完整藏文原文 · 德格版页 当前仅加载第 89 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལེགས་སོ་ལེགས་སོ། །ཁྱོད་ཀྱིས་ཇི་སྐད་སྨྲས་པ་བཞིན་དུ་གཟུངས་ཞེས་བྱ་བ་ནི་ཕྱོགས་དང་གནས་ཡོད་པ་ཡང་མ་ཡིན། ཕྱོགས་དང་གནས་མེད་པ་ཡང་མ་ཡིན། ཆོས་ཀྱང་མ་ཡིན། ཆོས་མ་ཡིན་པ་ཡང་མ་ཡིན། འདས་པ་ཡང་མ་ཡིན། མ་འོངས་པ་
D555.089.0099b01.01ཡང་མ་ཡིན། ད་ལྟར་བྱུང་བ་ཡང་མ་ཡིན། དངོས་པོ་ཡང་མ་ཡིན། དངོས་པོ་མ་ཡིན་པ་ཡང་མ་ཡིན། རྐྱེན་ཡང་མ་ཡིན། རྐྱེན་མ་ཡིན་པ་ཡང་མ་ཡིན། འདུ་བྱེད་ཀྱང་མ་ཡིན། འདུ་བྱེད་མ་ཡིན་པ་ཡང་མ་ཡིན། ཆོས་སྐྱེ་བར་འགྱུར་བ་ཡང་མེད། ཆོས་
D555.089.0099b02.01འགག་པར་འགྱུར་བ་ཡང་མེད་མོད་ཀྱི། འོན་ཀྱང་བྱང་ཆུབ་སེམས་དཔའ་རྣམས་ལ་ཕན་གདགས་པའི་ཕྱིར་དེ་སྐད་དུ་བསྟན་པ་ཡིན་ཏེ་གཟུངས་འདིའི་ཡོན་ཏན་གྱི་ནུས་པ་དང་ཡང་དག་པའི་ལམ་གྱི་ཚུལ་དང་མཐུ་སྟོབས་རྣམ་པར་གཞག་པ་གང་ཡིན་པ་དེ་ནི་སངས་རྒྱས་རྣམས་
D555.089.0099b03.01ཀྱི་ཡོན་ཏན་དང་། སངས་རྒྱས་རྣམས་ཀྱི་ཚུལ་ཁྲིམས་དང་། སངས་རྒྱས་རྣམས་ཀྱི་བསླབ་པ་དང་། སངས་རྒྱས་རྣམས་ཀྱི་གསང་བའི་དགོངས་པ་དང་། སངས་རྒྱས་རྣམས་ཀྱི་སྐྱེ་བའི་འབྱུང་གནས་ཡིན་པའི་ཕྱིར་མངོན་པར་ཞེན་པ་མེད་པའི་གཟུངས་མཆོག་ཏུ་གྱ་ནོམ་པའི་ཆོས་
D555.089.0099b04.01ཀྱི་རྣམ་གྲངས་ཞེས་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་བདེ་བར་གཤེགས་པས་བདག་ལ་གཟུངས་འདིའི་ཆོ་ག་གང་ལགས་པ་བཀས་བཤད་དུ་གསོལ། གལ་ཏེ་བྱང་ཆུབ་
D555.089.0099b05.01སེམས་དཔའ་རྣམས་ཀྱིས་འདི་ལ་གནས་པར་གྱུར་ན་བླ་ན་མ་མཆིས་པའི་བྱང་ཆུབ་ལས་ལྡོག་པར་མི་འགྱུར་ཞིང་ཡང་དག་པའི་སྨོན་ལམ་ཡོངས་སུ་རྫོགས་ནས་གནས་མ་མཆིས་པ་དང་། རང་བཞིན་གྱི་སྤོབས་པ་འཐོབ་པར་འགྱུར་བ་དང་། ངོ་མཚར་རྨད་དུ་བྱུང་བའི་དངོས་པོ་
D555.089.0099b06.01ཐོབ་ནས་འཕགས་པའི་ལམ་ལ་གནས་པར་འགྱུར་བ་འདི་དག་ཐམས་ཅད་ཀྱང་གཟུངས་འདི་ཐོབ་པར་འགྱུར་བའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ལེགས་སོ་ལེགས་སོ། །དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་ཇི་སྐད་སྨྲས་པ་
D555.089.0099b07.01