完整藏文原文 · 德格版页 当前仅加载第 76 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
གནག་རྫི་དེ་ལ་སྦྱིན་པ་བྱིན་ཅིག་ཅེས་སྨྲས་སོ། །དེ་ནས་རྒྱལ་པོ་ལི་ཤི་བར་གྱིས་གནག་རྫི་དེ་ལ་གསེར་དང་། དངུལ་དང་། རིན་པོ་ཆེ་དང་། གོས་དང་། བཟའ་བ་དང་། བཏུང་བ་ཡང་བྱིན་གནག་ལྔ་བརྒྱ་ཡང་ཐལ་བྱུང་བྱིན་ནོ། །དེ་ནས་གནག་རྫི་དེ་ཡང་ཤིན་ཏུ་དགའ་ནས་རྒྱལ་
D353.076.0143b01.01བུ་དགེ་དོན་ལ་བདག་གིས་ཕན་པའི་དྲིན་ཅི་ཞིག་བྱས་ན་བདག་ལ་ནོར་དང་། རིན་པོ་ཆེ་འདི་སྙེད་ཅིག་བྱིན་ཞེས་མི་མང་པོའི་ནང་དུ་སྐད་ཆེན་པོས་གསང་མཁྱུད་དེ་སྦྱིན་པ་བྱས་ཀྱང་དྲིན་མངོན་སུམ་དུ་འོངས་པས་སྦྱིན་པ་བྱས་པའི་འབྲས་བུའི་རྣམ་པར་སྨིན་པ་ནི་འདི་ལྟར་རྒྱ་ཆེའོ་ཞེས་
D353.076.0143b02.01བསྒྲགས་སོ། །དེའི་ཚེ་ན་འཁོར་མང་པོ་ཀུན་རབ་ཏུ་དགའ་ནས་སྦྱིན་པ་ལ་དགའ་བའི་སེམས་སྐྱེས་སོ། །གང་སངས་རྒྱས་འདོད་པས་ནི་ཐམས་ཅད་ལ་སྦྱིན་པར་བྱའོ་ཞེས་ལྷ་རྣམས་ཀྱང་མི་དེ་ལ་བསྔགས་ཤིང་བསྟོད་པས་དེ་བཞིན་དུ་གྲུབ་པར་གྱུར་ཏོ། །དེའི་ཚེ་ན་རྒྱལ་བུ་
D353.076.0143b03.01དགེ་དོན་རྒྱ་མཚོར་མ་ཞུགས་པ་ཕོ་བྲང་ན་འདུག་པ་ན་ངང་པ་དཀར་པོ་གཅིག་གསོས་ཏེ་རྟག་ཏུ་འགྲོགས་ཤིང་བཟའ་བ་དང་། བཏུང་བ་དང་། འགྲོ་བ་དང་། སྡོད་པ་དང་། འདུག་པ་དང་། ཉལ་བ་ན་རྟག་པར་ལྷན་ཅིག་གོ། །དེ་ནས་ཡུམ་བཙུན་མོས་བྱ་ངང་པའི་དྲུང་དུ་སོང་ནས་
D353.076.0143b04.01འདི་སྐད་ཅེས་སྨྲས་སོ། །རྒྱལ་བུ་འདུག་པའི་ཚེ་ཁྱོད་དང་རྟག་པར་འགྲོགས་ན་ད་རྒྱ་མཚོར་སོང་སྟེ་ཤིའམ་གསོན་གཏོལ་མེད་དེ་བདག་མི་ཤེས་ན་ཁྱོད་རྒྱལ་བུ་མི་དྲན་ནམ། ངང་པས་ཚིག་དེ་ཐོས་ནས་སྐད་ཕྱུང་སྟེ་ས་ལ་འགྲེ་ནས་མིག་མཆི་མས་གང་བཞིན་དུ་བཙུན་མོ་ལ་འདི་སྐད་ཅེས་སྨྲས་
D353.076.0143b05.01སོ། །བཙུན་མོ་བདག་རྒྱལ་བུ་ཚོལ་བར་བཀའ་སྩལ་ན་མཆིའོ་ཞེས་སྨྲས་ནས་དེའི་ཚེ་བཙུན་མོས་ཡི་གེར་བྲིས་ཏེ་ངང་པའི་མགུལ་དུ་བཏགས་ནས་རྒྱལ་བུ་ཚོལ་དུ་བཏང་ངོ་། །དེ་ནས་ངང་པ་དེས་རྒྱལ་བུ་གང་ལོགས་སུ་སོང་བ་དྲིས་ནས་ནམ་མཁའ་ལ་འཕུར་ནས་རྒྱ་མཚོའི་ལོགས་སུ་
D353.076.0143b06.01སོང་ངོ་། །བཙུན་མོས་དེ་ལྟར་ངང་པ་སོང་བ་མཐོང་ནས་ད་ནི་གདོན་མི་ཟ་བར་བདག་གི་བུ་གསོན་ནམ་ཤི་བའི་གཏམ་ངེས་པར་ཉེ་བར་ཐོས་པར་འགྱུར་རོ་སྙམ་སེམས་སོ། །དེ་ནས་ངང་པ་དེས་རྒྱ་མཚོའི་སྟེང་གི་ནམ་མཁའ་ལ་ལྡིང་ལྡིང་ནས་ཀུན་ཏུ་བརྟགས་ནས་བཙལ་ཀྱང་རྒྱལ་བུ་མ་མཐོང་ནས་མཐར་
D353.076.0143b07.01