完整藏文原文 · 德格版页 当前仅加载第 76 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ལ་གཅིག་འཁྲི་ཞིང་མགོ་བཏེག་སྟེ་མཁར་སྒོ་སྲུང་ངོ་། །དེའི་ཚེ་ན་རྒྱལ་བུ་དགེ་དོན་མཁར་སྒོ་དེར་ཕྱིན་ཏེ། ཀླུ་གདུག་པ་དེ་མཐོང་ནས་བྱམས་པའི་སེམས་ཀྱིས་འཛམ་བུའི་གླིང་གི་སེམས་ཅན་ཐམས་ཅད་ཡིད་ལ་བྱས་ཏེ། བདག་སེམས་ཅན་གྱི་དོན་དུ་སོང་སོང་བ་
D353.076.0139b01.01ལས་གལ་ཏེ་ཀླུ་གདུག་པས་གནོད་པ་བྱས་ན། ཕན་པ་དང་བདེ་བའི་དོན་མེད་པར་འགྱུར་རོ་སྙམ་དུ་བསམས་ནས། རྒྱལ་བུ་དགེ་དོན་གྱིས་ལག་པ་གཡས་པ་བཏེག་ནས་ཀླུ་གདུག་པ་རྣམས་ལ་འདི་སྐད་ཅེས་བསྒོའོ། །ཁྱེད་རྣམས་ཤེས་པར་གྱིས་ཤིག །བདག་ནི་སེམས་
D353.076.0139b02.01ཅན་ཐམས་ཅད་ཀྱི་དོན་དུ་ཀླུའི་རྒྱལ་པོ་དང་ཕྲད་པར་འདོད་དོ། །དེ་ནས་ཀླུ་གདུག་པ་རྣམས་ཀྱིས་ལམ་ཕྱེ་སྟེ། འོབས་རིམ་པ་བདུན་གྱི་བར་དུ་ཐལ་ཏེ་སོང་ནས་མཁར་སྒོར་ཕྱིན་ནོ། །མཁར་སྒོ་དེ་ན་ཤེལ་གྱི་བུ་མོ་གཉིས་ཤིག་ཤེལ་གྱི་སྐུད་པ་འཁལ་ཞིང་འདུག་པ་མཐོང་
D353.076.0139b03.01ནས་ཁྱེད་ཅི་ཡིན་ཞེས་དྲིས་ན་ཁོ་མོ་ནི་ཀླུའི་རྒྱལ་པོའི་ཕྱི་སྒོ་སྲུང་བའི་བྲན་མོ་ཡིན་ནོ་ཞེས་ཟེར་རོ། །དེ་ནས་ཡང་ནང་དུ་ཞུགས་ཏེ་སོང་བ་ལས་བར་སྒོར་ཕྱིན་པ་དང་། བར་སྒོ་ན་ཤེལ་གྱི་བུ་མོ་བཞི་ཞིག་དངུལ་གྱི་སྐུད་པ་འཁལ་ཞིང་འདུག་པ་མཐོང་ངོ་། །བུ་མོ་དེ་ལ་ཁྱེད་ཀླུའི་རྒྱལ་
D353.076.0139b04.01པོའི་བཙུན་མོ་ཡིན་ནམ་ཞེས་དྲིས་ན་མ་ཡིན་ཏེ། བདག་ཅག་ནི་ཀླུའི་རྒྱལ་པོའི་བར་སྒོ་སྲུང་བའི་བྲན་མོ་ཡིན་ནོ་ཞེས་ཟེར་རོ། །དེ་ནས་ཡང་རྒྱལ་བུ་སྒོ་དེའི་ནང་དུ་ཞུགས་ཏེ་སོང་བ་ལས་ནང་སྒོ་དེ་ལ་ཤེལ་གྱི་བུ་མོ་བརྒྱད་ཅིག་གསེར་གྱི་སྐུད་པ་འཁལ་ཞིང་འདུག་པ་མཐོང་ངོ་། །ཁྱེད་
D353.076.0139b05.01ཅི་ཡིན་ཞེས་དྲིས་ན་བདག་ཅག་ནི་ཀླུའི་རྒྱལ་པོའི་ཕོ་བྲང་གི་ནང་སྒོ་སྲུང་བའི་བྲན་མོ་ཡིན་ནོ་ཞེས་ཟེར་རོ། །དེ་ནས་རྒྱལ་བུ་དགེ་དོན་གྱིས་བུ་མོ་དེ་དག་ལ་བདག་ནི་འཛམ་བུའི་གླིང་གི་ཡུལ་བཱ་རཱ་ཎ་སཱིའི་རྒྱལ་པོའི་བུ་དགེ་དོན་ཞེས་བྱ་བ་ཡིན་ཏེ། རྒྱལ་པོ་དང་ཕྲད་འདོད་པས་ད་ལྟར་སྒོ་
D353.076.0139b06.01ན་འདུག་གོ་ཞེས་ཕྲིན་གྱིས་ཤིག་ཅེས་བསྒོའོ། །དེ་ནས་སྒོ་སྲུངས་དེས་ཀྱང་ཀླུའི་རྒྱལ་པོ་ལ་དེ་བཞིན་དུ་གསོལ་པ་དང་། ཀླུའི་རྒྱལ་པོ་ངོ་མཚར་དུ་འཛིན་ཏེ་འདི་སྙམ་དུ་འདི་ནི་བསོད་ནམས་དང་དགེ་བའི་རྩ་བ་ཤིན་ཏུ་བྱང་བ་ཞིག་མ་ཡིན་པར་ཐ་མལ་པ་གཞན་ཞིག་གིས་ལམ་
D353.076.0139b07.01