完整藏文原文 · 德格版页 当前仅加载第 76 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་བཀའ་སྩལ་པ། དེ་སྐད་མ་ཟེར་ཅིག །དེ་བཞིན་གཤེགས་པ་ནི་སེམས་ཅན་རྣམས་ལ་དྲིན་ཡོད་པ་མ་ཡིན་ནོ། །དེ་བཞིན་གཤེགས་པ་ནི་སེམས་ཅན་རྣམས་ལ་དྲིན་ཡོད་ཅེའམ། དྲིན་མེད་ཅེས་མི་དགོངས་སོ། །གལ་ཏེ་དེ་བཞིན་གཤེགས་པ་སེམས་
D353.076.0162a01.01ཅན་རྣམས་ལ་དྲིན་བགྲང་ན་མཉམ་སྙོམས་པའི་ཐུགས་ཉམས་པར་འགྱུར་ཏེ། གཽ་ཏ་མཱི་དེ་བཞིན་གཤེགས་པ་ནི་སེམས་ཅན་ལ་དྲིན་ཡོད་ཅེའམ་མེད་ཅེས་དགོངས་ན་མཉམ་སྙོམས་པ་ཡང་མེད་པར་འགྱུར་རོ། །དེ་ཅིའི་ཕྱིར་ཞེ་ན། སེམས་ཅན་གང་གིས་སངས་རྒྱས་ལ་གནོད་པ་ཞིག་བྱས་ན་ཡང་
D353.076.0162a02.01དེ་ལ་ཞེ་སྡང་བ་ཡང་མེད། སེམས་ཅན་གང་སྤོས་ཙན་དན་གྱི་འདེ་གུས་དེ་བཞིན་གཤེགས་པའི་སྐུ་ལ་བསྐུས་ན་ཡང་དེ་ལ་དེ་བཞིན་གཤེགས་པ་དགྱེས་པར་མི་དགོངས་སོ། །དེ་བཞིན་གཤེགས་པ་ནི་སེམས་ཅན་ལ་མཉམ་སྙོམས་པར་གཟིགས་ཏེ། འདི་ནི་ཀུན་དགའ་བོའི་དྲིན་ཡིན་གྱི་དེ་བཞིན་
D353.076.0162a03.01གཤེགས་པའི་དྲིན་མ་ཡིན་ན། ཀུན་དགའ་བོའི་རྐྱེན་གྱིས་བུད་མེད་རྣམས་སངས་རྒྱས་ཀྱི་བསྟན་པ་ལ་འཇུག་པར་གྱུར་ཏོ། །གཽ་ཏ་མཱི་མ་འོངས་པའི་དུས་ན་དགེ་སློང་མ་དང་། དགེ་བསྙེན་མ་དང་། བུད་མེད་རྣམས་རྟག་པར་སེམས་རྩེ་གཅིག་ཏུ་ཀུན་དགའ་བོ་ལ་སོམས་ཤིག །བཀུར་སྟི་དང་རིམ་
D353.076.0162a04.01གྲོ་ཆེར་བྱས་ཏེ་མིང་ནས་ཡང་བརྗོད་ལ་རྒྱུན་དུ་དྲིན་དྲན་པར་བྱའོ། །དེ་མ་ཡིན་ན་ཉིན་མཚན་དུས་དྲུག་ཏུ་ཡང་མི་བརྗེད་པར་བྱའོ། །དྲན་པར་བྱའོ། །དེ་ནས་གཽ་ཏ་མཱིས་དགེ་སློང་མ་རྣམས་དང་། བུད་མེད་རྣམས་ལ་འདི་སྐད་ཅེས་བསྒོའོ། །བདག་ཅག་རྣམས་ཀྱིས་སྟོན་པ་ཀུན་དགའ་བོ་ལ་སྐྱབས་
D353.076.0162a05.01སུ་གསོལ་ཏེ་སྲོག་ཕྱོགས་སོ། །བུད་མེད་གང་ཞིག་རྟག་ཏུ་བདེ་སྐྱིད་པ་དང་། བཀྲ་ཤིས་པ་དང་། འབྲས་བུ་ཐོབ་པར་འདོད་ན་རྟག་ཏུ་དཔྱིད་ཟླ་འབྲིང་པོའི་ཚེས་བརྒྱད་དང་། སྟོན་ཟླ་འབྲིང་པོའི་ཚེས་བརྒྱད་ལ་གོས་སར་པ་གཙང་མ་བགོས་ཏེ། སེམས་རྩེ་གཅིག་ཏུ་ཉིན་ཞག་གཅིག་ཁྲིམས་བརྒྱད་
D353.076.0162a06.01མནོས་ལ་དུས་དྲུག་ཏུ་བརྩོན་འགྲུས་བསྐྱེད་དེ་མཆོད་པ་བྱས་ན་ཀུན་དགའ་བོས་རྫུ་འཕྲུལ་གྱི་མཐུས་སྐྱོབ་ཅིང་བསམས་པ་བཞིན་དུ་གྲུབ་པར་བྱེད་དོ། །འཁོར་མང་པོ་རྣམས་ཆོས་ཐོས་པས་རབ་ཏུ་དགའ་ནས་བསྐོར་བ་བྱས་ནས་ཕྱིར་དོང་ངོ་། །ཐབས་མཁས་པ་ཆེན་པོ་སངས་རྒྱས་དྲིན་ལན་
D353.076.0162a07.01