完整藏文原文 · 德格版页 当前仅加载第 89 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བྱས་ཏེ། འཁོར་བ་ཡོངས་སུ་སྤངས་ནས་ངེས་པར་འབྱུང་བ་ཐོབ་པར་བྱའོ་སྙམ་མོ། །གཞན་ཡང་འདི་སྙམ་དུ་གལ་ཏེ་ལུས་འདི་སྤངས་པར་གྱུར་ན་འདི་ཉིད་འབྲས་དང་། ནད་མ་རུངས་པ་ཚད་མེད་པ་དང་། འཇིགས་ཤིང་སྐྲག་པ་བརྒྱ་སྟོང་དུ་མ་སྤངས་པ་ཡིན་
D555.089.0140a01.01ནོ། །ལུས་འདི་ནི་བཤང་གཅི་འབའ་ཞིག་དང་ལྡན་པ། ཆུ་བུར་ལྟ་བུར་མི་བརྟན་པ། སྲིན་བུ་མང་པོ་འདུས་པ། རྩ་རྒྱུས་དང་རུས་པ་ཕན་ཚུན་འབྲེལ་པ། ཤིན་ཏུ་ཡོངས་སུ་སྐྱོ་བར་བྱ་བ། ཉེས་དམིགས་དང་བཅས་པ་ཡིན་པས་དེའི་ཕྱིར་དེང་བདག་གིས་ལུས་ཡོངས་སུ་སྤངས་ནས་
D555.089.0140a02.01བླ་ན་མེད་པ་མཐར་ཕྱིན་པའི་མྱ་ངན་ལས་འདས་པ་ཡོངས་སུ་བཙལ་ཏེ། མྱ་ངན་གྱི་ཉེས་པ་དང་། མི་རྟག་པའི་སྡུག་བསྔལ་དང་། འཁྲུག་པ་གཏན་དུ་སྤངས་ནས་འཁོར་བ་རྒྱུན་བཅད་དེ། ཉེས་པ་རྣམས་སྤངས་ནས་ཏིང་ངེ་འཛིན་དང་། ཤེས་རབ་ཀྱི་སྟོབས་ཀྱིས་ཕུན་སུམ་ཚོགས་
D555.089.0140a03.01པར་བསྒོམས་ནས་བསོད་ནམས་བརྒྱ་སྟོང་མང་པོས་བརྒྱན་པ། ཐམས་ཅད་མཁྱེན་པར་གྱུར་པ། སངས་རྒྱས་མང་པོས་རབ་ཏུ་བསྔགས་པའི་ཆོས་ཀྱི་སྐུ་ཤིན་ཏུ་གྱ་ནོམ་པ་འཐོབ་པར་བྱའོ། །ཐོབ་པར་གྱུར་ནས་ཀྱང་སེམས་ཅན་རྣམས་ལ་ཆོས་ཀྱིས་སྨན་ཚད་མེད་པ་གཏང་བར་བྱའོ་
D555.089.0140a04.01སྙམ་མོ། །དེའི་ཚེ་རྒྱལ་བུ་དེ་ཤིན་ཏུ་བརྟུལ་བའི་དཔའ་སྲན་དང་། སྨོན་ལམ་ཆེན་པོ་བཏབ་ནས་སྙིང་རྗེ་ཆེན་པོའི་བསམ་པས་སེམས་རྟས་ཤིང་འཕེལ་པར་གྱུར་ཀྱང་ཕུ་བོ་གཉིས་སྐྲག་ཅིང་དངངས་པས་བར་ཆད་ཀྱི་བགེགས་བྱས་ནས་སྨོན་པ་མི་འགྲུབ་པར་དོགས་པས། ཕུ་བོ་
D555.089.0140a05.01གཉིས་ལ་གཅེན་གཉིས་སླར་གཤེགས་ཤིག །བདག་ནི་རེ་ཞིག་སླར་མཆིའོ་ཞེས་སྨྲས་སོ། །དེ་ནས་རྒྱལ་བུ་སེམས་ཅན་ཆེན་པོ་སླར་ཚལ་གྱི་ནང་དུ་ཞུགས་ནས་སྟག་མོའི་དྲུང་དུ་ཕྱིན་ཏེ། གོས་ཕུད་ནས་འོད་མའི་སྟེང་དུ་བཞག་སྟེ་སྨོན་ལམ་འདི་སྐད་དུ་བཏབ་བོ། །བདག་ནི་ཆེས་
D555.089.0140a06.01མཁས་སེམས་ཅན་ཀུན་གྱི་ཕྱིར། །བླ་མེད་བྱང་ཆུབ་གནས་ནི་གཉེར་བས་ན། །སྙིང་རྗེ་ཆེན་པོའི་སེམས་བསྐྱེད་གཡོ་བ་མེད། །སྐྱེ་བོས་ཕངས་པའི་ལུས་ནི་གཏོང་བར་བྱེད། །བྱང་ཆུབ་ནད་མེད་གདུང་བ་མེད་པས་ན། །བློ་དང་ལྡན་པ་ཀུན་གྱིས་རབ་ཏུ་མོས། །ཁམས་གསུམ་
D555.089.0140a07.01