完整藏文原文 · 德格版页 当前仅加载第 89 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་མཆོད་པ་བྱས་པ་བས་བསྐུལ་ཞིང་གསོལ་བ་བཏབ་པའི་བསོད་ནམས་གང་ཡིན་པ་དེ་བས་ཀྱང་ཆེས་ཁྱད་པར་དུ་འཕགས་སོ། །ཆོས་ཀྱི་སྦྱིན་པ་ནི་ཁྱད་པར་དུ་འཕགས་པའི་ཕན་ཡོན་རྣམ་པ་ལྔ་དང་ལྡན་ཏེ། ལྔ་གང་ཞེ་ན། དང་པོ་ཆོས་ཀྱི་སྦྱིན་པ་
D555.089.0054a01.01གང་ཡིན་པ་དེ་ནི་བདག་དང་གཞན་ལ་ཕན་འདོགས་པར་བྱེད་ལ། ཟང་ཟིང་གི་སྦྱིན་པ་ནི་དེ་ལྟ་མ་ཡིན་པས་སོ། །གཉིས་པ་ཆོས་ཀྱི་སྦྱིན་པ་གང་ཡིན་པ་དེ་ནི་སེམས་ཅན་ཁམས་གསུམ་ནས་འབྱིན་པར་བྱེད་པ་ཡིན་ལ། ཟང་ཟིང་གི་སྦྱིན་པའི་བསོད་ནམས་གང་ཡིན་པ་དེ་ནི་འདོད་
D555.089.0054a02.01པའི་ཁམས་ལས་མི་འདའ་བས་སོ། །གསུམ་པ་ཆོས་ཀྱི་སྦྱིན་པ་གང་ཡིན་པ་དེ་ནི་ཆོས་ཀྱི་སྐུ་ཡོངས་སུ་དག་པར་བྱེད་པ་ཡིན་ལ། ཟང་ཟིང་གི་སྦྱིན་པས་ནི་གཟུགས་འབའ་ཞིག་འཕེལ་བར་བྱེད་པས་སོ། །བཞི་པ་ཆོས་ཀྱི་སྦྱིན་པ་གང་ཡིན་པ་དེ་ནི་དེར་མཐར་ཐུག་པ་མེད་པ་
D555.089.0054a03.01ཡིན་ལ་ཟང་ཟིང་གི་སྦྱིན་པ་ནི་ཟད་པར་འགྱུར་བས་སོ། །ལྔ་པ་ཆོས་ཀྱི་སྦྱིན་པ་གང་ཡིན་པ་དེ་ནི་མ་རིག་པ་ཡོངས་སུ་གཅོད་པར་བྱེད་ལ། ཟང་ཟིང་གི་སྦྱིན་པ་ནི་འདོད་པའི་སྲིད་པ་ཙམ་ཐུལ་བར་འགྱུར་བས་སོ། །དེ་ལྟ་བས་ན་རིགས་ཀྱི་བུ་བསྐུལ་བ་དང་། གསོལ་བ་བཏབ་
D555.089.0054a04.01པའི་བསོད་ནམས་ནི་ཚད་མེད་དཔག་ཏུ་མེད་པས་དཔེ་བྱར་སླ་བ་མ་ཡིན་ནོ། །ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་དེ་བཞིན་གཤེགས་པ་རྣམས་ལ་ཆོས་ཀྱི་འཁོར་ལོ་ཆེན་པོ་ཡོངས་སུ་བསྐོར་བར་བསྐུལ་བས་དགེ་བའི་རྩ་བ་དེའི་དབང་གིས་དེ་ལྟ་བས་ན་དེང་བརྒྱ་བྱིན་དང་།
D555.089.0054a05.01ཚངས་པའི་རྒྱལ་པོ་ལ་སོགས་པས་ང་ལ་ཆོས་ཀྱི་འཁོར་ལོ་ཆེན་པོ་ཡོངས་སུ་བསྐོར་བར་གསོལ་བ་བཏབ་པ་ཡིན་ཏེ། རིགས་ཀྱི་བུ་ཆོས་ཀྱི་འཁོར་ལོ་ཡོངས་སུ་བསྐོར་བར་བསྐུལ་བ་ནི་སེམས་ཅན་རྣམས་ཡོངས་སུ་སྒྲོལ་ཞིང་བདེ་བར་བྱེད་པ་ཡིན་པའི་ཕྱིར་རོ། །ང་སྔོན་བྱང་ཆུབ་ཀྱི་སྤྱད་
D555.089.0054a06.01པ་སྤྱོད་པ་ན་དེ་བཞིན་གཤེགས་པ་རྣམས་འཇིག་རྟེན་ན་ཡུན་རིང་དུ་བཞུགས་ཤིང་ཡོངས་སུ་མྱ་ངན་ལས་མི་འདའ་བར་གསོལ་བ་བཏབ་པས་ན་དགེ་བའི་རྩ་བ་དེ་ལ་བརྟེན་ནས་ངས་སྟོབས་བཅུ་དང་། བསྙེངས་པ་མི་མངའ་བ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་
D555.089.0054a07.01