完整藏文原文 · 德格版页 当前仅加载第 76 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་རིང་པོར་མི་ཐོགས་ཏེ་རྒས་ཤིང་རྒུད་པར་འགྱུར། ཁ་ཟས་ཀྱི་ཚོད་མ་ཟིན་ན་ན་བར་འགྱུར། ཚེ་ལོ་བརྒྱ་ཐུབ་ན་ཡང་ཐ་མར་ཤི་དགོས་སོ། །ཞེས་རྒྱལ་བུ་རྣམས་མི་དགའ་བའི་མྱ་ངན་གྱིས་ནོན་ཏོ། །ཟས་དང་སྐོམ་ཡང་མི་འདོད་པར་ཕྱིར་ཕོ་བྲང་དུ་འོངས་ནས་
D353.076.0128a01.01ཡབ་རྒྱལ་པོ་ལ་འདི་སྐད་ཅེས་གསོལ་ཏོ། །འཇིག་རྟེན་དག་ནི་སྡུག་བསྔལ་བ་སྟེ་བདེ་བ་མ་མཆིས་པས་ཡབ་རྒྱལ་པོ་བདག་ཅག་རབ་ཏུ་འབྱུང་བར་གསོལ་ལོ། །རྒྱལ་པོས་རྒྱལ་བུ་རྣམས་ལ་སྨྲས་པ། སྐྱེ་བ་དང་། རྒ་བ་དང་། ན་བ་དང་། ཤི་བ་ནི་ཐམས་ཅད་ལ་ཡོད་པར་འདྲ་ན་ཁྱེད་
D353.076.0128a02.01འབའ་ཞིག་མྱ་ངན་བྱར་ཡང་ཅི་ཡོད། རྒྱལ་བུས་གསོལ་པ། བདག་ཅག་ནི་ཤི་ནས་སྐྱེ་བ་ཡང་ནས་ཡང་དུ་ལེན་པའི་ཉོན་མོངས་པ་དང་། འགྲོ་བ་ལྔར་རྒྱུན་དུ་འགྲོ་བར་མི་བཟོད་དོ། །དེ་ནས་རྒྱལ་པོས་ཀྱང་རྒྱལ་བུའི་ཡིད་དམ་མ་བཟློག་སྟེ། རབ་ཏུ་འབྱུང་བར་གནང་ངོ་། །
D353.076.0128a03.01བཙུན་མོས་རྒྱལ་བུ་རྣམས་ལ་སྨྲས་པ། ཁྱེད་རབ་ཏུ་བྱུང་ནས་ཁོ་མོ་སྤངས་ལ་ལམ་རིང་དུ་མ་འགྲོ་བར་ཕོ་བྲང་རྒྱབ་ཀྱི་སྐྱེད་མོས་ཚལ་ན་རབ་ཏུ་དབེན་ལ་ཤིང་དང་ཚལ་ཡང་དབེན་པ་ཡོད་ཀྱིས། དེར་འདུག་ཤིག་དང་། ཡོ་བྱད་རྣམ་བཞིས་མི་བྲེལ་བར་བྱ་ཞིང་འབུལ་ལོ། །རྒྱལ་བུ་
D353.076.0128a04.01རྣམས་རབ་ཏུ་བྱུང་ནས་བཙུན་མོས་གསོལ་པ་བཞིན་རྒྱབ་ཀྱི་སྐྱེད་མོས་ཚལ་ན་གནས་པ་ལས་རྒྱལ་བུ་དེ་དག་ཐམས་ཅད་ཀྱིས་རེ་རེ་ནས་མཐར་གྱིས་རང་སངས་རྒྱས་ཀྱི་བྱང་ཆུབ་ཐོབ་པར་གྱུར་ཏོ། །དེ་ལྟར་རྒྱལ་བུ་བཞི་བརྒྱ་དགུ་བཅུ་རྩ་དགུ་མཐར་གྱིས་རབ་ཏུ་བྱུང་། རང་བྱང་ཆུབ་ཀྱི་
D353.076.0128a05.01འབྲས་བུ་ཐོབ་པར་གྱུར་ནས་རྒྱལ་པོའི་ཕོ་བྲང་དུ་ལྷགས་ཏེ། ཡབ་རྒྱལ་པོ་དང་ཡུམ་ལ་བདག་ཅག་རབ་ཏུ་བྱུང་བའི་དོན་དེ་ཐོབ་བོ་ཞེས་སྨྲས་ནས། དགེ་སློང་དེ་དག་སྟེང་གི་ནམ་མཁའ་ལ་འཕགས་ཏེ་ཤར་ཕྱོགས་ནས་མི་སྣང་བར་གྱུར་ན་ནུབ་ཕྱོགས་ནས་བྱུང་ངོ་། །ནུབ་ཕྱོགས་
D353.076.0128a06.01ནས་མི་སྣང་བར་གྱུར་ན་ཤར་ཕྱོགས་ནས་བྱུང་ངོ་། །ལྷོ་ཕྱོགས་ནས་མི་སྣང་བར་གྱུར་ན་བྱང་ཕྱོགས་ནས་བྱུང་ངོ་། །བྱང་ཕྱོགས་ནས་མི་སྣང་བར་གྱུར་ན། ལྷོ་ཕྱོགས་ནས་བྱུང་ངོ་། །ཆེད་འགའ་ནི་ལུས་ཆེན་པོས་ནམ་མཁའི་ཁམས་གང་བར་གྱུར། ཆེད་འགའ་ནི་ལུས་གཅིག་
D353.076.0128a07.01