完整藏文原文 · 德格版页 当前仅加载第 76 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། སྟོན་པ་རྒྱལ་བ། སངས་རྒྱས་བཅོམ་ལྡན་འདས་ཞེས་གྲགས་
D353.076.0097a01.01སོ། །སྐབས་ཁ་ཅིག་ཏུ་ནི་དགའ་ལྡན་གནས་སུ་གཤེགས་ནས་ལྷ་རྣམས་ཀྱི་སྟོན་པ་མཛད་དོ། །སྐབས་ཁ་ཅིག་ཏུ་ནི་དགའ་ལྡན་གནས་ནས་བབས་ཏེ། འཛམ་བུའི་གླིང་དུ་སྐུ་ཚེ་ལོ་བརྒྱད་ཅུར་བཞུགས་པ་ཡང་སྟོན་ཏོ། །དེ་བས་ན་དེ་བཞིན་གཤེགས་པ་ནི་བསམ་གྱིས་མི་ཁྱབ་
D353.076.0097a02.01བོ། །འཇིག་རྟེན་གྱི་ཁམས་ཀྱང་བསམ་གྱིས་མི་ཁྱབ་བོ། །ལས་ཀྱི་རྣམ་པར་སྨིན་པ་ཡང་བསམ་གྱིས་མི་ཁྱབ་བོ། །སེམས་ཅན་གྱི་བསམ་པ་ཡང་བསམ་གྱིས་མི་ཁྱབ་བོ། །བསམ་གཏན་གྱི་ཏིང་ངེ་འཛིན་ཡང་བསམ་གྱིས་མི་ཁྱབ་བོ། །ཀླུའི་མཐུ་ཡང་བསམ་གྱིས་མི་
D353.076.0097a03.01ཁྱབ་བོ། །འདི་ནི་སངས་རྒྱས་བསམ་གྱིས་མི་ཁྱབ་པ་སྟེ། སེམས་ཅན་ཐམས་ཅད་ཀྱིས་སངས་རྒྱས་ཀྱི་ཐུགས་ལ་དགོངས་པ་ཤེས་པར་འདོད་ན་སེམས་ཅན་དབང་པོ་ཞན་པ་ཐ་མའི་བར་དུ་ཡང་ཀུན་ཤེས་པར་མཛད་དོ། སེམས་ཅན་ཐམས་ཅད་ལས་གང་ཡང་སངས་རྒྱས་
D353.076.0097a04.01མཐོང་བར་འདོད་ན་དེ་མ་ཐག་ཏུ་མཐོང་བར་མཛད་དོ། །གལ་ཏེ་མཐོང་བར་མི་མཛད་ན་མིག་སྔར་བབ་ཀྱང་མི་མཐོང་ངོ་། །དེ་བས་ན་ཉན་ཐོས་དང་། རང་སངས་རྒྱས་དག་ལྷའི་མིག་གི་མངོན་པར་ཤེས་པ་ཡོད་ཀྱང་མཐོང་བར་མི་ནུས་སོ། །དེ་མ་ཡིན་པ་གཞན་ཡང་སངས་
D353.076.0097a05.01རྒྱས་ཀྱིས་འོད་ཟེར་ཆེན་པོ་བཀྱེ་ནས་སྲིད་པའི་རྩེ་མོ་མན་ཆད་མཚམས་མེད་པའི་སེམས་ཅན་དམྱལ་བ་ཡན་ཆད་སྣང་བར་མཛད་ཀྱང་གང་འདུལ་བའི་སྐལ་བ་དང་ལྡན་པས་ནི་མཐོང་བར་འགྱུར། གང་སྐལ་བ་དང་མི་ལྡན་པས་ནི་མིག་སྔར་བབ་ཀྱང་མི་མཐོང་ངོ་། དེ་བཞིན་
D353.076.0097a06.01གཤེགས་པ་སྐབས་ཁ་ཅིག་ཏུ་ནི་ཆེད་དུ་སྐུལ་བ་མཛད། སྐབས་ཁ་ཅིག་ཏུ་ནི་ཅང་མི་གསུང་བས་ན། སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་སྟེ། ཤིན་ཏུ་དཔག་པར་དཀའ་བ། ཤིན་ཏུ་ཤེས་ཤིང་རྟོགས་པར་དཀའ་ན། ཇི་ལྟར་ཁྱོད་ཀྱིས་དེ་བཞིན་
D353.076.0097a07.01