完整藏文原文 · 德格版页 当前仅加载第 89 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
སྟན་དམའ་བ་ལ་མཆིས་ཏེ། མཐོ་བའི་བསམ་པ་མི་བསྐྱེད་པར་དབང་ཕྱུག་གི་ཐབས་ཡོངས་སུ་སྤང་བར་བགྱིའོ། །ང་རྒྱལ་རྣམས་སྤངས་ཏེ་སེམས་རྩེ་གཅིག་ཏུ་དྲན་པ་ཉེ་བར་གཞག་ནས་མདོ་སྡེའི་རྒྱལ་པོ་འདི་མཉན་པར་བགྱིའོ། །ཆོས་སྨྲ་བའི་མཁན་པོ་ལ་སྟོན་པ་ཆེན་པོའི་འདུ་ཤེས་
D555.089.0088b01.01བསྐྱེད་པར་བགྱིའོ། །ཕོ་བྲང་ནང་གི་བཙུན་མོ་དང་། རྒྱལ་བུ་དང་། སླས་དང་། འཁོར་རྣམས་ལ་བྱམས་པ་དང་། བརྩེ་བའི་སེམས་བསྐྱེད་ནས་རབ་ཏུ་དགའ་བས་ཕན་ཚུན་བལྟ་བར་བགྱིའོ། །ཤིན་ཏུ་མཐུན་པའི་མདངས་ཀྱིས་ཚིག་འཇམ་པོར་སྨྲ་བར་བགྱིའོ། །བདག་ཉིད་
D555.089.0088b02.01ཀྱི་ལུས་དང་སེམས་ལ་དགའ་བ་ཆེན་པོས་ཀུན་དུ་ཁྱབ་པར་བགྱིའོ། །དེང་བདག་ནི་ཤིན་ཏུ་བསམ་པར་དཀའ་ཞིང་ཁྱད་པར་དུ་འཕགས་པའི་ཕན་ཡོན་ཆེན་པོ་ཡངས་ཤིང་རྒྱ་ཆེ་བ་འདི་ལྟ་བུ་འཐོབ་པར་འགྱུར་རོ་སྙམ་དུ་བསམས་ནས་མདོ་སྡེའི་རྒྱལ་པོ་དེ་ལ་རབ་ཏུ་མཆོད་པར་བགྱིའོ། །དེ་ལྟར་
D555.089.0088b03.01བསམས་ལགས་ནས་ཆོས་སྨྲ་བའི་མཁན་པོ་དེར་མཆིས་པ་མཐོང་བར་གྱུར་ན་ཤིན་ཏུ་གུས་པས་དཀོན་པའི་འདུ་ཤེས་བསྐྱེད་པར་བགྱིའོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་པོ་དག་ལ་བཀའ་སྩལ་པ། འདི་ལྟར་ཆོས་སྨྲ་བའི་མཁན་པོ་དེ་མི་བསུ་བར་མི་བྱའི། དེའི་
D555.089.0088b04.01ཚེ་མིའི་རྒྱལ་པོ་དེས་གོས་སར་པ་གཙང་མ་བགོས་ནས་རྒྱན་དང་། ཕྲེང་བ་རྣམ་པ་སྣ་ཚོགས་ཀྱིས་རབ་ཏུ་བརྒྱན་ཏེ། བདག་ཉིད་གདུགས་དཀར་པོ་དང་། སྤོས་དང་། མེ་ཏོག་ཐོགས་ནས་དམག་གི་དཔུང་བཤམས་ཏེ། རོལ་མོ་རྒྱས་པར་བྱས་ནས་རྐང་གིས་གྲོང་ཁྱེར་ནས་ཕྱིར་
D555.089.0088b05.01བྱུང་སྟེ། བཀྲ་ཤིས་ཀྱི་དངོས་པོ་ཐོབ་པར་བྱ་བའི་ཕྱིར་གུས་པའི་འདུ་ཤེས་བསྐྱེད་ནས་ཆོས་སྨྲ་བའི་མཁན་པོ་དེ་བསུ་བར་བྱའོ། །རྒྱལ་པོ་ཆེན་པོ་བཞི་པོ་དག་རྒྱུ་དང་རྐྱེན་གང་གི་ཕྱིར་མིའི་རྒྱལ་པོ་དེས་བདག་ཉིད་ཀྱིས་བཀུར་སྟི་དང་། མཆོད་པ་དེ་ལྟ་བུ་བྱ་དགོས་ཤེ་ན། མིའི་རྒྱལ་པོ་དེ་
D555.089.0088b06.01རྐང་པ་བཏེག་ཅིང་རྐང་པ་བཞག་པ་ན་གོམ་པ་རེ་རེ་ཞིང་སངས་རྒྱས་བཅོམ་ལྡན་འདས་བྱེ་བ་ཁྲག་ཁྲིག་བརྒྱ་སྟོང་པོ་རྣམས་ལ་བཀུར་སྟི་དང་། མཆོད་པ་དང་། རིམ་གྲོ་དང་། བླ་མར་བྱེད་པར་འགྱུར་ཞིང་། གཞན་ཡང་བསྐལ་པའི་གྲངས་དེ་སྙེད་ཀྱི་འཁོར་བའི་སྡུག་བསྔལ་ལས་
D555.089.0088b07.01