完整藏文原文 · 德格版页 当前仅加载第 76 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
རུངས་པ་ཡོད་པ་ལྟར་དགེ་སློང་མ་དེ་དག་ཀྱང་དེ་དང་འདྲ་སྟེ། འཇིག་རྟེན་གྱི་འདོད་པ་ལྔ་ནི་འཇིགས་པའི་སྐྱོན་མང་བར་བདག་ཅག་གིས་ཀྱང་ཤེས་ན། ཅིའི་ཕྱིར་འདི་དག་དེ་ལ་ཡོན་ཏན་དུ་ལྟ་སྙམ་བསམས་ནས་སྐད་ཕྱུང་སྟེ་ངུས་སོ། །དེ་ནས་ཕྱིར་བྱུང་སྟེ་སོང་སོང་བ་ལས་དགེ་སློང་མ་ཨུད་པ་ལའི་
D353.076.0158b01.01མདོག་དང་ཕྲད་དེ། བདག་ཅག་ལ་ཅིའི་ཕྱིར་ངུ་ཞེས་དྲིས་སོ། །བདག་ཅག་གིས་དགེ་སློང་མ་ལ་བསམས་པ་ལྟར་མ་གྱུར་པས་ངུ་བ་ཡིན་ནོ་ཞེས་སྨྲས་སོ། །ཨུད་པ་ལའི་མདོག་གིས་སྨྲས་པ། ཁྱེད་ཅིར་བསམས་ན་མ་གྲུབ་པར་གྱུར། བདག་ཅག་གིས་རབ་ཏུ་དབྱུང་བར་གསོལ་བ་ལས་
D353.076.0158b02.01རབ་ཏུ་འབྱུང་དུ་མ་གནང་ངོ་། །ཨུད་པ་ལའི་མདོག་གིས་སྨྲས་པ། ཁྱེད་རབ་ཏུ་འབྱུང་བར་དགའ་ན་ཁོ་བོས་རབ་ཏུ་དབྱུང་ངོ་། །ཤཱག་རིགས་ཀྱི་བུ་མོ་རྣམས་རབ་ཏུ་དགའ་ནས་ཨུད་པ་ལའི་མདོག་གི་སློབ་མར་རབ་ཏུ་བྱུང་ངོ་། །དེ་ལྟར་རབ་ཏུ་བྱུང་ནས་ཐམས་ཅད་འདུས་ཏེ་འདི་སྐད་ཅེས་གཏམ་བྱས་
D353.076.0158b03.01སོ། །བདག་ཅག་རྣམས་རབ་ཏུ་མ་བྱུང་ན་སྡུག་བསྔལ་འགའ་ཙམ་མྱོང་བར་མ་ཟད་དེ། ཕ་མ་དང་གཉེན་བཤེས་ཀྱང་དགྲས་བསད། བདག་ཅག་ཀྱང་སྣ་དང་། རྣ་བ་དང་། རྐང་ལག་ཀུན་བཅད་གཏུབས་ཏེ་སྡུག་བསྔལ་མི་ཟད་མི་སྲིད་པ་མྱོང་ངོ་། །ཨུད་པ་ལའི་མདོག་གིས་སྨྲས་པ། ཁྱོད་
D353.076.0158b04.01ཀྱིས་སྡུག་བསྔལ་དེ་ཙམ་མྱོང་བ་ལ་གཏམ་ཡང་བྱར་ཅི་ཡོད། ཁོ་མོ་རབ་ཏུ་མ་བྱུང་བ་ཙམ་ན་སྡུག་བསྔལ་མྱོང་བའི་གཏམ་དེ་མི་གཏོལ་ཏོ། །ཤཱག་རིགས་ཀྱི་བུ་མོ་རྣམས་ཀྱིས་ཐལ་མོ་སྦྱར་ནས་སློབ་དཔོན་མ་ལ་རབ་ཏུ་མ་བྱུང་བའི་ཚེ། སྡུག་བསྔལ་ཇི་ལྟ་བུ་མྱོང་བ་བསྟན་དུ་གསོལ་ཞེས་སྨྲས་སོ། །
D353.076.0158b05.01དེ་ནས་དགེ་སློང་མ་ཨུད་པ་ལའི་མདོག་ཏིང་ངེ་འཛིན་དུ་ཞུགས་ནས་མངོན་པར་ཤེས་པའི་མཐུས་འོད་ཟེར་ཆེན་པོ་བཀྱེ་སྟེ་འཛམ་བུའི་གླིང་སྣང་བར་བྱས་ནས་ལས་དང་རྒྱུ་འཐུན་པས་ལྷ་དང་། ཀླུ་དང་། གནོད་སྦྱིན་དང་། མི་དང་། མི་མ་ཡིན་པ་ལ་སོགས་པ་བསྡུས་ནས་འཁོར་མང་པོ་ལ་འདི་སྐད་ཅེས་
D353.076.0158b06.01སྨྲས་སོ། །ཁོ་མོ་རབ་ཏུ་མ་བྱུང་བ་ན་ཡུལ་མཉན་དུ་ཡོད་པ་ཅན་ན་འདུག་པ་ན་ཁོ་མོའི་ཕ་མས་བྱང་ཕྱོགས་ན་གནས་པའི་མི་དེ་ལ་བག་མར་བཏང་ངོ་། །བྱང་ཕྱོགས་ཀྱི་མི་དེ་དག་གི་ཡུལ་ཆོས་ཀྱིས་བུ་བཙའ་ཀར་ཕྱིར་ཕ་མའི་ཡུལ་དུ་བུ་བཙར་བཏང་སྟེ། དེ་བཞིན་དུ་ལོ་དུ་མར་དེ་ལྟར་སྔ་ཕྱིར་བུ་བཙས་
D353.076.0158b07.01