིང་འཛིན་པའི་ཕྱིར་དང་། སེམས་ཅན་ཟད་པ་མེད་པ་བཞིན་དུ་མཛད་པ་ལ་ཡང་ཟད་པ་མི་མངའ་བའི་ཕྱིར་རྟག་པ་ཞེས་བསྟན་ཏོ། །རྩ་བ་མ་ཡིན་པའི་ཕྱིར་དང་ཕུན་སུམ་ཚོགས་པའི་མཛད་པ་ཆེན་པོ་མངོན་དུ་མི་འབྱུང་བའི་ཕྱིར་མི་རྟག་པ་
D555.089.0037a03.01ཞེས་བསྟན་ཏོ། །ཆོས་ཀྱི་སྐུ་གང་ཡིན་པ་དེ་ནི་མངོན་པར་འདུ་བྱེད་པའི་ཆོས་ཀྱང་མ་ཡིན་ལ་ཐ་དད་པའི་མཚན་ཉིད་ཀྱང་མི་མངའ་ཞིང་རྩ་བ་ཡིན་པར་གྱུར་པའི་ཕྱིར་དང་། ནམ་མཁའ་དང་མཚུངས་པར་གྱུར་པའི་ཕྱིར་རྟག་པ་ཞེས་བསྟན་ཏོ། །རིགས་
D555.089.0037a04.01ཀྱི་བུ་རྣམ་པར་མི་རྟོག་པའི་ཡེ་ཤེས་ལས་གུད་ན་མཆོག་ཏུ་གྱུར་པའི་ཡེ་ཤེས་མེད་ལ་ཆོས་ཀྱི་དེ་བཞིན་ཉིད་ལས་གུད་ན་ཡང་མཆོག་ཏུ་གྱུར་པའི་སྤྱོད་ཡུལ་མེད་པས་ཆོས་ཀྱི་དེ་བཞིན་ཉིད་གང་ཡིན་པ་དེ་དང་། ཤེས་རབ་ཀྱི་དེ་བཞིན་ཉིད་གང་ཡིན་པ་དེའི་དེ་བཞིན་ཉིད་རྣམ་པ་གཉིས་
D555.089.0037a05.01པོ་གང་ཡིན་པ་དེ་ནི་དེ་བཞིན་ཉིད་གཅིག་པ་ཡང་མ་ཡིན། ཐ་དད་པ་ཡང་མ་ཡིན་ཏེ། དེའི་ཕྱིར་ཆོས་ཀྱི་སྐུ་ནི་ཤེས་རབ་རྣམ་པར་དག་པར་གྱུར་པའི་ཕྱིར་དང་། འགོག་བ་རྣམ་པར་དག་པར་གྱུར་པའི་ཕྱིར་གཉིས་རྣམ་པར་དག་པར་གྱུར་པ་ཡིན་པས་དེས་ན་ཆོས་ཀྱི་སྐུ་ནི་རྣམ་
D555.089.0037a06.01པར་དག་པ་ཕུན་སུམ་ཚོགས་པར་གྱུར་པ་ཡིན་ནོ། །གཞན་ཡང་རིགས་ཀྱི་བུ་སྐུ་གསུམ་པོ་དག་རབ་ཏུ་རྣམ་པར་དབྱེ་ན་ཐ་དད་པ་རྣམ་པ་བཞིར་འགྱུར་ཏེ། སྤྲུལ་པའི་སྐུ་ཡིན་ལ་ལོངས་སྤྱོད་རྫོགས་པའི་སྐུ་མ་ཡིན་པ་ཡང་ཡོད། ལོངས་སྤྱོད་རྫོགས་པའི་སྐུ་ཡིན་ལ་སྤྲུལ་
D555.089.0037a07.01