完整藏文原文 · 德格版页 当前仅加载第 76 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་དོན་མ་ཉན་ཏེ། བདག་རྒྱ་མཚོ་ཆེན་པོར་མཆིར་མི་གནང་ན་ནམ་དུ་ཡང་བཟའ་བ་དང་བཏུང་བ་དག་མི་འཚལ་ལོ་ཞེས་གསོལ་ཏོ། །རྒྱལ་པོ་དང་བཙུན་མོ་མི་དགའ་བའི་མྱ་ངན་གྱིས་གདུངས་ཏེ་དྲུང་ན་ངུ་ཞིང་སྨྲེ་སྔགས་འདོན་ནས་ས་ལ་འགྲེའོ། །དེ་
D353.076.0137a01.01བཞིན་དུ་ཉི་མ་གཅིག་མ་ཟོས་མ་འཐུངས་པ་ནས་ཞག་གཉིས། ཞག་གསུམ་ཞག་དྲུག་གི་བར་དུ་མ་ཟོས་མ་འཐུངས་པས་ཡབ་ཡུམ་ལྷག་པར་ཡང་མྱ་ངན་གྱིས་གདུངས་པར་གྱུར་ཏེ། སྲོག་མི་འཚོ་བར་དོགས་ནས་ཞག་བདུན་ལོན་པ་དང་ཡབ་ཡུམ་གྱིས་རྐང་ལག་པང་
D353.076.0137a02.01དུ་བླངས་ཏེ་རྐང་ལག་ལ་འོ་བྱས་ཏེ་ཚིག་སྙན་པ་འཇམ་པོས་ད་ལོངས་ལ་བཟའ་བ་དང་། བཏུང་བ་འཐུང་ཤིག །ཁ་ཟས་ཀྱིས་བསྡུས་པའི་ལུས་འདི་ནི་ཁ་ཟས་ལ་བརྟེན་པའི་རྐྱེན་གྱིས་གསོན་པ་ཡིན་གྱིས། མ་ཟོས་མ་འཐུངས་ན་ཁྱོད་སྲོག་མི་འཚོའོ་ཞེས་སྤྲོ་བ་བསྐྱེད་
D353.076.0137a03.01ཀྱང་རྒྱལ་བུ་མ་ཉན་ཏེ། ཡབ་དང་ཡུམ་གྱིས་བདག་མཆི་བར་མ་གནང་ན་ངེས་པར་འདི་ཁོ་ན་ལས་ནམ་དུ་ཡང་མི་ལྡང་ངོ་ཞེས་གསོལ་ཏོ། །དེའི་ཚེ་ན་བཙུན་མོ་ཆེན་མོས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་བུས་བསམས་པའི་སེམས་འདི་ཤིན་ཏུ་སྤྱོད་དཀའ་བས་
D353.076.0137a04.01རྒྱལ་བུ་འདི་ཉིད་དུ་ཚེའི་དུས་བྱེད་པར་ཐུགས་བཟོད་དམ། ཡིད་དང་འགལ་བར་མཛད་པར་མི་རིགས་ཀྱི། ཐུགས་རྗེ་བར་དགོངས་ཏེ་རྒྱ་མཚོ་ཆེན་པོར་མཆི་བར་གནང་བའི་རིགས་སོ། །མཆིར་གནང་ན་གལ་ཏེ་བརྒྱ་ལམ་ན་སླར་འཁོར་ཡང་སྲིད་ཀྱིས། ད་མ་གནང་ན་
D353.076.0137a05.01གདོན་མི་ཟ་བར་ཚེའི་དུས་བགྱིད་པར་འགྱུར་རོ་ཞེས་གསོལ་ཏོ། །རྒྱལ་པོས་ཀྱང་ཐུགས་མ་བཟོད་ནས་འགྲོ་བར་གནང་ངོ་། །དེ་ལྟར་གནང་ནས་དེའི་ཚེ་རྒྱལ་བུ་དགེ་དོན་ཉལ་བ་ལས་ལངས་ཏེ་རབ་ཏུ་དགའ་མགུ་རངས་ནས་ཡབ་རྒྱལ་པོའི་ཞབས་ལ་མགོ་བོས་ཕྱག་འཚལ་ཏོ། །རྒྱལ་
D353.076.0137a06.01པོའི་འཁོར་བཙུན་མོ་དང་། སླས་རྣམས་དང་། མི་མང་པོ་བརྒྱ་སྟོང་སྙེད་གཅིག་ལ་གཅིག་འདི་སྐད་དུ། རྒྱལ་བུ་དགེ་དོན་ད་ལྟར་ཤིའམ་གསོན་ཞེས་གཏམ་ཟེར་བ་ལས། རྒྱལ་བུ་དགེ་དོན་ད་ལྟར་ལངས་ཏེ་རབ་ཏུ་དགའ་ནས་བཟའ་བ་དང་བཏུང་བའི་ལས་ཀྱང་བྱེད་དོ་ཞེས་སྨྲས་སོ། །
D353.076.0137a07.01