完整藏文原文 · 德格版页 当前仅加载第 89 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པ་ཐམས་ཅད་རབ་ཏུ་ཞི་བར་བགྱིད་དོ། །དེ་ནས་རྒྱལ་པོ་ཆེན་པོ་བཞི་ཅིག་ཅར་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མིའི་རྒྱལ་པོ་གང་ལ་ལ་ཞིག་རང་གི་ཡུལ་དུ་མདོ་སྡེ་འདི་བཞུགས་པར་གྱུར་ཀྱང་ཡོངས་སུ་སྤེལ་བར་ཡང་
D555.089.0092b01.01མི་བགྱིད་ལ་སེམས་ཀྱིས་ཀྱང་སྤོང་བར་བགྱིད་ཅིང་ཉན་པར་ཡང་མི་མོས། མཆོད་པར་ཡང་མི་བགྱིད། བླ་མར་ཡང་མི་བགྱིད། བསྔགས་པ་བརྗོད་པར་ཡང་མི་བགྱིད་ལ། འཁོར་བཞི་པོ་དག་མདོ་སྡེ་འཛིན་པ་མཐོང་བར་གྱུར་ན་ཡང་། བླ་མར་མི་བགྱིད་ཅིང་མཆོད་པ་དང་།
D555.089.0092b02.01རིམ་གྲོ་ཡང་མི་བགྱིད་ན་བདག་ཅག་དང་། འཁོར་གཞན་རྣམས་དང་། ལྷ་ཚད་མ་མཆིས་པ་རྣམས་ཀྱང་ཤིན་ཏུ་ཟབ་ཅིང་གྱ་ནོམ་པའི་ཆོས་འདི་ཐོས་པར་མི་འགྱུར་བས་བདུད་རྩིའི་རོ་ལ་རྒྱབ་ཀྱིས་ཕྱོགས་ཤིང་ཡང་དག་པའི་ཆོས་ཀྱི་རྒྱུད་ཀྱང་སྟོར་བར་འགྱུར། གཟི་བྱིན་དང་
D555.089.0092b03.01མཐུ་སྟོབས་ཀྱང་མ་མཆིས་པར་འགྱུར། ངན་འགྲོ་འཕེལ་བར་བགྱིད་ཅིང་ལྷ་དང་མི་རྣམས་ཡོངས་སུ་ཉམས་པར་འགྱུར། འཁོར་བའི་ཆུ་བོར་བྱིང་བར་འགྱུར་ཞིང་། མྱ་ངན་ལས་འདས་པའི་ཤུལ་དང་གོལ་བར་འགྱུར་བས་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་
D555.089.0092b04.01དང་། འཁོར་གཞན་རྣམས་དང་། གནོད་སྦྱིན་ལ་སོགས་པ་དེ་ལྟ་བུའི་དངོས་པོ་མཐོང་བར་གྱུར་ན་ཡུལ་དེ་ཡོངས་སུ་སྤོང་བར་བགྱིད་ལ། ཡོངས་སུ་སྐྱོབ་ཅིང་ཡོངས་སུ་བསྲུང་བའི་སེམས་ཀྱང་མ་མཆིས་པར་འགྱུར་བ་ལགས་སོ། །བདག་ཅག་འབའ་ཞིག་རྒྱལ་པོ་དེ་སྤོང་བར་
D555.089.0092b05.01བགྱིད་པ་མ་ལགས་ཀྱི་ཡུལ་སྐྱོང་བའི་ལྷ་དགེ་བ་ཆེན་པོ་ཚད་མ་མཆིས་པ་རྣམས་ཀྱང་ཡལ་བར་བོར་ནས་མཆི་བར་འགྱུར་ལགས་སོ། །དེ་ལྟར་ཡལ་བར་བོར་བའི་དབང་གིས་ཡུལ་དེར་གནོད་པ་རྣམ་པ་སྣ་ཚོགས་འབྱུང་བར་འགྱུར་ཞིང་རྒྱལ་ཐབས་ཀྱང་སྟོར་བར་འགྱུར། མིའི་ཚོགས་
D555.089.0092b06.01ཐམས་ཅད་ཀྱང་དགེ་བའི་སེམས་ནི་མ་མཆིས་ཀྱི་གཅིག་ལ་གཅིག་འཆིང་བ་དང་། གསོད་པ་དང་། གཤེ་བ་དང་། རྩོད་པ་དང་། ཕན་ཚུན་ཕྲ་མ་དང་། གྱ་གྱུ་བགྱིད་ཅིང་ནོངས་པ་མ་མཆིས་པ་ལ་ཆད་པ་གཅོད་པ་འབའ་ཞིག་སེམས་པས། ནད་དང་། རིམས་ནད་རྣམས་
D555.089.0092b07.01