完整藏文原文 · 德格版页 当前仅加载第 89 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་བྱང་ཆུབ་སེམས་དཔའ་ཡིད་བཞིན་རིན་ཆེན་འོད་འཕྲོ་འདི་ནི་བསམ་གྱིས་མི་ཁྱབ་པས་དོན་ཟབ་མོ་འདི་ལྟ་བུ་མངོན་པར་རྟོགས་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། ཚངས་པའི་རྒྱལ་པོ་ཁྱོད་
D555.089.0082a01.01ཀྱིས་ཇི་སྐད་སྨྲས་པ་དེ་བཞིན་དུ་ཡིད་བཞིན་རིན་ཆེན་འོད་འཕྲོ་འདིས་བསྟན་ནས་ཁྱེད་མི་སྐྱེ་བའི་ཆོས་ཀྱི་བཟོད་པ་སྒོམ་ཞིང་བསླབ་པར་སེམས་བསྐྱེད་པ་ཡིན་ནོ། །དེ་ནས་ཚངས་པའི་རྒྱལ་པོ་ཆེན་པོ་ཚངས་པའི་འཁོར་མང་པོ་དང་ལྷན་ཅིག་ཏུ་སྟན་ལས་ལངས་ཏེ་བླ་གོས་ཕྲག་པ་གཅིག་ལ་
D555.089.0082a02.01གཟར་ནས་གུས་པས་ཐལ་མོ་སྦྱར་ཏེ་བྱང་ཆུབ་སེམས་དཔའ་ཡིད་བཞིན་རིན་ཆེན་འོད་འཕྲོའི་རྐང་པ་ལ་མགོ་བོས་ཕྱག་བྱས་ནས་འདི་སྐད་དུ་ཤིན་ཏུ་དཀོན་ཞིང་ངོ་མཚར་ཆེའོ། །བདག་ཅག་ནི་དེང་སྐྱེས་བུ་ཆེན་པོ་འདི་དང་ཕྲད་པས་ཡང་དག་པའི་ཆོས་ཐོས་པར་གྱུར་ཏོ། །ཞེས་སྨྲས་སོ། །
D555.089.0082a03.01དེ་ནས་བཅོམ་ལྡན་འདས་ཀྱིས་ཚངས་པའི་རྒྱལ་པོ་ལ་འདི་སྐད་ཅེས་ཡིད་བཞིན་རིན་ཆེན་འོད་འཕྲོ་འདི་ནི་མ་འོངས་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
D555.089.0082a04.01བླ་ན་མེད་པའི་སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རིན་ཆེན་འབར་བ་དཔལ་གྱི་སྙིང་པོ་ཞེས་བྱ་བར་འགྱུར་རོ་ཞེས་བཀའ་སྩལ་ཏོ། །ལེའུ་འདི་བསྟན་པ་ན་བྱང་ཆུབ་སེམས་དཔའ་འབུམ་ཕྲག་སུམ་སྟོང་བླ་ན་མེད་པ་ཡང་དག་
D555.089.0082a05.01པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཐོབ་པར་གྱུར་ཏོ། །ལྷའི་བུ་འབུམ་ཕྲག་བརྒྱད་སྟོང་དང་། རྒྱལ་པོ་དང་། བློན་པོ་དང་། མི་ཕལ་པ་ཚད་མེད་གྲངས་མེད་པ་སྙེད་ནི་རྡུལ་སྤངས་ཤིང་དྲི་མ་དང་བྲལ་ནས་ཆོས་ཀྱི་མིག་རྣམ་པར་དག་པ་ཐོབ་པར་གྱུར་ཏོ། །དེ་ནས་
D555.089.0082a06.01དེའི་ཚེ་འཁོར་མང་པོ་དེའི་ནང་ནས་དགེ་སློང་འབུམ་ཕྲག་ལྔ་བཅུ་བྱང་ཆུབ་སེམས་དཔའི་སྤྱད་པ་སྤྱོད་པ་ལས་བྱང་ཆུབ་ཀྱི་སེམས་ལས་ཕྱིར་མི་ལྡོག་པ་རྣམས་བྱང་ཆུབ་སེམས་དཔའ་ཡིད་བཞིན་རིན་ཆེན་འོད་འཕྲོས་ཆོས་བསྟན་པ་ཐོས་པས་ཐམས་ཅད་ཤིན་ཏུ་བརྟན་པར་གྱུར་
D555.089.0082a07.01