完整藏文原文 · 德格版页 当前仅加载第 76 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཐོབ་པར་འགྱུར་ཏེ། འདི་ནི་བྱང་ཆུབ་སེམས་དཔའ་བརྩོན་འགྲུས་རྩོམ་པའི་དངོས་པོ་བཞི་ཞེས་བྱའོ། །བྱང་ཆུབ་སེམས་དཔའི་ཏིང་ངེ་འཛིན་སྒོམ་པས་འཁྲུག་པའི་སེམས་ཡོངས་སུ་སྤངས་ཏེ། བྱང་ཆུབ་བརྒྱན་པའི་ཕྱིར་སེམས་ཅན་ཡོངས་སུ་སྡུད་དོ། །བྱང་
D353.076.0191b01.01ཆུབ་ཀྱི་ལམ་གྱི་ཕྱིར་ཏིང་ངེ་འཛིན་བསྒོམས་པས་ཚེ་འདི་ལ་ཡང་འཇིག་རྟེན་གྱི་བདེ་བ་མྱོང་ལ། ལུས་དང་སེམས་དབེན་ཞིང་ཞི་བ་ནི་དྲིན་ལན་ཤེས་པ་ཞེས་བྱའོ། །དེ་ལྟར་ལུས་དང་སེམས་དབེན་ཞིང་ཞི་བས་སེམས་ཅན་ལ་མི་འཚེ་བ་ནི་དྲིན་བསབ་པ་ཞེས་བྱ་སྟེ། བྱང་
D353.076.0191b02.01ཆུབ་སེམས་དཔའ་ལུས་འདི་དང་བྲལ་ནས། རྣམ་པར་དག་པའི་ལུས་ཐོབ་ཅིང་བདེ་བ་ཕུན་སུམ་ཚོགས་པའི་ལོངས་སྤྱོད་མྱོང་སྟེ། ཡོངས་སུ་མྱ་ངན་ལས་འདའ་བ་ཐོབ་པ་ནི། བྱང་ཆུབ་སེམས་དཔའི་བསམ་གཏན་སྒོམ་པའི་དངོས་པོ་བཞི་ཞེས་བྱའོ། །གཞན་
D353.076.0191b03.01ཡང་བྱང་ཆུབ་སེམས་དཔའ་དྲིན་ཤེས་པ་དང་། དྲིན་བསབ་པ་ནི་ཤེས་རབ་དང་ལྡན་པས་མ་རིག་པ་བཅོམ་སྟེ། བྱང་ཆུབ་ཡོངས་སུ་བརྒྱན་པའི་ཕྱིར། བསྡུ་བའི་ཆོས་རྣམ་པ་བཞིས་སེམས་ཅན་ཡོངས་སུ་སྡུད་དོ། །བྱང་ཆུབ་ཀྱི་ཕྱིར་ཤེས་རབ་བསྒོམས་པས་
D353.076.0191b04.01ཆོས་ཀྱི་དབྱིངས་ཤེས་ཤིང་རྟོགས་པའི་ཕྱིར། ལུས་ཀྱི་བདེ་བའི་ལོངས་སྤྱོད་མྱོང་བ་ནི་བདག་ལ་ཕན་པའི་དོན་ཞེས་བྱའོ། །སེམས་ཅན་རྣམས་ཀྱི་འཇིག་རྟེན་གྱི་དོན་དང་། འཇིག་རྟེན་ལས་འདས་པའི་དོན་བསྐྱེད་པ་ནི་གཞན་ལ་ཕན་པའི་དོན་ཞེས་བྱའོ། །ཉོན་
D353.076.0191b05.01མོངས་པ་དང་ཤེས་བྱའི་སྒྲིབ་པ་རྣམ་པ་གཉིས་ཡོངས་སུ་སྤངས་པས་ན་འབྲས་བུ་ཆེན་པོ་ཞེས་བྱ་སྟེ། འདི་ནི་དྲིན་ཤེས་ཤིང་དྲིན་བསབ་པའི་བྱང་ཆུབ་སེམས་དཔའི་ཤེས་རབ་ཀྱི་དངོས་པོ་བསམ་གྱིས་མི་ཁྱབ་པ་བཞི་ཞེས་བྱའོ། །གཞན་ཡང་བྱང་ཆུབ་སེམས་དཔའ་སྔོན་
D353.076.0191b06.01གྱི་གནས་དྲན་པའི་མངོན་པར་ཤེས་པས་སྔོན་འདས་པའི་དངོས་པོ་ཤེས་རབ་ཀྱིས་རྟོགས་ཏེ། སེམས་ཅན་རྣམས་ཀྱི་དགེ་བ་དང་སྡིག་པའི་ལས་བརྟགས་ནས་དགེ་བའི་རིས་སུ་འཐུན་པའི་སེམས་ཅན་ཐམས་ཅད་ལ་ཕན་པ་དང་། བདེ་བའི་དོན་དུ་བྱང་ཆུབ་སེམས་དཔའ་སེམས་
D353.076.0191b07.01