完整藏文原文 · 德格版页 当前仅加载第 76 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
མར་བསམས་པ་དང་ཡང་འགལ་ལ། གལ་ཏེ་ལུས་འདི་མ་བྱིན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་ཡང་ཇི་ལྟར་འགྱུར་སྙམ་བསམས་ནས་བྲམ་ཟེ་ལ་ཤིན་ཏུ་དགའོ། །བདག་ཡུལ་སྲིད་ཀྱི་གདམས་པ་དང་། བཙུན་མོ་དང་། རྒྱལ་བུ་དང་།
D353.076.0152a01.01དེ་དག་ལ་བསྒོ་བ་{ཆུང་ཟད་,ཅུང་ཟད་}བྱས་ཏེ། དེ་ནས་ཞག་བདུན་ན་ཁྱོད་འདོད་པ་སྦྱིན་ནོ་ཞེས་སྨྲས་སོ། །དེ་ནས་རྒྱལ་པོ་ཆེན་པོ་ཕོ་བྲང་གི་ནང་དུ་སོང་ནས་བཙུན་མོ་རྣམས་ལ་འདི་སྐད་ཅེས་བསྒོའོ། །གནམ་སའི་བར་ན་མཛའ་ཞིང་སྡུག་པ་ཐམས་ཅད་ནི་བྱེ་ཞིང་འབྲལ་བར་འགྱུར། མི་ལ་སྐྱེ་བ་ཡོད་ན་
D353.076.0152a02.01འཆི་བ་ཡོད་ལ། གྲུབ་པ་སྲིད་ན་འཇིག་པ་ཡང་སྲིད་དེ། དབྱར་ས་ལས་ཅི་སྐྱེས་པ་ཐམས་ཅད་དགུན་ནི་ཀུན་སྐམས་པར་འགྱུར་རོ། །ཞེས་སྨྲས་སོ། །བཙུན་མོ་དང་རྒྱལ་བུ་རྣམས་ཀྱིས་རྒྱལ་པོས་སྨྲས་པའི་ཚིག་དེ་ཐོས་ནས་དཔེར་ན་མི་བརྣངས་པ་དང་འདྲ་སྟེ། སྐྱུག་ཏུ་ཡང་མེད། མིད་དུ་
D353.076.0152a03.01ཡང་མེད་པ་ལྟར་གྱུར་ཏེ། རྒྱལ་པོ་ལ་ཅིའི་སླད་དུ་འདི་སྐད་གསུངས་ཞེས་གསོལ་པ་དང་། རྒྱལ་པོས་འདི་སྐད་ཅེས་སྨྲས་སོ། །བྲམ་ཟེ་ཞིག་ལམ་རིང་པོ་ནས་འོངས་ཏེ་ངའི་མགོ་སློང་དུ་འོངས་སོ། །ངས་ཀྱང་སྦྱིན་པར་བྱས་སོ། །བཙུན་མོ་དང་། རྒྱལ་བུ་རྣམས་ཀྱིས་ཚིག་དེ་ཐོས་ནས་ལུས་
D353.076.0152a04.01ས་ལ་བརྡབས་ནས་ཆོ་ངེས་བཏབ་ནས་སྐྲ་ཡང་འབལ། གོས་ཀྱང་གཤགས་དྲལ་ཏེ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་འཇིག་རྟེན་ན་བདག་གི་ལུས་ལས་ཕངས་པ་མེད་ན། ཅིའི་སླད་དུ་འདི་ལྟར་ཤིན་ཏུ་གཏང་དཀའ་བ་གཏོང་ཞིང་སྦྱིན་པ་མཛད་ཅེས་གསོལ་ཏོ། །དེའི་ཚེ་ན་བློན་པོ་ལྔ་
D353.076.0152a05.01བརྒྱས་ཀྱང་བྲམ་ཟེ་ལ་ཁྱོད་འདི་ལྟར་རྣག་ཁྲག་དང་བཅས་པ་མནམ་ཞིང་བཙོག་པའི་མགོ་འདི་ཅིར་དགོས་ཞེས་སྨྲས་པ་དང་། བྲམ་ཟེས་སྨྲས་པ། བདག་དགོས་པས་བདག་གིས་བསླངས་པ་ལ་ཁྱེད་ཀྱིས་དྲིར་ཡང་ཅི་ཡོད། བློན་པོ་རྣམས་ཀྱིས་སྨྲས་པ། ཁྱོད་བདག་ཅག་གི་ཡུལ་དུ་འོངས་པས་
D353.076.0152a06.01བདག་ཅག་གིས་ཀྱང་དྲི་ཞིང་ཁྱོད་ཀྱང་ཚུལ་བཞིན་དུ་སྨྲ་བར་རིགས་སོ། །དེ་ནས་བྲམ་ཟེས་དྲང་པོར་སྨྲར་ཡང་བློན་པོ་རྣམས་ཀྱིས་སྲོག་གི་དབང་པོ་དང་ཕྲལ་དུ་དོགས་ནས་འཇིགས་པས་ཅང་མ་སྨྲས་སོ། །དེ་ནས་བློན་པོ་ལྔ་བརྒྱས་བྲམ་ཟེ་དེ་ལ་ཁྱོད་མ་སྐྲག་ཤིག །ཁྱོད་ལ་མི་འཇིགས་པ་སྦྱིན་
D353.076.0152a07.01