完整藏文原文 · 德格版页 当前仅加载第 76 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱའི་ནང་དུ་སྨན་བཙལ་ཡང་རྙེད་པར་མ་གྱུར་ཏོ། །རྒྱལ་བུས་སྨྲས་པ། རྒྱལ་པོའི་སྨན་དུ་ཅི་ཞིག་དགོས་ན་དེ་ལྟར་མི་རྙེད་ཅེས་བསྒོ་བ་དང་། བློན་པོས་སྨྲས་པ། རྒྱལ་བུ་མཁྱེན་ཏམ། རྒྱལ་པོའི་སྨན་དུ་གཅེས་པ་ནི་ཐོག་མ་བཙས་ནས་ཐ་མ་སྐྱེས་ཀྱི་བར་དུ་ཁྲོ་མི་ཤེས་པའི་མིའི་
D353.076.0122b01.01མིག་གི་འབྲས་བུ་དང་། རྐང་དགོས་ཏེ། སྨན་འདི་ལྟ་བུ་རྙེད་ན་རྒྱལ་པོའི་སྲོག་འཚོའི་གལ་ཏེ་མི་རྙེད་ན་མི་འཚོ་བས། འདི་ལྟ་བུ་ནི་གང་ནས་ཀྱང་མ་བྱུང་ངོ་། །རྒྱལ་བུས་དེ་སྐད་སྨྲས་པ་ཐོས་ནས་མི་དགའ་ཞིང་མྱ་ངན་གྱིས་སེམས་སྐྱེས་ཏེ་བློན་པོ་རྣམས་ལ་དེ་ནི་ད་ལྟར་བདག་དེ་དང་
D353.076.0122b02.01ལྡན་ནོ་ཞེས་སྨྲས་སོ། །དེ་ཅིའི་ཕྱིར་ཞེ་ན། བདག་ནི་ཐོག་མ་བཙས་ནས་ད་ཙམ་གྱི་བར་དུ་ཁྲོ་མ་མྱོང་ངོ་། །བློན་པོས་སྨྲས་པ། རྒྱལ་བུ་དེ་དང་ལྡན་ཡང་དོན་འདི་ནི་ཤིན་ཏུ་བྱ་དཀའ་བ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ན་བདག་གི་ལུས་ལས་ཕངས་པ་མེད་པའི་ཕྱིར་
D353.076.0122b03.01རོ། །རྒྱལ་བུས་སྨྲས་པ། བློན་པོ་ཁྱོད་སྨྲ་བ་ལྟར་མ་ཡིན་ཏེ། ཡབ་རྒྱལ་པོ་སྙུང་བ་ལས་འཚོ་བར་འགྱུར་ན་ལྟ་བདག་གིས་ལུས་བརྒྱ་སྟོང་གཏོང་ན་ཡང་ནུས་ཏེ་དཀའ་བ་མ་ཡིན་ན། བདག་གི་ལུས་མི་གཙང་བ་འདི་བཏང་བ་ལྟ་ཅི་སྨོས། བློན་པོས་སྨྲས་པ། དོན་འདི་ལྟ་བུ་དག་ནི་
D353.076.0122b04.01རྒྱལ་བུས་ཅི་མཛད་དུ་བས་སོ། །དེ་ནས་རྒྱལ་བུ་བཟོད་པ་རབ་ཏུ་དགའ་ནས་དགའ་བའི་སེམས་སྐྱེས་ཏེ། སྨན་འདིས་ཡབ་རྒྱལ་པོའི་སྙུན་འཚོ་ན་ལྟ་མྱུར་དུ་བྱ་བའི་དུས་ལ་བབ་བོ་སྙམ་བསམས་ནས་ཕོ་བྲང་གི་ནང་དུ་སོང་སྟེ། ཡུམ་གྱི་དྲུང་དུ་ཕྱིན་ནས་ཡུམ་གྱི་རྐང་པ་ལ་མགོ་བོས་ཕྱག་
D353.076.0122b05.01བྱས་ཏེ་ཐལ་མོ་སྦྱར་བ་བཏུད་ནས་ཡུམ་ལ་འདི་སྐད་ཅེས་སྨྲས་སོ། །ད་ལྟར་བདག་གི་ལུས་འདི་ཡབ་རྒྱལ་པོའི་སྨན་དུ་བགོས་ཏེ། གལ་ཏེ་ན་སྲོག་མི་འཚོར་དོགས་པས་ཡུམ་ལ་མཆི་ཕྱག་འཚལ་གྱིས་ཡུམ་མི་དགྱེས་པར་མ་མཛད་ཅིག །ཡུམ་གྱིས་དེ་སྐད་ཅེས་སྨྲས་པ་ཐོས་ནས་
D353.076.0122b06.01འཁམས་ཏེ་ཕྱོགས་ཀྱང་བསླད་པར་གྱུར་ནས། དཔེར་ན་མི་བརྣངས་པ་མིད་དུ་ཡང་མེད་སྐྱུག་ཏུ་ཡང་མེད་པ་ལྟར་སྐྲག་ནས་རྒྱལ་བུ་པང་དུ་བླངས་ནས་ས་ལ་འགྱེལ་ཏོ། །དེ་ནས་གདོང་དུ་ཆུ་གྲང་མོ་གཏོར་ནས་རིང་ཞིག་ལོན་པ་དང་ཕྱིར་སངས་ཏེ་ཡུམ་ལ་ཡང་འདི་སྐད་ཅེས་གསོལ་ཏོ། །ཡབ་
D353.076.0122b07.01