完整藏文原文 · 德格版页 当前仅加载第 76 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་ཞིང་སྤྱོད་པ་དང་། དུས་བཞིན་དུ་བསྒོམས་ཤིང་སྤྱོད་པས་དེའི་རྒྱུས། གཉིས་པ་དང་། གསུམ་པ་དང་། བཞི་པའི་མཚན་ཐོབ་བོ། །དགེ་བའི་ཆོས་བསྒོམ་པ་ལ་མོས་ཤིང་། འགྱོད་པའི་སེམས་མེད་པས། དེའི་རྒྱུས་ལུས་ཀྱི་མདོག་གསེར་ལྟ་
D353.076.0195b01.01བུ་དང་། འོད་རྟག་པ་དང་། སོ་དཀར་བ་དང་། སྨིན་མཚམས་ཀྱི་མཛོད་སྤུའི་མཚན་ཐོབ་བོ། །བསྟོད་ཅིང་བསྔགས་ན་ཡང་ང་རྒྱལ་མི་སྐྱེ་ལ། བདག་གི་ལེགས་པ་བཅབས་ཏེ་རློམ་སེམས་མེད་ན་དེའི་རྒྱུས་རྟ་ལྟ་བུར་མཚན་སྦུབས་སུ་ནུབ་པའི་མཚན་ཐོབ་བོ། །
D353.076.0195b02.01དགེ་བའི་ལས་ཅི་བྱས་པ་བྱང་ཆུབ་ཏུ་བསྔོས་ན་དེའི་རྒྱུས། བ་སྤུའི་ཁུང་རེ་རེ་ནས་སྤུ་རེ་རེ་སྐྱེ་བའི་མཚན་དང་། བ་སྤུ་གྱེན་དུ་ཉལ་བ་དང་། སོ་བཞི་བཅུ་དང་ལྡན་པ་དང་། རོ་བྲོ་བའི་མཆོག་གི་མཚན་ཐོབ་བོ། །རྟག་ཏུ་བརྩོན་འགྲུས་བྱས་ན། དེའི་རྒྱུས་འགྲམ་
D353.076.0195b03.01པའི་ལྷ་ང་ཟླུམ་པ་དང་། ལུས་ཀྱི་སྟོད་སེང་གེ་ལྟ་བུའི་མཚན་ཐོབ་བོ། །སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་སྡུག་པར་བསམས་པས་དེའི་རྒྱུས་སོ་ཐགས་བཟང་ཞིང་མཉམ་པ་དང་། མིག་མཐོན་མཐིང་དུ་འདུག་པ་དང་།
D353.076.0195b04.01མིག་ཁྱུ་མཆོག་གི་རྒྱལ་པོ་ལྟ་བུའི་མཚན་ཐོབ་བོ། །དགེ་བའི་ཆོས་སྒྲུབ་པ་ལ་སྐྱོ་ཞིང་ངལ་བའི་སེམས་མེད་པས་མཚན་ལྷག་མ་གཞན་རྣམས་ཐོབ་བོ། །བྱང་ཆུབ་སེམས་དཔའ་སེམས་དཔའ་ཆེན་པོ་མཚན་ཉིད་ལ་སྤྱོད་ཅིང་གནས་པའི་ཚེ་མཚན་
D353.076.0195b05.01སུམ་ཅུ་རྩ་གཉིས་ཀྱི་ལས་བྱེད་དོ། །རྣམ་པར་དག་པའི་སྤྱོད་པ་ལ་གནས་པའི་ཚེ། མཚན་སུམ་ཅུ་རྩ་གཉིས་ཡོད་མོད་ཀྱི། ཡོངས་སུ་རྫོགས་པའམ། གསལ་བ་མ་ཡིན་ནོ། །སྤྱོད་པ་བཅུ་གསུམ་པ་ལ་གནས་པ་ན་མཚན་རྣམས་ཀྱང་མངོན་
D353.076.0195b06.01པར་གསལ་བར་ཡོངས་སུ་རྫོགས་སོ། །སངས་རྒྱས་ཀྱི་ཆོས་ཀྱི་མཚན་གྲངས་མེད་མོད་ཀྱི་སེམས་ཅན་རྣམས་ལ་མི་འཐུན་ཏེ། རབ་དང་། འབྲིང་དང་། ཐ་མ་ཡོད་པས་བསམ་གྱིས་མི་ཁྱབ་པས་ན། དེ་བས་ན། སངས་རྒྱས་ཀྱིས་
D353.076.0195b07.01