完整藏文原文 · 德格版页 当前仅加载第 76 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ནི་འདོད་པའི་བདེ་བ་ལ་ཆགས་པས་མི་དགེ་བའི་སེམས་ཀྱི་ཤས་ཆེ་སྟེ། དགེ་བའི་སེམས་ཀྱི་མཐུ་ཆུང་ན་ཅིའི་དབང་གིས་ཁྲིམས་ཐོབ་པར་འགྱུར། {ཡི་དགས་,ཡི་དྭགས་}ལྟ་བུ་ནི་བཀྲེས་པ་དང་སྐོམ་པས་སྡུག་བསྔལ་ཏེ་ལུས་དང་སེམས་འབར་ཞིང་ཚིག་པའི་
D353.076.0181a01.01ཕྱིར་རོ། །སེམས་ཅན་དམྱལ་བ་པ་ནི་ཚ་གྲང་གི་སྡུག་བསྔལ་གྲངས་མེད་པས་གཟིར་ཏེ་མི་བཟོད་པ་སྣ་ཚོགས་མྱོང་ཞིང་ལུས་དང་སེམས་གདུངས་པར་གྱུར་པས་ཁྲིམས་ཐོབ་པའི་རྒྱུ་མེད་དོ། །དུད་འགྲོ་ལྟ་བུ་ནི་ལས་ཀྱིས་བསྒྲིབས་ཏེ་ཤེས་པ་མེད་པས་ཁྲིམས་
D353.076.0181a02.01མནོད་པའི་ཆོ་ག་མེད་དོ། །མདོ་སྡེ་ཁ་ཅིག་ལས་སྐབས་ཁ་ཅིག་ཏུ་ཀླུས་ཚུལ་ཁྲིམས་མནོས་པར་འབྱུང་བ་དགེ་བའི་སེམས་ཀྱིས་ཡན་ལག་བརྒྱད་པའི་ཁྲིམས་མནོས་པས་ཉིན་ཞག་གཅིག་གི་བར་དུ་དགེ་བའི་སེམས་ཀྱིས་བསོད་ནམས་ནི་ཐོབ་ཀྱི་ལས་ཀྱིས་བསྒྲིབས་པས་
D353.076.0181a03.01ཚུལ་ཁྲིམས་ནི་ཐོབ་པ་མ་ཡིན་ནོ། །གླིང་བཞིས་དབྱེ་ན་ལྷོའི་འཛམ་བུའི་གླིང་དང་། ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་གླིང་དང་། གླིང་གསུམ་པོ་འདིར་གཏོགས་པའི་རྒྱ་མཚོའི་གླིང་ཕྲན་ན་འཁོད་པའི་མི་རྣམས་ཀྱིས་ཁྲིམས་ཐོབ་བོ། །དཔེར་ན་ནུབ་ཀྱི་བ་ལང་
D353.076.0181a04.01སྤྱོད་ན་འཕགས་པའི་འདུ་ལ་གནས་པར་སངས་རྒྱས་ཀྱིས་ལུང་བསྟན་ཏེ། ད་ལྟར་སངས་རྒྱས་ཀྱི་མཛད་པ་ཆེན་པོ་རྒྱས་པར་བྱེད་པས་འཁོར་རྣམ་བཞི་ཡང་ཡོད་དོ། །ཤར་གྱི་ལུས་འཕགས་གླིང་ན་ཡང་དགེ་སློང་ཡོད་དེ། དེ་ན་ཡང་སངས་རྒྱས་ཀྱི་ཆོས་བྱེད་པས་འཁོར་
D353.076.0181a05.01བཞི་པོ་དག་ཡོད་དོ། །བྱང་གི་སྒྲ་མི་སྙན་འབའ་ཞིག་ན་སངས་རྒྱས་ཀྱི་ཆོས་མེད་དེ། ཚུལ་ཁྲིམས་ཀྱང་མི་ཐོབ་བོ། །དེ་ཡང་བསོད་ནམས་ཀྱི་ལས་ཀྱི་རྣམ་པར་སྨིན་པས་བསྒྲིབས་ཤིང་གཏི་མུག་གིས་བསྒྲིབས་པའི་ཕྱིར་འཕགས་པའི་ཆོས་ཀྱི་སྣོད་དུ་མ་གྱུར་ཏོ། །གང་
D353.076.0181a06.01ཟག་ལ་རྣམ་པ་བཞི་སྟེ། གང་ཞེ་ན། སྐྱེས་པ་དང་། བུད་མེད་དང་། མ་ནིང་དང་། མཚན་མ་གཉིས་པའོ། །རྣམ་པ་འདི་བཞི་ལ་སྐྱེས་པ་དང་བུད་མེད་གཉིས་ཀྱིས་ནི་ཁྲིམས་ཐོབ་པར་རུང་། མ་ནིང་དང་མཚན་མ་གཉིས་གཉིས་ཀྱིས་ཁྲིམས་མི་འཐོབ། དེ་ཡང་
D353.076.0181a07.01