完整藏文原文 · 德格版页 当前仅加载第 76 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཙུན་མོ་ཡང་ལམ་དུ་ཞུགས་ནས་དོང་ངོ་། །རྒྱལ་བུ་དགེ་དོན་ལངས་ནས་འགྲེང་བཞིན་དུ་རྒྱལ་པོ་དང་བཙུན་མོ་སོང་བ་ལ་བལྟའོ། །རྒྱལ་པོ་དང་བཙུན་མོ་གཉིས་སྐད་ཕྱུང་ནས་ངུ་ཞིང་སོང་ནས་རྒྱལ་བུ་དགེ་དོན་གྱིས་མིག་གིས་མི་སོད་ཀྱི་བར་དུ་རྒྱལ་པོ་དང་བཙུན་མོ་ལ་ཆགས་པའི་སེམས་
D353.076.0100b01.01ཀྱིས་མིག་མི་འཛུམས་པར་བལྟ་བལྟ་ནས་རིང་ཞིག་ལོན་པ་དང་ཕྱིར་ས་ལ་འགྱེལ་ཏོ། །ཤ་དང་ཁྲག་གི་དྲི་བྲོ་བས་ཕྱོགས་བཅུ་ནས་སྦྲང་མ་དང་ཤ་སྦྲང་མང་པོ་འདུས་ནས་རྒྱལ་བུ་ཡོག་པ་ཙམ་དུ་ལུས་ལ་ཟ་ཞིང་འཛུགས་ཏེ་སྡུག་བསྔལ་གྱིས་གདུངས་སོ། །དེའི་ཚེ་ན་རྒྱལ་བུ་དེ་སྲོག་
D353.076.0100b02.01གི་ལྷག་མ་ཙམ་ཞིག་མ་ཆད་དེ་སྐད་ཕྱུང་ནས་འདི་སྐད་ཅེས་སྨོན་ལམ་དུ་བཏབ་བོ། །བདག་གི་སྔོན་གྱི་མི་དགེ་བའི་ལས་རྣམས་ནི་འདིས་བྱང་ཞིང་ཟད་པར་གྱུར་ཅིག །དེང་སླན་ཆད་མི་བགྱིད་དོ། །བདག་གི་ལུས་ཕ་མ་ལ་ཕུལ་ཏེ་སྦྱིན་པ་བྱས་པས་བདག་གི་ཕ་མ་སྔ་མ་བས་ལྷག་
D353.076.0100b03.01པའི་བསོད་ནམས་བཅུ་གཅིག་དང་ལྡན་ཏེ་བདེ་བར་ཉལ་བ་དང་། བདེ་བར་སད་པ་དང་། རྨི་ལམ་ངན་པ་མི་རྨི་བ་དང་། ལྷས་སྲུང་བ་དང་། མིས་བཀུར་བ་དང་། ཞལ་མཆུ་དང་། རྐུན་པོ་དང་། དགྲ་དང་། རྐུ་ལྟོ་བྱེད་པ་མེད་ཅིང་དུས་ཐམས་ཅད་དུ་བཀྲ་ཤིས་པར་ཤོག་ཤིག །
D353.076.0100b04.01བདག་གི་ལུས་ལྷག་མ་ཙམ་ཤ་ཁྲག་སྦྲང་མ་ལ་བྱིན་པས་ཐམས་ཅད་དུ་འགྲངས་ཤིང་ཚིམ་པར་གྱུར་ཏེ་བདག་མ་འོངས་པའི་དུས་ན་སངས་རྒྱས་སུ་གྲུབ་པར་ཤོག་ཤིག །སངས་རྒྱས་སུ་གྲུབ་ནས་ཆོས་ཀྱི་སྐུ་ཐོབ་ནས་ཀྱང་ཆོས་ཀྱི་སྐུས་ཐམས་ཅད་ཀྱི་བཀྲེས་སྐོམ་པའི་མུ་གེ་དང་སྐྱེ་ཤིར་འཁོར་
D353.076.0100b05.01བའི་ནད་ལྕི་བ་སེལ་བར་ཤོག་ཤིག །རྒྱལ་བུས་དེ་སྐད་ཅེས་སྨོན་ལམ་བཏབ་པ་ན་གནམ་ས་ཡང་རྣམ་པ་དྲུག་ཏུ་གཡོས། ཉི་མ་ཡང་འོད་མི་གསལ་བར་གྱུར། གཅན་གཟན་དང་{རི་དགས་,རི་དྭགས་}རྣམས་ཀྱང་སྐྲག་ནས་ཀུན་ཏུ་རྒྱུག །རྒྱ་མཚོ་ཡང་རབ་ཏུ་འཁྲུགས། རི་རབ་ཀྱང་འགུལ་
D353.076.0100b06.01ཞིང་ལྡེག །སུམ་ཅུ་རྩ་གསུམ་གནམ་གྱི་བར་དུ་ཡང་རབ་ཏུ་གཡོས་སོ། །དེའི་ཚེ་བརྒྱ་བྱིན་ལྷའི་དབང་པོས་འདོད་པའི་ཁམས་ཀྱི་ལྷ་དག་དང་འཛམ་བུའི་གླིང་དག་ཏུ་བབས་ནས་རྒྱལ་བུ་དགེ་དོན་བསྡིགས་པའི་ཕྱིར་སེང་གེ་དང་། སྟག་དང་། འཕར་སྤྱང་ལ་སོགས་པའི་ལུས་
D353.076.0100b07.01