完整藏文原文 · 德格版页 当前仅加载第 76 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྫས་ཀྱི་མེ་ཏོག་གི་ཆལ་པར་བཀྲམ་པའི་ཁྲི་དེ་ལ། དེ་བཞིན་གཤེགས་པ་མཚན་མ་དགོངས་སྐྱིལ་མོ་ཀྲུང་བཅས་ཤིང་བཞུགས་པ་ལ། བྱང་ཆུབ་སེམས་དཔའ་ཚད་མེད་པ་བྱེ་བ་བརྒྱ་སྟོང་སྙེད་མདུན་དུ་བདར་ཏེ་ཐལ་མོ་སྦྱར་བ་བཏུད་ནས། དེ་བཞིན་གཤེགས་པ་དེ་ལ་སོ་
D353.076.0090a01.01སོ་ནས་ཚིག་འཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས་འོད་ཟེར་ཁ་དོག་བཟང་པོ། ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོར་ལྡན་པ་རབ་ཏུ་གསལ་བ་དཔེར་མི་བཟོད་པ་འདི། བྱང་ཕྱོགས་ལོགས་ནས་འཁོར་མང་པོ་འདི་དག་
D353.076.0090a02.01ལ་སྣང་བར་གྱུར་ཏེ། གང་ལ་འོད་ཀྱིས་རེག་པ་དེ་དག་ཐམས་ཅད་ལུས་དང་སེམས་བདེ་བར་གྱུར་པར་ཐུགས་བརྩེ་བའི་སླད་དུ་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ལེགས་པར་རབ་ཏུ་ཉོན་ལ་ཡིད་ལ་ཟུང་
D353.076.0090a03.01ཤིག་དང་ཁྱེད་ལ་དགྲོལ་ཞིང་བཤད་པར་བྱའོ། །འདི་ནས་བྱང་ཕྱོགས་ལོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱད་ཅུ་འདས་པའི་ཕ་རོལ་ན། སངས་རྒྱས་ཀྱི་ཞིང་མི་མཇེད་ཅེས་བྱ་བ་ཡོད་དེ། དེ་ན་སངས་རྒྱས་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་
D353.076.0090a04.01པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། སངས་རྒྱས་བཅོམ་ལྡན་འདས་ཞེས་བྱ་བ་འཁོར་མང་པོས་ཡོངས་སུ་བསྐོར་ནས། འཁོར་མང་པོ་ཐམས་ཅད་ཐབས་མཁས་པ་ཆེན་པོ་དྲིན་ལན་
D353.076.0090a05.01བསབ་པའི་མདོ་སྡེ་སྟོན་ཅིང་། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར། སེམས་ཅན་ཐམས་ཅད་ཀྱི་ལོག་པར་ལྟ་བའི་ཟུག་རྔུ་རྩ་ནས་འདོན་པའི་ཕྱིར། སེམས་ཐོག་མ་པའི་བྱང་ཆུབ་སེམས་དཔའ་དག་བྱང་ཆུབ་ཀྱི་ལམ་ལས་ཕྱིར་མི་ལྡོག་ཅིང་། བརྟན་པར་བྱ་བའི་ཕྱིར།
D353.076.0090a06.01ཉན་ཐོས་དང་རང་སངས་རྒྱས་ཐམས་ཅད་མཐར་ཕྱིན་པའི་ཐེག་པ་གཅིག་གི་ལམ་ལ་དགོད་པའི་ཕྱིར། བྱང་ཆུབ་སེམས་དཔའ་ཆེན་པོ་རྣམས་མྱུར་དུ་མངོན་པར་བྱང་ཆུབ་ཅིང་། སངས་རྒྱས་ཀྱི་དྲིན་ལན་བསབ་པའི་ཕྱིར། སེམས་ཅན་ཐམས་ཅད་ཀྱིས་དྲིན་ལྕི་བ་དྲན་པར་བྱ་བའི་ཕྱིར། སེམས་ཅན་
D353.076.0090a07.01