完整藏文原文 · 德格版页 当前仅加载第 76 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་རོལ་པོའི་བྱ་ཡང་བརྐུས་ནས་བསད་དོ། །གཞན་ཞིག་གིས་ཁྱོད་ཅིའི་ཕྱིར་འདི་ལྟར་བྱེད་ཅེས་དྲིས་ན་བདག་གིས་བྱས་པ་མེད་ཅེས་ཟེར་ཏེ། དེ་ལྟར་ཆང་འཐུངས་པས་ཁྲིམས་བཞི་ཆར་ཅིག་ཅར་ཉམས་པར་བྱས་སོ། །ཆང་འཐུངས་ན་མཚམས་མེད་པ་བཞི་ཡང་བྱེད་པར་འགྱུར་ཏེ། དགེ་
D353.076.0173b01.01འདུན་གྱི་དབྱེན་འབའ་ཞིག་བྱེད་མི་ནུས་སོ། །འདི་ཡང་སྔོན་གྱི་ལས་ཀྱིས་གཉེར་བ་མ་ཡིན་མོད་ཀྱི། འོན་ཀྱང་སྨྱོ་བ་དང་མི་དྲན་པར་སྨྱོ་བ་མྱོང་བར་འགྱུར་རོ། །ཆང་འཐུངས་པས་བན་གླང་མྱོས་པ་ལྟར་མྱོས་ཤིང་འཁྲུག་པར་འགྱུར་ཏེ། ཆང་གིས་མྱོས་ན་ཡང་དག་པའི་ལས་སུ་
D353.076.0173b02.01བྱ་བ་བསམ་གཏན་དང་། མདོ་སྡེ་ཀློག་པ་དང་། འདོན་པ་དང་། དགེ་འདུན་གྱི་ལས་བྱ་བ་རྣམས་ཤོར་བར་འགྱུར་ཏེ། རང་བཞིན་གྱི་སྡིག་པ་མ་ཡིན་མོད་ཀྱི་རང་བཞིན་གྱི་སྡིག་པ་དང་འདྲའོ། །དེ་ནས་མ་འགགས་པས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D353.076.0173b03.01དགེ་བསྙེན་གྱི་ཁྲིམས་ལྟ་བུ་སེམས་ཅན་འབའ་ཞིག་ལས་ཁྲིམས་ཐོབ་བམ། སེམས་ཅན་མ་ཡིན་པ་ལས་ཀྱང་ཐོབ་པར་རུང་། འོན་ཏེ་གསད་དུ་རུང་བ་དང་། རྐུར་ཡོད་པ་དང་། མི་ཚངས་པར་སྤྱད་དུ་རུང་བ་དང་། {བརྫུན་,རྫུན་}སྨྲར་རུང་བའི་སེམས་ཅན་ལས་ཁྲིམས་ཐོབ་པར་འགྱུར་རམ།
D353.076.0173b04.01འོན་ཏེ་གསད་དུ་མི་རུང་བ་དང་། རྐུར་མ་མཆིས་པ་དང་། མི་ཚངས་པར་སྤྱད་དུ་མི་རུང་བ་དང་། {བརྫུན་,རྫུན་}སྨྲར་མི་རུང་བ་དང་། སེམས་ཅན་ལས་ཀྱང་ཁྲིམས་ཐོབ་པར་འགྱུར། བཀའ་སྩལ་པ། སེམས་ཅན་ལས་ནི་ཁྲིམས་བཞི་ཐོབ་པར་འགྱུར་གྱི་སེམས་ཅན་མ་ཡིན་པ་ལས་ཆང་
D353.076.0173b05.01མི་འཐུང་བའི་ཁྲིམས་ཐོབ་པར་འགྱུར་རོ། །སེམས་ཅན་དུ་གཏོགས་པ་གསོད་དུ་རུང་བའམ། གསོད་དུ་མི་རུང་བའམ། མི་ཚངས་པར་སྤྱན་དུ་རུང་བའམ། མི་རུང་བའམ། རྐུར་རུང་བའམ། མི་རུང་བའམ། {བརྫུན་,རྫུན་}སྨྲར་རུང་བའམ། མི་རུང་བ་ཐམས་ཅད་ལས་ཚུལ་ཁྲིམས་
D353.076.0173b06.01ཐོབ་སྟེ། མཚམས་མེད་པའི་སེམས་ཅན་དམྱལ་བ་ཡན་ཆད། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་མན་ཆད་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གཏོགས་པ་དེ་བཞིན་གཤེགས་པའི་བར་དུ་སྲོག་དང་བཅས་པ་ཐམས་ཅད་ལས་ཚུལ་ཁྲིམས་འདི་བཞི་ཐོབ་པར་རུང་
D353.076.0173b07.01