完整藏文原文 · 德格版页 当前仅加载第 76 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཁྱེའུ་ཞིག་བྱུང་ངོ་། །ཁྱེའུ་དེ་ཡང་བྱད་བཞིན་བཟང་ལ་སྡུག་པ། མཛེས་པ་མིའི་མཚན་རྫོགས་པར་ལྡན་པས་ཕ་མ་གཉིས་རབ་ཏུ་དགའ་ནས་མཚན་མཁན་བོས་ཏེ་མཚན་བལྟས་སོ། །མཚན་མཁན་གྱིས་མཚན་བལྟས་ནས་ཁྱེའུ་དེའི་མིང་ཡང་ཙུན་ད་ཞེས་བཏགས་ནས་
D353.076.0131b01.01གསོས་བསྐྱེད་དེ་ལོ་བདུན་ལོན་ནས་ཕ་མ་གཉིས་བྱམས་ཆེ་བས་རབ་ཏུ་བྱུང་བར་གནང་ངོ་། །རབ་ཏུ་བྱུང་བའི་ཕྱིར་དབང་ཕྱུག་གི་རི་ཞེས་བྱ་བར་དེ་བཞིན་གཤེགས་པ་གང་ན་བཞུགས་པར་ཁྲིད་དོ། །དེའི་ཚེ་ན་དེ་བཞིན་གཤེགས་པ་ལ་འཁོར་རྣམ་བཞི་དང་། ལྷ་དང་། ཀླུ་
D353.076.0131b02.01དང་། གནོད་སྦྱིན་དང་། དེ་ལ་སོགས་པ་ལ་མདུན་གྱིས་བྱས་ཏེ་འཁོར་མང་པོ་ལ་འཇིག་རྟེན་གྱི་རིག་བྱེད་ཀྱི་གཙུག་ལག་དང་། འཇིག་རྟེན་ལས་འདས་པའི་ཆོས་སྟོན་ཏོ། །དེ་ནས་བྲམ་ཟེ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་རྒས་
D353.076.0131b03.01འཁོགས་ནས་ཁྱེའུ་ཞིག་མཆིས་པ། བཅོམ་ལྡན་འདས་ལ་འབུལ་གྱིས། ཐུགས་རྗེ་ཆེན་པོས་བསྐྱབ་ཅིང་བདག་གི་བུ་འདི་ཉེ་གནས་སུ་བཞེས་སུ་གསོལ་ལོ་ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་ནས། སྐྲ་ཡང་རང་
D353.076.0131b04.01བྱི་ནས་ཆོས་གོས་ལུས་ལ་རང་ཡོད་པར་གྱུར་ཏེ། གཟེངས་བསྟོད། སྤྲོ་བ་དང་དགའ་བའི་སེམས་བསྐྱེད་དེ། ལམ་གྱི་འབྲས་བུ་ཡང་ཐོབ་སྟེ། རིག་པ་གསུམ་དང་། མངོན་པར་ཤེས་པ་དྲུག་དང་། རྣམ་པར་ཐར་པ་བརྒྱད་དང་ལྡན་པར་གྱུར་ཏོ། །དེའི་ཚེ་ཀུན་
D353.076.0131b05.01དགའ་བོས་འཁོར་མང་པོ་ལ་བལྟས་ཏེ། ཀུན་གྱི་ཐེ་ཙོམ་དགྲོལ་བའི་ཕྱིར་སྟན་ལས་ལངས་ཏེ་གོས་ཚགས་བཅོས་ནས། བླ་གོས་ཕྱོགས་གཅིག་བྱས་ནས་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཙུན་ད་སྔོན་འདས་པའི་
D353.076.0131b06.01དུས་ན་བསོད་ནམས་ཅི་ཞིག་བགྱིས་ན་བཅོམ་ལྡན་འདས་དང་འདིར་ཕྲད་དེ་མྱུར་དུ་འབྲས་བུ་ཐོབ་པར་གྱུར། བཅོམ་ལྡན་འདས་ཀྱིས་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །དགེ་སྦྱོང་ཙུན་ད་འདི་དུས་འདི་གཅིག་པུར་མ་ཟད་དེ། སྔོན་འདས་པའི་དུས་སུ་ཡང་ཕ་མ་དང་
D353.076.0131b07.01