完整藏文原文 · 德格版页 当前仅加载第 76 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་བས་ན་ཕ་མ་ཡང་དེ་ལ་མི་དགའ་སྟེ། སྡང་བས་རྒྱལ་བུ་ངན་དོན་རྒྱུན་དུ་ཕྲག་དོག་བྱེད་དེ་ཕུ་བོ་ལ་གནོད་པ་བྱ་བར་སེམས་སོ། །ཕྱིས་དུས་གཞན་ཞིག་ན་རྒྱལ་བུ་དགེ་དོན་འཁོར་དང་བཅས་པ་རོལ་མོ་བྱེད་ཅིང་ཕོ་བྲང་གི་ཕྱི་རོལ་དུ་ལྟད་མོ་ལྟ་ཞིང་འཆག་ཏུ་སོང་བ་ལས་
D353.076.0135a01.01ཞིང་རྨོ་བ་དག་ཞིང་རྨོ་བའི་རོལ་ནས་སྲིན་བུ་དག་བྱུང་བ་ལས་བྱ་མང་པོ་དག་ཐུ་ཞིང་ཟ་བ་མཐོང་ངོ་། །རྒྱལ་བུ་དགེ་དོན་གྱིས་དེ་ལྟ་བུ་དག་མཐོང་ནས་སྙིང་རྗེ་བའི་སེམས་སྐྱེས་ཏེ། བདག་ནི་ཕོ་བྲང་ཟབ་མོ་ནས་སྐྱེས་པས་འདི་ལྟ་བུའི་དངོས་པོ་མ་མཐོང་མ་ཐོས་ན། འཁོར་རྣམས་ལ་འདི་
D353.076.0135a02.01དག་ཅིའི་ཕྱིར་གཅིག་ལ་གཅིག་གནོད་པ་བྱེད་ཅིང་ཟ་ཞེས་དྲིས་སོ། །འཁོར་རྣམས་ཀྱིས་རྒྱལ་བུ་ལ་སྨྲས་པ། ད་ལྟར་རྒྱལ་པོ་མངའ་བའི་ཡུལ་འདི་ཡང་འབངས་ལ་རྟེན་ཏེ། འབངས་ཀྱང་ཁ་ཟས་ལ་ལྟོས་ཏེ་ཁ་ཟས་ནི་ཞིང་རྨོས་པ་ལས་འབྲུ་སྣ་ལྔ་སྐྱེས་ཏེ་སེམས་ཅན་གྱི་སྲོག་འཛིན་
D353.076.0135a03.01ཏོ། །རྒྱལ་བུས་དེ་ལ་རེ་སྡུག་རེ་སྡུག་ཅེས་སྨྲས་ཏེ། ཡང་སོང་སོང་བ་ལས་སྐྱེས་པ་དང་། བུད་མེད་དག་སྐུད་པ་འཁལ་བ་དང་འཐག་པའི་ལས་བྱེད་དེ། ཕན་ཚུན་བསྐྱོད་ཅིང་ཉོན་མོངས་པར་མཐོང་ངོ་། །དེ་དག་མཐོང་ནས་མི་འདི་དག་ཅི་བྱེད་ཅེས་གཡོག་པོ་གཡས་
D353.076.0135a04.01གཡོན་ན་འདུག་པ་ལ་དྲིས་སོ། །དེ་དག་གིས་སྨྲས་པ། མི་འདི་དག་ནི་བཀལ་བ་དང་འཐག་པའི་ལས་བྱེད་དེ། དེས་བདག་གི་ལུས་གཡོག་ཅིང་དགབ་པའི་གོས་བྱེད་དོ། །འདི་དག་ཡང་རེ་སྡུག་ཉོན་མོངས་པར་གྱུར་པའི་ལས་བྱེད་དོ། །དེ་ནས་ཡང་སོང་སོང་བ་ལས་མི་མང་
D353.076.0135a05.01པོ་དག་བ་ལང་དང་། རྔ་མོ་དང་། རྟ་དང་། ཕག་དང་། ལུག་གསོད་ཅིང་པགས་པ་བཤུ་བདག་མཐོང་ནས་འདི་དག་ཅི་བྱེད་ཅེས་དྲིས་སོ། །སྨྲས་པ་འདི་དག་ནི་གསོད་པའི་ལས་བྱེད་དེ། ཤ་འཚོང་ཞིང་བགོ་བ་དང་བཟའ་བའི་སྤོགས་བྱེད་དོ། །དེས་སྲོག་འཚོ་བར་བྱེད་དོ། །
D353.076.0135a06.01རྒྱལ་བུས་དེ་སྐད་ཅེས་ཐོས་ནས། བ་སྤུ་དང་ལུས་ཀྱི་ཤ་ཀུན་འགུལ་ཏེ། ཀྱི་ཧུད་ཀྱི་ཧུད་གསོད་པ་ལ་སྙིང་མི་བཟོད་དོ། །གཅིག་གིས་གཅིག་གི་ཉིང་ཤ་ཉིང་ཟ་ཞིང་བསྐལ་པ་བགྲངས་པའི་བར་དུ་གཅིག་ལ་གཅིག་གསོད་པའི་ལས་བྱེད་དོ། །དེ་ནས་ཡང་སོང་སོང་བ་ལས་མི་
D353.076.0135a07.01