完整藏文原文 · 德格版页 当前仅加载第 76 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་ཐབས་མཁས་པས་དགའ་ལྡན་གནམ་དུ་ཚེ་ཕུན་སུམ་ཚོགས་པར་སྐྱེས་སོ། །དེ་ན་མཆོག་ཏུ་གྱུར་པ་གསུམ་དང་ལྡན་ཏེ། ཚེ་མཆོག་ཏུ་གྱུར་པ་དང་། གཟུགས་མཆོག་ཏུ་གྱུར་པ་དང་། གྲགས་པ་མཆོག་ཏུ་གྱུར་པའོ། །ཐོག་
D353.076.0192a01.01མ་གནས་དེ་ནས་བབས་པའི་ཚེ་འོད་ཟེར་ཆེན་པོ་བཀྱེ་ནས་ཕྱོགས་བཅུ་སྣང་བར་བྱས་ཏེ་ཡུམ་གྱི་ལྷུམས་སུ་འཇུག་པ་དང་། ལྷུམས་ན་ཇི་སྲིད་གནས་པ་དང་། ལྷུམས་ནས་བལྟམ་པའི་དུས་མཁྱེན་ཏོ། །ཕྱོགས་བཅུར་ཕྱོགས་རེ་རེར་ཡང་མིས་མ་བརྟེན་པར་གོམ་པ་བདུན་
D353.076.0192a02.01བདུན་བོར་ཏེ་འདི་སྐད་ཅེས་བསྒྲགས་སོ། །བདག་གི་ད་ལྟར་གྱི་ལུས་འདི་ནི་ནངས་ཀྱི་ཐ་མ་སྟེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟ་འཕྱེ་ཆེན་པོ་རྣམས་ཀྱིས་མེ་ཏོག་དང་། བདུག་
D353.076.0192a03.01སྤོས་དང་། རོལ་མོ་དང་། སིལ་སྙན་དང་། བ་དན་དག་དང་། གདུགས་དམ་པ་རྣམས་ཀྱིས་མཆོད་པ་བྱས་སོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པས་དེའི་ལུས་ལས་མཆོག་ཏུ་གྱུར་པ་གཞན་མེད་དོ། །བྱམས་པའི་ཤུགས་ཀྱིས་བདུད་ཀྱི་
D353.076.0192a04.01དཔུང་རྣམས་བཅོམ་མོ། །ལྷུ་ཚིགས་རེ་རེ་ལ་ཡང་གྱད་མཐུ་བོ་ཆེའི་སྟོབས་རེ་རེ་དང་ལྡན་ནོ། །གཞོན་ནུ་བུས་པའི་ཚེ་འཇིག་རྟེན་གྱི་དངོས་པོ་མ་བསླབས་པར་ཐམས་ཅད་ཀུན་རྟོགས་ཤིང་ཤེས་སོ། །སྟོན་པ་མེད་པར་རང་བཙལ་ཏེ་བླ་ན་མེད་པ་ཡང་དག་པར་རྫོགས་
D353.076.0192a05.01པའི་བྱང་ཆུབ་ལྷུན་གྱིས་གྲུབ་བོ། །ཚངས་པའི་ལྷའི་དབང་པོས་བསྐུལ་ནས་སེམས་ཅན་རྣམས་ལ་ཆོས་ཀྱི་འཁོར་ལོ་བསྐོར་ཏོ། །ཏིང་ངེ་འཛིན་ལ་མཉམ་པར་བཞག་པས། འབྲུག་སྒྲ་བསྒྲགས་ཀྱང་མ་གཡོས་སོ། །གཅན་གཟན་རྣམས་ཉེ་བར་བསྟེན་ཏེ་ཕ་མ་
D353.076.0192a06.01བཞིན་དུ་སྡུག་པར་བསམས་སོ། །བྱོལ་སོང་གིས་བསོད་སྙོམས་ཕུལ་བ་ཡང་སངས་རྒྱས་ཀྱིས་དེའི་བསམ་པ་མཁྱེན་ཏོ། །ལྷ་དང་ཀླུས་ཆར་ཕབ་སྟེ་ལུས་ཀྱི་ཁྲུས་བྱས་སོ། །ཤིང་ལྗོན་པའི་ཡལ་ག་ཡང་དེའི་ཕྱོགས་སུ་བཏུད་དེ་གྲིབ་མས་སྐྱབས་བྱས་སོ། །མངོན་
D353.076.0192a07.01