完整藏文原文 · 德格版页 当前仅加载第 76 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཡིད་བཞིན་གྱི་ནོར་བུ་རིན་པོ་ཆེ་རྙེད་ན་ཡིད་བཞིན་དུ་སེམས་ཅན་ཐམས་ཅད་ལ་ཚིམ་པར་སྦྱིན་པར་འགྱུར་རོ། །དགེ་དོན་གྱིས་སྨྲས་པ། འདི་ནི་བདག་གི་ཡིད་ལ་བབ་སྟེ་རུང་ངོ་ཞེས་ཕོ་བྲང་དུ་སོང་སྟེ། ཡབ་རྒྱལ་པོ་ལ་བདག་ནི་རྒྱ་མཚོ་ཆེན་པོར་ཞུགས་ཏེ། ནོར་བུ་རིན་པོ་
D353.076.0136b01.01ཆེ་ལེན་དུ་འགྲོ་བར་འདོད་དོ་ཞེས་གསོལ་ཏོ། །རྒྱལ་པོས་ཚིག་དེ་ཐོས་ནས་དཔེར་ན་མི་བརྣངས་པ་ལྟར་སྐྱུག་ཏུ་ཡང་མེད་ལ་མིད་དུ་ཡང་མེད་པ་ལྟར་མི་བདེ་བ་ལྟར་གྱུར་ནས་རྒྱལ་བུ་ལ་འདི་སྐད་ཅེས་སྨྲས་སོ། །ཡུལ་འདི་ཡང་ཁྱོད་ཀྱི་ཡུལ་ཡིན་ཏེ། བང་མཛོད་དང་། ནོར་རིལ་
D353.076.0136b02.01དང་། རིན་པོ་ཆེ་ཅི་ཡོད་པ་ཡང་ཁྱོད་དབང་བས་ཡིད་བཞིན་དུ་སྤྱད་དུ་ཡོད་པས་ན་བདག་ཉིད་རྒྱ་མཚོར་འཇུག་ཅི་དགོས། ཁྱོད་ནི་རྒྱལ་པོའི་སྲས་ཡིན་ཏེ། ཕོ་བྲང་ཟབ་མོའི་ནང་དུ་སྐྱེས་པས་ཉལ་ན་ནི་གུར་ཡོལ་བ་ཅན་གྱིས་བསྐོར། ཁ་ཟས་ནི་ཅི་འདོད་པ་དང་ལྡན་ཏེ། ད་ལམ་
D353.076.0136b03.01དུ་ཞུགས་ཏེ་འདྲོན་དུ་འགྲོ་ན་ཉོན་མོངས་ཤིང་བཀྲེས་པ་དང་། སྐོམ་པ་དང་། གྲང་བ་དང་། ཚ་བས་ཉེན་པར་འགྱུར་ཡང་སུས་ཤེས། དེ་མ་ཡིན་པ་རྒྱ་མཚོའི་ནང་ན་བགེགས་སུ་གྱུར་པ་ཡང་གཅིག་ཏུ་མ་ཟད་དེ་མང་ངོ་། །འདི་ལྟ་སྟེ། {ཡི་དགས་,ཡི་དྭགས་}མ་རུངས་པ་དང་། ཀླུ་
D353.076.0136b04.01གདུག་པ་དང་། དབའ་རླབས་འཁྱིལ་པ་དང་། རླུང་དྲག་པོས་བསྒུལ་ཞིང་གཡེང་བ་དང་། ཆུའི་མདོག་དང་། རི་དང་། ཆུ་སྲིན་དང་། ཉ་ཆེན་པོ་ལ་སོགས་པ་བགེགས་མང་བས་བརྒྱ་སྟོང་ཙམ་སོང་ཡང་ཕྱིར་ཡང་འཁོར་བ་ནི་གཅིག་གཉིས་ཙམ་ལས་མེད་ན་ཅིའི་ཕྱིར་
D353.076.0136b05.01ཁྱོད་རྒྱ་མཚོ་ཆེན་པོར་འགྲ་བར་སེམས་དེ་ནི་ཁོ་བོ་མི་ཉན་ཏོ། །དེ་ནས་རྒྱལ་བུ་དགེ་དོན་ལུས་སྨད་ལྔ་ས་ལ་ཁ་སྦུབ་ཏུ་ས་ལ་ཕབ་སྟེ། རྐང་ལག་བཞི་ཡང་བརྐྱང་ནས་ཡབ་རྒྱལ་པོ་དང་ཡུམ་ལ་འདི་སྐད་ཅེས་གསོལ་ཏོ། །གལ་ཏེ་བདག་རྒྱ་མཚོར་མཆིར་མ་གནང་ན་བདག་འདི་ཁོ་
D353.076.0136b06.01ནར་སྲོག་ཡོངས་སུ་འདོར་གྱི་འདི་ལས་མི་ལྡང་ངོ་། །དེའི་ཚེ་རྒྱལ་པོ་ཆེན་པོ་དང་བཙུན་མོ་དག་དེ་ལྟར་གྱུར་པ་མཐོང་ནས་མིག་མི་འཛུམས་པ་ལྟར་བལྟ་ཞིང་། རྒྱལ་བུ་ཁྱོད་ལོངས་ལ་བཟའ་བ་དང་། བཏུང་བ་འཐུང་ཤིག་ཅེས་ཐབས་སྣ་ཚོགས་ཀྱིས་སྤྲོ་བ་བསྐྱེད་ཀྱང་། རྒྱལ་བུ་
D353.076.0136b07.01