完整藏文原文 · 德格版页 当前仅加载第 89 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། གང་ཞིག་སངས་རྒྱས་མང་པོ་ལ། །བསམ་གྱིས་མི་ཁྱབ་མཆོད་པ་དང་། །དེ་བཞིན་གཤེགས་པ་ཐམས་ཅད་ཀྱི། །སྤྱོད་ཡུལ་ཟབ་མོ་ཤེས་འདོད་ན། །གལ་ཏེ་གསེར་འོད་དམ་པ་འདི། །ཡང་དག་ཕྱེ་བཤད་མཐོང་གྱུར་ན། །དེ་ཡི་ཕྱོགས་སུ་ཉེར་
D555.089.0125a01.01སོང་ནས། །དེ་ཡི་དྲུང་དུ་འགྲོ་བར་བྱ། །མདོ་འདི་བསམ་གྱིས་མི་ཁྱབ་པས། །ཡོན་ཏན་མང་པོ་སྤྱོད་བྱེད་ཅིང་། །སྡུག་བསྔལ་རྒྱ་མཚོ་མཐའ་མེད་ལས། །སེམས་ཅན་རྣམས་ནི་ཐར་བར་བྱེད། །ང་ཡི་མདོ་འདི་རྣམ་བལྟས་ན། །ཐོག་མ་བར་དང་ཐ་མར་དགེ། །ཤིན་ཏུ་
D555.089.0125a02.01ཟབ་པས་དཔག་པར་དཀའ། །དཔེ་དག་གིས་ནི་ཟླ་བྱར་མེད། །གང་གཱའི་བྱེ་མ་ས་ཆེན་རྡུལ། །རྒྱ་མཚོའི་ཆུ་དང་ནམ་མཁའ་དང་། །རི་བྲག་ཐམས་ཅད་གང་གིས་ཀྱང་། །ཆ་ཤས་ཙམ་ཡང་དཔེར་བྱར་མེད། །ཆོས་དབྱིངས་ཟབ་མོར་འཇུག་འདོད་ན། །མདོ་འདི་སྔར་ནི་
D555.089.0125a03.01མཉན་པར་བྱ། །ཆོས་ཉིད་མཆོད་རྟེན་གང་ན་བར། །ཟབ་མོ་ཤིན་ཏུ་བདེ་བར་གནས། །མཆོད་རྟེན་འདི་ཡི་ནང་དག་ཏུ། །ཤཱཀྱ་ཐུབ་པ་ང་ཡིས་ནི། །ཡིད་འོང་སྒྲ་དབྱངས་དམ་པ་ཡིས། །མདོ་སྡེ་འདི་བཤད་མཐོང་བར་འགྱུར། །དེས་ན་གྲངས་ཚད་བསམ་དཀའ་བའི། །
D555.089.0125a04.01བསྐལ་པ་བྱེ་བ་སྙེད་དུ་ནི། །ལྷ་དང་མི་ཡི་ནང་སྐྱེས་ནས། །རྟག་ཏུ་བདེ་བ་མཆོག་མྱོང་འགྱུར། །མདོ་སྡེ་འདི་ནི་མཉན་པ་ཡིས། །བདག་ནི་བསམ་གྱིས་མི་ཁྱབ་པའི། །བསོད་ནམས་ཕུང་པོ་འཐོབ་འགྱུར་ཞེས། །དེ་སྙམ་དུ་ནི་བསམ་པར་བྱ། །གལ་ཏེ་མེ་ཆེན་ཕུང་པོ་
D555.089.0125a05.01དག །དཔག་ཚད་བརྒྱ་ནི་གང་གྱུར་ཀྱང་། །མདོ་སྡེའི་རྒྱལ་པོ་འདི་མཉན་ཕྱིར། །དཀའ་བ་མེད་པར་འགྲོ་བར་བྱ། །དེ་ཡི་གནས་སུ་ཕྱིན་ནས་ནི། །འདི་འདྲའི་མདོ་འདི་ཐོས་གྱུར་ན། །སྡིག་པའི་ལས་རྣམས་འབྱང་འགྱུར་ཞིང་། །རྨི་ལམ་ངན་པ་སེལ་བར་འགྱུར། །
D555.089.0125a06.01གཟའ་སྐར་མ་རུངས་ལྟས་ངན་དང་། །བྱད་སྟེམས་ལོག་པའི་གདོན་ལ་སོགས། །མདོ་སྡེ་འདི་ནི་ཐོས་པའི་ཚེ། །སྡིག་པ་མང་པོ་སྤོང་བར་བྱེད། །སྟན་མཐོ་མཆོག་ནི་རབ་བརྒྱན་ནས། །རབ་གཙང་པདྨ་འདྲ་བ་ལ། །ཆོས་སྨྲ་སྟེང་དུ་ཕྱིན་ནས་ནི། །ཀླུ་ཆེན་ལྟ་བུར་
D555.089.0125a07.01