完整藏文原文 · 德格版页 当前仅加载第 76 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་གང་ན་བ་དེར་ལྷགས་ནས། མཆོད་པ་དང་བཀུར་སྟི་བྱས། བསྟོད་པ་བྱས་ནས་ཐམས་ཅད་ཀྱིས་མགྲིན་གཅིག་ཏུ་ཚིགས་སུ་བཅད་པ་བརྒྱ་སྟོང་སྙེད་ཀྱིས་བཅོམ་ལྡན་འདས་ལ་ཡོངས་སུ་བསྟོད་དོ། །དེ་ལྟར་སངས་རྒྱས་ལ་བསྟོད་ནས་ཀྱང་ཕྱོགས་གཅིག་ཏུ་འཁོད་དོ། །དེའི་ཚེ་མི་
D353.076.0095a01.01མཇེད་ཀྱི་འཇིག་རྟེན་གྱི་ཁམས་ཀྱང་ཡོངས་སུ་དག་པར་གྱུར་ཏེ། རི་ཁྲད་ཁྲོད་དང་། རི་ཆེན་པོ་དང་། ཆུང་ངུ་དང་། གཙང་པོ་དང་། ཆུ་ཀླུང་དང་། མཚེའུ་དང་། རྫིང་དང་། ལྟེང་ཀ་དང་། ཤང་ཤོང་དང་། ངམ་གྲོག་དག་མེད་ཅིང་། དེ་ན་གནས་པའི་སེམས་ཅན་རྣམས་ཀྱང་འོད་ཀྱིས་སྣང་བར་
D353.076.0095a02.01བྱས་པས་སངས་རྒྱས་གང་ན་བ་དེར་ལྷགས་ཏེ། དགའ་ཞིང་མགུ་བའི་སེམས་ཀྱིས་ཐལ་མོ་སྦྱར་བ་བཏུད་ནས་མགོ་བོས་ཕྱག་འཚལ་ཏེ་མིག་མི་འཛུམས་པར་ཆགས་པའི་ཡིད་ཀྱིས་ལྟ་ཞིང་འཁོད་དོ། །དེ་ནས་བཅོམ་ལྡན་འདས་ཀྱིས་འོད་ཟེར་ཕྱིར་འདུས་པར་མཛད་དེ། འོད་ཟེར་དེ་དག་གིས་
D353.076.0095a03.01སྐུ་ལ་ལན་བདུན་བསྐོར་ནས་དབུའི་སྤྱི་གཙུག་ཏུ་ནུབ་པར་གྱུར་ཏོ། །དེ་ལྟར་གྱུར་པ་ཀུན་དགའ་བོས་མཐོང་ནས་འཁོར་མང་པོ་ཐམས་ཅད་ཀྱང་ཐེ་ཙོམ་སྐྱེས་པར་སེམས་ཀྱིས་རབ་ཏུ་ཤེས་པས། དེ་བཞིན་གཤེགས་པའི་མཛད་པ་ཐབས་མཁས་པ་མངོན་པར་བསྟན་པ་དང་། ཕྱིས་མ་འོངས་པའི་
D353.076.0095a04.01སྐྱེ་བོ་དག་གི་ཤེས་རབ་ཀྱི་མིག་སྐྱེ་བ་དང་། སོ་སོའི་སྐྱེ་བོ་ཐམས་ཅད་སྲེད་པའི་ཆུ་ཀླུང་ལས་རྒལ་ཞིང་ཕ་རོལ་ཏུ་ཕྱིན་པས་བདེ་བ་ལ་དགོད་པ་དང་། སོ་སོའི་སྐྱེ་བོ་དག་ལ་ཕ་མ་དང་། སློབ་དཔོན་དང་། བླ་མའི་དྲིན་ལྕི་བ་དྲན་ཞིང་ཤེས་པར་བྱ་བའི་ཕྱིར་སྟན་ལས་ལངས་ནས། གོས་ཚགས་སུ་བཅོས་ནས་
D353.076.0095a05.01བླ་གོས་ཕྱོགས་གཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཀུན་དགའ་བོས་སངས་རྒྱས་ཀྱི་ཞབས་འབྲིང་ན་མཆིས་ནས་འཛུམ་པ་མཛད་པ་མཐོང་སྟེ་འདི་ལ་ངེས་པར་
D353.076.0095a06.01དགོངས་པ་ནི་མངའ་ན་འཁོར་མང་པོའི་ཐེ་ཙོམ་གྱི་དྲ་བ་བཅད་པའི་སླད་དུ་བཅོམ་ལྡན་འདས་ཀྱིས་བསྟན་དུ་གསོལ། སངས་རྒྱས་ཀྱིས་བཤད་དུ་གསོལ། ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ་ལས་གླེང་གཞིའི་ལེའུ་ཞེས་བྱ་སྟེ་དང་པོའོ།། །།དེའི་ཚེ་དེའི་དུས་ན་འཁོར་མང་པོ་
D353.076.0095a07.01