完整藏文原文 · 德格版页 当前仅加载第 76 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྤྲུལ་ཏེ། སྤྲུལ་པའི་སངས་རྒྱས་ཀྱིས་ཆོས་གསུངས་པ་ཡང་ཡོད་ཀྱི། འདུལ་བ་ནི་དེ་ལྟ་བུ་མ་ཡིན་ཏེ་ཐམས་ཅད་སངས་རྒྱས་ཀྱིས་གསུངས་པས་དེ་བས་ན་སངས་རྒྱས་ཀྱིས་སྔར་སྨོས་སོ། །ཡང་གཞན་དུ་ན་མདོ་སྡེ་ནི་གནས་གང་ན་བཞུགས་པ་བཞིན་གསུངས་ཀྱི། འདུལ་
D353.076.0167b01.01བ་ནི་དེ་ལྟ་བུ་མ་ཡིན་ཏེ། གནས་གང་ན་ཉེས་པ་བྱུང་ན་དེ་ཉིད་དུ་ཁྲིམས་བཅའ་བ་མ་ཡིན་གྱི། མཚམས་ཀྱི་ཕྱི་རོལ་དུ་བཅའ་བ་དང་། ཁྱིམ་པའི་ནང་ན་ཉེས་པ་བྱུང་ན་དགེ་འདུན་གྱི་ནང་དུ་བཅའ་བ་དང་། གྲོང་ཁྱེར་གཅིག་ཏུ་ཉེས་པ་བྱུང་ན་ཡང་དགེ་འདུན་གྱི་ནང་དུ་བཅའ་བ་དང་། འཁོར་རྣམ་
D353.076.0167b02.01ལྔའི་ནང་དུ་ཉེས་པ་བྱུང་ན་དགེ་སློང་དང་། དགེ་སློང་མའི་ནང་དུ་བཅའ་བ་དགོས་པས་དེ་བས་ན་སངས་རྒྱས་ཀྱིས་སྔར་སྨོས་པ་ཡིན་ནོ། །ཡངས་པ་ཅན་ཞེས་བྱ་བ་ནི་ཡུལ་ཁ་ཅིག་ནི་རྒྱལ་པོའི་མཚན་ལས་བཏགས་པ་ཡང་ཡོད། །ཡུལ་ཁ་ཅིག་ཡུལ་ས་ལས་བཏགས་པ་ཡང་ཡོད། ཁ་ཅིག་
D353.076.0167b03.01ནི་གྲོང་ཁྱེར་ལས་བཏགས་པ་ཡང་ཡོད། ཡུལ་འདི་ནི་ཀླུ་ལས་ཡུལ་གྱི་མིང་དུ་བཏགས་སོ། །ཀ་ལན་ཏ་ཀའི་གནས་ཞེས་བྱ་བ་ནི་བྱ་ལས་མིང་དུ་བཏགས་ཏེ། གྲོང་ཁྱེར་ཞེས་བྱ་བ་ནི་གྲོང་གི་བདག་པོའི་མིང་ངོ་། །ལྷ་སྦྱིན་ཞེས་བྱ་བ་ཡང་དེའི་ཕ་མས་ལྷ་ལ་གསོལ་བ་བཏབ་པས་བུ་རྙེད་
D353.076.0167b04.01པས་ན་ལྷ་སྦྱིན་ཞེས་མིང་དུ་བཏགས་སོ། །བཙན་ཕྱུག་ཅེས་བྱ་བ་ནི་ཕྱུག་པ་ལ་རྣམ་པ་གཉིས་ཏེ། སེམས་ཅན་གྱི་བག་དང་། སེམས་ཅན་མ་ཡིན་པའི་བག་གོ། །སེམས་ཅན་མ་ཡིན་པ་ཞེས་བྱ་བ་ནི་གསེར་དངུལ་དང་། རིན་པོ་ཆེ་སྣ་བདུན་གྱི་བང་མཛོད་དང་། ནོར་དབྱིག་དང་།
D353.076.0167b05.01ཞིང་དང་། ཁང་ཁྱིམ་མང་དུ་ཡོད་པའོ། །སེམས་ཅན་ཞེས་བྱ་བ་ནི་བྲན་ཕོ་དང་། བྲན་མོ་དང་། ལས་བྱེད་པའི་མི་དང་། བལ་གླང་དང་། རྟ་དང་། བ་ལང་དང་། ལུག་དང་། དབང་བྱེད་པའི་གྲོང་ཁྱིམ་མང་དུ་ཡོད་པ་སྟེ། དེ་ནི་ཕྱུག་པོ་ཞེས་བྱའོ། །བཙན་ཞེས་བྱ་བ་ནི་དབང་དང་
D353.076.0167b06.01ལྡན་པའམ། ལེགས་པའི་ཡོན་ཏན་དང་ལྡན་ཏེ་མིའོ་ཅོག་གིས་ཕུ་དུད་བྱེད་ཅིང་བཙུན་པར་བྱེད་པས་བཙན་ཞེས་བྱའོ། །དཀོན་མཆོག་གསུམ་ལ་ཕྱོགས་ཤིང་སྐྱབས་སུ་འགྲོ་བ་གསུམ་མནོས་པའོ། །གསོལ་པ་སྐྱབས་སུ་འགྲོ་བ་གསུམ་གྱི་རང་བཞིན་ཇི་ལྟ་བུ་ལགས། སྟོན་པ་ཁ་
D353.076.0167b07.01