完整藏文原文 · 德格版页 当前仅加载第 76 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྒྱལ་པོས་རྒྱལ་བུ་ལ་ཁྱོད་འདི་ལྟར་དུས་ཀྱིས་རྒྱ་མཚོར་འགྲོར་གསོལ་པ་འདིའི་དོན་ཅི་ཞིག་ཡོད། རྒྱལ་བུས་གསོལ་པ། རྒྱལ་པོ་ཆེན་པོ་བདག་ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་བླངས་ཏེ་སེམས་ཅན་ཐམས་ཅད་ཀྱི་དགོས་པ་ཆོག་པར་བགྱིད་འཚལ་ལོ། །དེ་ནས་རྒྱལ་པོ་
D353.076.0137b01.01ཆེན་པོས་ཀུན་བཀར་བཏགས་ཏེ། སུ་དག་རྒྱ་མཚོར་འགྲོ་བར་འདོད། གལ་ཏེ་རྒྱ་མཚོ་ནས་སླར་འཁོར་ན་རབས་བདུན་གྱི་བར་དུ་བགོ་བ་དང་། ཁ་ཟས་དང་། ནོར་དང་། རིན་པོ་ཆེ་མི་བྲེལ་བར་སྦྱིན་ལ། རྒྱ་མཚོར་འཇུག་པའི་ཡོ་བྱད་ཅི་དགོས་པ་ཐམས་ཅད་ཀྱང་སྦྱིན་ཞིང་སྦྱར་
D353.076.0137b02.01རོ་ཞེས་བཀར་བཏགས་སོ། །རྒྱལ་བུ་དགེ་དོན་རྒྱ་མཚོར་འཇུག་ཅིང་ནོར་བུ་རིན་པོ་ཆེ་ལེན་དུ་འགྲོ་ཞེས་ཐོས་ནས་ཐམས་ཅད་རབ་ཏུ་དགའ་ནས་འདུས་སོ། །དེའི་ནང་ན་མི་ལྔ་བརྒྱ་ཞིག་བདག་ཅག་ཀྱང་རྒྱལ་བུའི་ཞབས་འབྲིང་དུ་མཆི་བར་གསོལ་ལོ་ཞེས་ཁས་བླངས་སོ། །
D353.076.0137b03.01དེའི་ཚེ་ཡུལ་བཱ་རཱ་ཎ་སཱི་ན་རྒྱ་མཚོའི་ས་མཁན་གཅིག་ཅིག་སྔ་ཕྱིར་ལན་དུ་མ་ཞིག་རྒྱ་མཚོར་ཕྱིན་ཏེ། ཐར་བ་དང་མི་ཐར་བའི་ལམ་རྒྱུས་ཤིན་ཏུ་མཁས་པ། ལོ་བརྒྱད་ཅུ་ལོན་པ། མིག་གཉིས་ཀྱང་མི་མཐོང་བ་ཞིག་ཡོད་དེ། དེའི་ཚེ་རྒྱལ་པོ་ཆེན་པོ་ཉིད་ལམ་མཁན་གྱི་དེར་
D353.076.0137b04.01གཤེགས་ནས་ལམ་མཁན་ལ་འདི་སྐད་ཅེས་བཀའ་སྩལ་ཏོ། །ང་ལ་བུ་གཅིག་ལས་མེད་པས་སྒོར་བྱུང་ཡང་མ་མྱོང་ན་རྒྱ་མཚོར་འགྲོ་བར་འདོད་དེ་ཁྱོད་ཀྱང་ཞབས་འབྲིང་དུ་འགྲོ་དགོས་སོ། །དེའི་ཚེ་ལམ་མཁན་དེས་རྒྱལ་པོའི་གསུང་ཐོས་ནས་སྐད་ཆེན་པོ་ཕྱུང་ནས་ངུས་
D353.076.0137b05.01ཏེ། རྒྱལ་པོ་ཆེན་པོ་རྒྱ་མཚོ་ཆེན་པོར་འཇུག་པ་ནི་བགེགས་དང་བར་ཆད་མང་སྟེ། ཉོན་མོངས་པར་འགྱུར་བ་ཡང་གཅིག་ཏུ་མ་ཟད་པས་བརྒྱ་སྟོང་གྲངས་མེད་པ་ཅིག་སོང་ཡང་སླར་འཁོར་བ་གཅིག་གཉིས་ཙམ་ལས་མེད་ན། རྒྱལ་པོ་ཆེན་པོ་ཅིའི་སླད་དུ་རྒྱལ་བུ་འདི་ལྟ་བུའི་
D353.076.0137b06.01ལམ་རིང་པོ་ཡ་ང་བར་གཏོང་། རྒྱལ་པོས་སྨྲས་པ། རྒྱལ་བུ་ལ་བྱམས་ཤིང་བརྩེ་བས་ངོ་མ་ཟློགས་ཏེ་བཏང་བ་ཡིན་ནོ། །ལམ་མཁན་གྱིས་བདག་ཀྱང་འོ་ན་མཆིའོ་ཞེས་གསོལ་ཏོ། །དེ་ནས་རྒྱལ་བུ་དགེ་དོན་གྱིས་མི་ལྔ་བརྒྱའི་ལམ་རྒྱགས་དང་ཡོ་བྱད་སྦྱར་ཏེ་རྒྱ་མཚོའི་ངོགས་
D353.076.0137b07.01