完整藏文原文 · 德格版页 当前仅加载第 76 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་ཐམས་ཅད་མཁྱེན་པ་ལ་ཡང་ཐམས་ཅད་གསུངས་པ་ཞེས་བྱའི། དྲང་ཐབས་སུ་ཐམས་ཅད་གསུངས་པ་ཞེས་བྱར་མི་རུང་ངོ་། །གསོལ་པ། གལ་ཏེ་སངས་རྒྱས་ཀྱིས་མཁྱེན་པས་གསུངས་པ་ལགས་ན་ཉན་ཐོས་དང་། རང་སངས་རྒྱས་ཀྱང་ཤེས་པ་ལ་བརྟེན་ཏེ་སྨྲ་ན་ཅིའི་
D353.076.0164b01.01སླད་དུ་དེ་ལ་ཡང་སངས་རྒྱས་ཞེས་མིང་གདགས། བཀའ་སྩལ་པ། དེ་ལྟ་བུ་མ་ཡིན་ཏེ་སངས་རྒྱས་ནི་མཁྱེན་པ་དང་གསུངས་པ་གཉི་གའི་མཐར་ཕྱིན་ཏོ། །ཐེག་པ་གཉིས་ཀྱི་ཤེས་པ་དང་སྨྲ་བ་ནི་ཆོས་ཀྱི་མཐར་མ་ཕྱིན་པའི་ཕྱིར་རོ། །གཞན་ཡང་སངས་རྒྱས་ནི་ཆོས་ཐམས་ཅད་ཆུབ་པར་
D353.076.0164b02.01མཁྱེན་པས་མིང་བཏགས་པ་ཡང་མཁྱེན་གྱི། ཐེག་པ་གཉིས་ཀྱིས་དེ་ལྟར་མི་ནུས་སོ། །གཞན་ཡང་སངས་རྒྱས་ནི་ཆོས་བརྙེས་པ་ཡང་མཐའ་ཡས་ལ་ཆོས་གསུངས་པ་ཡང་མཐའ་ཡས་ཏེ། ཐེག་པ་གཉིས་ཀྱིས་དེ་ལྟར་མི་ནུས་སོ། །གཞན་ཡང་སངས་རྒྱས་ཀྱིས་བརྙེས་པའི་ཐུན་མོང་
D353.076.0164b03.01ནི་ཐེག་པ་གཉིས་ཀྱིས་ཐོབ་པ་དང་ཐུན་མོང་བ་ཡང་ཡོད། ཉན་ཐོས་ཀྱིས་ཐོབ་པ་དང་། ཐུན་མོང་མ་ཡིན་པ་ཡང་ཡོད་དོ། །ཐེག་པ་གསུམ་གྱི་ཤེས་པ་ཐུན་མོང་ནི་ཐེག་པ་འབྲིང་གིས་ཐོབ། ཐེག་པ་གཉིས་ཀྱི་ཤེས་པ་ཐུན་མོང་ནི་སངས་རྒྱས་འབའ་ཞིག་གིས་བརྙེས་ཏེ་ཐེག་པ་གཉིས་
D353.076.0164b04.01ཀྱིས་མི་ཤེས་པ་ཡང་སངས་རྒྱས་ཉག་གཅིག་གིས་མཁྱེན་ཏོ། །གཞན་ཡང་ཇི་ཙམ་དུ་སྒྲོམ་ཆེ་ན་ཁ་གབ་ཀྱང་ཆེ་སྟེ། ཆོས་ཆེ་ན་མཚན་ཉིད་ཀྱང་མཐའ་ཡས་པས་སངས་རྒྱས་ནི་མཐའ་ཡས་པའི་ཡེ་ཤེས་ཀྱིས་མཐའ་ཡས་པའི་ཆོས་གསུངས་ཏེ། ཐེག་པ་གཉིས་ཀྱི་ཡེ་ཤེས་ནི་མཐའ་
D353.076.0164b05.01ཡོད་པས་ཆོས་ཀྱི་མཚན་ཉིད་ཅེས་མི་གདགས་སོ། །གཞན་ཡང་དབང་པོ་དང་དོན་དུ་ལྡན་ཏེ། དབང་པོ་ཞེས་བྱ་བ་ནི་ཤེས་རབ་ཀྱི་དབང་པོའོ། །དོན་ཞེས་བྱ་བ་ནི་ཤེས་རབ་བོ། །དབང་པོའི་དོན་ཞེས་བྱ་བ་ནི་ཤེས་རབ་ཀྱིས་དམིགས་པའི་ཆོས་སོ། །སངས་རྒྱས་ནི་དབང་པོ་དང་དོན་
D353.076.0164b06.01གཉི་ག་རྫོགས་ཏེ། ཤེས་རབ་ཀྱིས་དམིགས་པའི་ཆོས་ཀྱང་མཐར་མ་ཕྱིན་པ་མེད་དོ། །ཐེག་པ་གཉིས་ཀྱིས་ནི་དབང་པོ་དང་དོན་གཉི་ག་མ་རྫོགས་སོ། །གཞན་ཡང་སངས་རྒྱས་ནི་ཆོས་ཐམས་ཅད་ཀྱི་མཚན་ཉིད་ཡང་དག་པ་ཇི་ལྟ་བ་བཞིན་དུ་མཁྱེན་པའི་ཡང་དག་པའི་ཡེ་ཤེས་
D353.076.0164b07.01