完整藏文原文 · 德格版页 当前仅加载第 89 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་། །རླུང་ཆར་དུས་བཞིན་ལྡང་འབབ་པས། །འཛམ་གླིང་འདི་དག་ཀུན་དུ་ཡང་། །ཡུལ་རྣམས་ལོ་ལེགས་སྐྱིད་པར་འགྱུར། །གང་ན་མདོ་སྡེ་འདི་བཞུགས་པ། །ཕྱོགས་གཞན་དག་ལས་ཁྱད་པར་འཕགས། །གསེར་འོད་དམ་པའི་
D555.089.0128a01.01མདོ་སྡེ་འདི། །གང་དུ་སྤེལ་ཞིང་འདོན་པ་དང་། །རྣམ་ཕྱེ་འཆད་པར་བྱེད་པའི་གནས། །བསོད་ནམས་གོང་མ་ཐོབ་པར་འགྱུར། །དེ་ནས་དཔལ་གྱི་ལྷ་མོ་ཆེན་མོ་དང་། ལྷ་ལ་སོགས་པ་མང་པོ་དེ་དག་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ཐོས་ནས། །
D555.089.0128a02.01དེ་ཐམས་ཅད་རབ་དུ་དགའ་བས་མདོ་སྡེའི་རྒྱལ་པོ་འདི་དག་ཡོངས་སུ་འཛིན་པར་བྱེད་པ་དེ་དག་ལ། སེམས་རྩེ་གཅིག་ཏུ་ཡོངས་སུ་བསྲུངས་ནས་མྱ་ངན་གྱི་གནོད་པ་མེད་ཅིང་རྟག་ཏུ་བདེ་བ་ཐོབ་པར་འགྱུར་བས་མོས་པར་གྱུར་ཏོ། །གསེར་འོད་དམ་པ་མཆོག་ཏུ་རྣམ་པར་
D555.089.0128a03.01རྒྱལ་བ་མདོ་སྡེའི་རྒྱལ་པོ་ལས་ལྷ་དང་གནོད་སྦྱིན་རྣམས་ཀྱིས་ཡོངས་སུ་བསྲུང་ཞིང་འཛིན་པར་བྱེད་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་དེ་བཞིན་གཤེགས་པས་འཁོར་མང་པོའི་ནང་དུ་རྒྱ་ཆེར་ཡང་དག་པར་ཆོས་བཤད་ནས་བྱང་ཆུབ་སེམས་དཔའ་མཛེས་
D555.089.0128a04.01པའི་ཏོག་དང་། དེའི་བུ་གཉིས་པོ་དངུལ་གྱི་ཏོག་དང་། དངུལ་གྱི་འོད་ཅེས་བྱ་བ་གཉིས་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བཞེད་པར་གྱུར་པ་དང་། དེའི་ཚེ་ལྷའི་བུ་སྟོང་ཕྲག་བཅུ་མཆོག་ཏུ་རྒྱལ་བའི་འོད་ཅེས་བྱ་བ་གཙོ་བོར་གྱུར་པ་
D555.089.0128a05.01དང་ལྷན་ཅིག་ཏུ་སུམ་ཅུ་རྩ་གསུམ་ལྷའི་གནས་ནས་བབས་ཏེ། བཅོམ་ལྡན་འདས་ཀྱི་སྤྱན་སྔར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་ནས་བཅོམ་ལྡན་འདས་ཀྱི་བཀས་བཤད་པའི་ཆོས་ཉན་པར་གྱུར་ཏོ། །དེ་ནས་
D555.089.0128a06.01བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཛེས་པའི་ཏོག་ལ་འདི་སྐད་ཅེས་བཀའ་སྩལ་ཏོ། །ཁྱོད་མ་འོངས་པའི་དུས་བསྐལ་པ་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་ཚད་མེད་གྲངས་མེད་པ་སྙེད་འདས་པ་ན་གསེར་འོད་ཅེས་བྱ་བའི་འཇིག་རྟེན་གྱི་ཁམས་སུ་བླ་ན་
D555.089.0128a07.01