完整藏文原文 · 德格版页 当前仅加载第 76 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
གི་སྤྱི་བོའི་སྟེང་ན་ལྕགས་ཀྱི་འཁོར་ལོས་ཤིན་ཏུ་འབར་བ་རྒྱུན་དུ་འཁོར་ཡང་སྡུག་བསྔལ་དེ་ཙམ་གྱིས་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་གོ། །བརྒྱ་བྱིན་གྱིས་སྨྲས་པ། ཚིག་དེ་སྐད་ཅེས་སྨྲས་པ་ལ་སུ་ཞིག་ཡིད་ཆེས་པར་འགྱུར། དེ་ནས་འཁོར་ལོས་སྒྱུར་བའི་རྒྱལ་
D353.076.0114b01.01པོས་བརྒྱ་བྱིན་ལ་སྨྲས་པ། གལ་ཏེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་པ་མ་ཡིན་ལ་ལྷའི་དབང་པོ་ཁྱོད་བསླུས་པར་གྱུར་ན། བདག་གི་ལུས་ཀྱི་རྨ་འདི་དག་ནམ་དུ་ཡང་འཚོ་བར་མ་གྱུར་ཅིག །གལ་ཏེ་དེ་ལྟ་མ་ཡིན་ན་ཁྲག་ཀྱང་འོ་མར་གྱུར་ཅིག །རྨ་
D353.076.0114b02.01རྣམས་ཀྱང་སོས་པར་གྱུར་ཅིག་ཅེས་དམ་བཅས་མ་ཐག་ཏུ་རྨ་རྣམས་ཀྱང་སོས་པར་གྱུར་ཏོ། །བརྒྱ་བྱིན་ལྷའི་དབང་པོས། རྒྱལ་པོ་ལ་ཤིན་ཏུ་དགེའོ་ཤིན་ཏུ་དགེའོ་ཞེས་བསྟོད་ནས། རྒྱལ་པོ་ཆེན་པོ་ཁྱོད་ནི་ཡང་དག་པར་སྙིང་རྗེ་ཆེན་པོ་དང་ལྡན་པ་སྟེ། སྙིང་རྗེ་ཆེན་པོའི་སྤྱོད་པའོ། །
D353.076.0114b03.01དེ་ལྟར་སྤྱོད་དཀའ་བ་སྤྱད་པས། རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་བས། ནམ་བླ་ན་མེད་པའི་བྱང་ཆུབ་ཐོབ་པ་ན། ཐོག་མ་བདག་གི་དོན་སྔར་བྱས་པར་ཤོག་ཤིག་ཅེས་སྨྲས་ནས། བརྒྱ་བྱིན་ལྷའི་དབང་པོས་ལུས་ཀྱི་
D353.076.0114b04.01འོད་ཟེར་གྱིས་རྒྱལ་པོའི་ལུས་ཀུན་ཏུ་སྣང་བར་བྱས་ནས། ལྷའི་འཁོར་བརྒྱ་སྟོང་དང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །རྒྱལ་བུ་ལྔ་བརྒྱ་རྣམས་དེ་ལྟར་ཡབ་རྒྱལ་པོའི་ལུས་ཀྱི་རྨ་སོས་ཏེ་སྔ་མཁོ་བཞིན་དུ་གྱུར་པ་མཐོང་ནས། རབ་ཏུ་དགའ་རངས་ཏེ་
D353.076.0114b05.01རྒྱལ་པོའི་རྐང་པ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དེ། ཐལ་མོ་སྦྱར་བ་བཏུད་ནས་ཚིག་འཐུན་པར་འདི་སྐད་ཅེས་སྨྲས་སོ། །འདི་ལྟ་བུ་མཛད་པ་ངོ་མཚར་ཆེ་སྟེ། ཡབ་རྒྱལ་པོ་ནི་ཡང་དག་པར་འགྲོ་བ་ཐམས་ཅད་ལ་སྙིང་རྗེ་ཆེ་བའོ་ཞེས་བསྟོད་དོ། །རྒྱལ་པོས་སྨྲས་
D353.076.0114b06.01པ། བུ་ཁྱེད་ང་ལ་སྲི་ཞུ་བྱེད་པ་བདེན་ན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་ཅིག་ཅེས་བསྒོ་ནས། རྒྱལ་བུ་རྣམས་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་བཞིན་དུ་བཙུན་མོ་ཉི་ཁྲི་དང་ཕོ་བྲང་གི་སླས་བརྒྱ་སྟོང་སྙེད་
D353.076.0114b07.01