完整藏文原文 · 德格版页 当前仅加载第 76 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་ཡིན་ན་འདི་དག་སུའི་ཤ་ཡིན་ཞེས་དྲིས་པ་དང་། དེ་དག་སྐད་ཆེན་པོ་ཕྱུང་ནས་ངུས་ཏེ། སྦྱིན་བདག་ལ་བརྗོད་དུ་མི་རུང་ངོ་ཞེས་སྨྲས་སོ། །ཀྱེ་མའོ་བདག་ཅག་ནི་སྡུག་གོ། །ཀྱེ་མའོ་བདག་ཅག་ནི་སྡུག་གོ། །ཀྱི་ཧུད་ཀྱི་ཧུད་ཁྱོད་ལ་དྲང་པོར་མི་སྨྲར་མི་རུང་
D353.076.0109a01.01སྟེ། བདག་ཅག་ཁུར་དུ་ཁྱེར་བ་འདི་ལ་ལ་ནི་ཕའི་ཤ །ལ་ལ་ནི་མའི་ཤ །ལ་ལ་ནི་བུའི་ཤ །ལ་ལ་ནི་ཕུ་ནུའི་ཤ །ལ་ལ་ནི་གཉེན་བཤེས་ཀྱི་ཤ་ཡིན་ནོ་ཞེས་ལྟོགས་པ་དེ་དག་གིས་སོ་སོ་ནས་ཁྱིམ་བདག་ལ་དྲང་པོར་གཏམ་བྱས་ནས། བདག་ཅག་ནི་ཤིན་ཏུ་ལྟོགས་པས་གཅིག་ལ་
D353.076.0109a02.01གཅིག་ཉིང་ཤ་ཟ་བར་གྱུར་ཏོ། །དེའི་ཚེ་སྦྱིན་བདག་དེས་དབུགས་ཀྱིས་བརྣངས་པ་ཙམ་དུ་མི་ལྟོགས་པ་རྣམས་ལ་འདི་སྐད་ཅེས་སྨྲས་སོ། །ཁྱེད་རྣམས་དེང་ཕྱིན་ཆད་གཅིག་ལ་གཅིག་ཉིང་ཤ་ཟ་བར་མ་བྱེད་ཅིག །ཁྱེད་རྣམས་ལ་དགོས་པའི་ཡོ་བྱད་གང་ཡང་རུང་། བགོ་བའི་
D353.076.0109a03.01གོས་སམ། བཟའ་བའམ། བཏུང་བའམ། ནད་ཀྱི་རྐྱེན་རྩིའམ། ཡོ་བྱད་ཅི་དགོས་པ་ཐམས་ཅད་སྦྱིན་པར་བྱ་སྟེ། ཞག་བདུན་ན་ཁྱེད་རྣམས་ཁོ་བོའི་སྒོར་ཤོག་ཤིག་དང་། ཡིད་བཞིན་དུ་གོས་སམ། ཁ་ཟས་སམ། ནད་ཀྱི་རྐྱེན་རྩིའམ། ཇི་འདོད་པ་ཚིམ་པར་བྱའོ་ཞེས་བསྒོ་
D353.076.0109a04.01བ་དང་། དེ་དག་རབ་ཏུ་དགའ་རངས་ནས་ཤིན་ཏུ་ལེགས་སོ་ལེགས་སོ། །ངོ་མཚར་ཆེའོ་ཞེས་བསྟོད་པ་བྱས་སོ། །དེ་ནས་སྦྱིན་བདག་དེ་ཕྱིར་ཁྱིམ་དུ་འོངས་ནས་ཆུང་མ་དང་། བུ་རྣམས་དང་། བྲན་ཁོལ་དང་། ལས་བྱེད་པའི་མི་རྣམས་ཀྱང་བསྡུས་ཏེ། དགའ་བའི་མདངས་
D353.076.0109a05.01ཕྱུང་ནས། འཇམ་ཞིང་ཡིད་དུ་འོང་བའི་ཚིག་སྙན་པས་བུ་སྨད་དང་། བྲན་ཁོལ་དང་། ལས་བྱེད་པའི་མི་རྣམས་ལ་འདི་སྐད་ཅེས་བསྒོའོ། །ཁྱེད་རྣམས་ཤེས་པར་གྱིས་ཤིག །ཁོ་བོས་སྨྲས་པའི་ཚིག་ལེགས་པར་ཉོན་ཅིག །ཁྱེད་ཤེས་སམ་ཐན་པ་ཆེན་པོས་མུ་གེ་བྱུང་ནས།
D353.076.0109a06.01མི་ཐམས་ཅད་ལྟོགས་ཏེ་གྲངས་མེད་པ་ཞིག་ཤི་བར་གྱུར་ཏོ། །བདག་གི་ཁྱིམ་ན་བང་མཛོད་ཀུན་གང་ཞིང་ལུད་དེ་འབྲུ་ཡང་གྲངས་མེད་པ་ཞིག་ཡོད་པས་དུས་ལས་མ་ཡོལ་བར་བདག་ཅག་བསོད་ནམས་བྱའོ་ཞེས་བུ་སྨད་ཀུན་གྱིས་དེ་སྐད་ཅེས་བསྒོ་བ་ཐོས་ནས་ལེགས་སོ་ལེགས་སོ། །
D353.076.0109a07.01