完整藏文原文 · 德格版页 当前仅加载第 89 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སེམས་རྨོངས་ཤིང་དྲན་པ་སྟོར་བས་ཤེས་པ་ཅི་ཡང་མེད་པར་གྱུར་ཏོ། །དེ་ནས་བློན་པོ་ཆེན་པོ་ལ་སོགས་པས་ཆུས་ཀུན་དུ་གཏོར་བ་དང་། རྒྱལ་པོ་དང་བཙུན་མོ་རིང་ཞིག་ལོན་ནས་གདོད་དྲན་པ་ཐོབ་པར་གྱུར་ཏོ། །དེ་ནས་ལག་པ་བཏེག་སྟེ་འདུག་ནས་སྨྲེ་ཚིག་སྨྲས་པ། ཀྱི་ཧུད་བུ་
D555.089.0142b01.01སྡུག་མཛེས་པའི་མཚན་དང་ལྡན། ཅིའི་ཕྱིར་འཆི་བའི་སྡུག་བསྔལ་སྔར་འོངས་གཙེས། གལ་ཏེ་ཁྱོད་ཀྱི་མདུན་དུ་བདག་ཤི་ན། །འདི་འདྲའི་སྡུག་བསྔལ་མཐོང་བར་ག་ལ་འགྱུར། །དེ་ནས་བཙུན་མོ་མྱོས་ཤིང་བརྒྱལ་བ་ཁད་ཀྱིས་ཞི་བར་གྱུར་ནས་ཀྱང་སྐྲ་ལོང་ལོང་པོར་
D555.089.0142b02.01གྱུར་ཏེ་ལག་པ་གཉིས་ཀྱིས་བྲང་བརྡུངས་ནས་ཉ་སྐམས་ལ་འགྲེ་བ་བཞིན་དུ་ས་ལ་འགྲེས་ཏེ། བ་བུ་སྟོར་བ་བཞིན་དུ་ངུས་ནས་སྨྲེ་ཚིག་སྨྲས་པ། བདག་གི་བུ་ནི་སུས་གཏུབས་ན། །རུས་པ་ལྷག་མ་ས་ལ་གཏོར། །བདག་གི་བུ་སྡུག་སྟོར་བས་ན། །མྱ་ངན་སྨྲེ་བ་རང་མི་ཐེག །
D555.089.0142b03.01ཀྱི་ཧུད་བུ་ནི་སུས་བསད་ན། མྱ་ངན་དངོས་པོ་འདི་འདྲ་མྱོང་། །བདག་སྙིང་རྡོ་ནི་མ་ཡིན་ན། །ཅི་ཡི་ཕྱིར་ན་གས་མ་གྱུར། །བདག་གི་རྨི་ལམ་ནུ་མ་གཉིས། །གཞན་དག་གིས་ནི་བཅད་པ་དང་། །སོ་རྣམས་ལྷུང་བར་མཐོང་བས་ན། །དེང་ནི་སྡུག་བསྔལ་ཆེན་པོ་མྱོང་། །ཕུག་
D555.089.0142b04.01རོན་ཕྲུ་གུ་གསུམ་ལས་ནི། །གཅིག་ནི་ཁྲས་ཁྱེར་མཐོང་བས་ན། །དེང་ནི་བུ་སྡུག་སྟོར་གྱུར་པས། །ལྟས་ངན་སྟོན་ལ་མི་བདེན་མེད། །དེ་ནས་རྒྱལ་བུ་ཆེན་པོ་དེ་བཙུན་མོ་དང་། བུ་གཉིས་དང་བཅས་པར་བརྩེ་བས་གཏུགས་ཏེ་ངུས་ནས་རྒྱན་ཐམས་ཅད་བཀྲོལ་ཏེ་སྐྱེ་བོའི་
D555.089.0142b05.01ཚོགས་མང་པོ་དང་ལྷན་ཅིག་ཏུ་བྱང་ཆུབ་སེམས་དཔའ་བཞག་པའི་ལུས་ཀྱིས་རིང་བསྲེལ་བསྡུས་ཏེ་མཆོད་པ་བྱ་བའི་ཕྱིར་མཆོད་རྟེན་གྱི་ནང་དུ་བཞག་གོ། །ཀུན་དགའ་བོ་ཁྱོད་ཀྱིས་འདི་ཉིད་ནི་བྱང་ཆུབ་སེམས་དཔའ་དེའི་རིང་བསྲེལ་ཡིན་པར་རིག་པར་བྱའོ། །ཡང་ཚེ་དང་ལྡན་པ་
D555.089.0142b06.01ཀུན་དགའ་བོ་ལ་བཀའ་སྩལ་པ། ང་སྔོན་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པའི་ཉོན་མོངས་པ་དང་ལྡན་པའི་ཚེ་ན་ཡང་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་སྐྱེ་གནས་ལ་སོགས་པའི་འགྲོ་བ་ལྔ་པོ་དག་ཏུ་ཡང་རྐྱེན་ཇི་ལྟ་བ་བཞིན་དུ་ཡོངས་སུ་
D555.089.0142b07.01