完整藏文原文 · 德格版页 当前仅加载第 89 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
བཞེད་པ་གང་ལགས་པ་དེ་དག་ཐམས་ཅད་ལ་བདག་བསམ་པ་ཐག་པ་ནས་སྤྱི་བོས་བཏུད་དེ་ཕྱག་བགྱིས་ནས་སེམས་ཅན་ཐམས་ཅད་ཡོངས་སུ་བསྒྲལ་ཞིང་བདེ་བར་བགྱི་བ་དང་། སྔར་གོང་དུ་བསྟན་པ་ལྟར་བས་པ་མ་མཆིས་པའི་བདེ་བ་འཐོབ་པར་བགྱི་བའི་སླད་དུ་ཆོས་ཀྱི་འཁོར་ལོ་
D555.089.0053b01.01ཆེན་པོ་ཡོངས་སུ་བསྐོར་བ་དང་། ཆོས་ཀྱི་ཆར་པ་ཆེན་པོ་དབབ་པ་དང་། ཆོས་ཀྱི་སྒྲོན་མ་ཆེན་མོ་སྦར་བ་དང་། དོན་གྱི་ཚུལ་གསལ་བར་མཛད་པ་དང་། ཐོགས་པ་མི་མངའ་བའི་ཆོས་ཀྱི་སྦྱིན་པ་བཏང་ནས་ཡོངས་སུ་མྱ་ངན་ལས་མི་འདའ་ཞིང་འཇིག་རྟེན་ན་ཡུན་རིང་དུ་བཞུགས་
D555.089.0053b02.01པར་བསྐུལ་ཞིང་གསོལ་བ་འཚལ་ལོ། །དེང་བདག་གིས་བསྐུལ་ཞིང་གསོལ་བ་བཏབ་པའི་བསོད་ནམས་གང་ལགས་པ་འདི་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །ཇི་ལྟར་འདས་པ་དང་། ད་ལྟར་གྱི་བྱང་ཆུབ་
D555.089.0053b03.01སེམས་དཔའ་སེམས་དཔའ་ཆེན་པོ་རྣམས་ཀྱིས་བསྐུལ་བ་དང་། གསོལ་བ་བཏབ་པའི་བསོད་ནམས་དེ་དག་བྱང་ཆུབ་ཏུ་ཡོངས་སུ་བསྔོས་པ་དེ་བཞིན་དུ་བདག་གིས་ཀྱང་བསྐུལ་བ་དང་གསོལ་བ་བཏབ་པའི་བསོད་ནམས་གང་ལགས་པ་དེ་དག་བླ་ན་མེད་པ་ཡང་དག་པར་རྫོགས་
D555.089.0053b04.01པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ་ཞེས་བརྗོད་པར་བྱའོ། །རིགས་ཀྱི་བུ་གལ་ཏེ་གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ། དེ་བཞིན་གཤེགས་པ་ལ་མཆོད་པ་བྱས་པ་བས་གང་ལ་ལ་ཞིག་
D555.089.0053b05.01གིས་དེ་བཞིན་གཤེགས་པ་ལ་ཆོས་ཀྱི་འཁོར་ལོ་ཆེན་པོ་བསྐོར་བར་གསོལ་བ་བཏབ་པས་འཐོབ་པའི་བསོད་ནམས་གང་ཡིན་པ་དེ་སྔ་མ་བས་ཆེས་ཁྱད་པར་དུ་འཕགས་ཏེ། དེ་ཅིའི་ཕྱིར་ཞེ་ན། དེ་ནི་ཟང་ཟིང་གི་སྦྱིན་པ་ཡིན་ལ་འདི་ནི་ཆོས་ཀྱི་སྦྱིན་པ་ཡིན་པས་སོ། །རིགས་ཀྱི་བུ་
D555.089.0053b06.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་བཀང་སྟེ་སྦྱིན་པ་བཏང་བ་ལྟ་རེ་ཞིག་ཞོག་གི །གལ་ཏེ་གང་ལ་ལ་ཞིག་གིས་གང་གཱའི་ཀླུང་གི་བྱེ་མ་སྙེད་ཀྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ། སངས་རྒྱས་
D555.089.0053b07.01