完整藏文原文 · 德格版页 当前仅加载第 76 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའམ། བན་གླང་ངམ། རྟའམ། ཐེག་པའམ། བྲན་པོའམ། ལས་བྱེད་པའི་མིའམ། ཆུང་མའམ། སླས་ཀྱང་ཡོད། ཆུ་མིག་གམ། ཁྲུས་ཀྱི་རྫིང་བུའམ། རིན་པོ་ཆེའི་ཡང་ཏོག་བཟང་པོའམ། ལོངས་སྤྱོད་ཀྱི་ཡོ་བྱད་རྣམ་པ་སྣ་ཚོགས་ཡོད་
D353.076.0106b01.01ཀྱང་བྱང་ཆུབ་སེམས་དཔའ་དེ་ལ་རློམ་པའམ་རྒྱགས་པའི་སེམས་མེད་དོ། །དེ་ལྟར་སྒྱུ་རྩལ་ཀུན་ལ་ཡང་མཁས། རིན་པོ་ཆེའི་བང་མཛོད་བརྒྱ་སྟོང་དང་ཡང་ལྡན། བན་གླང་དང་། རྟ་དང་། ཐེག་པ་ཡང་ཡོད། ན་ཆུང་བཟང་མོ་ཡང་གྲངས་མེད་པར་ཡོད། ཡང་ཏོག་
D353.076.0106b02.01བཟང་པོ་ཡང་ཡོད། ཆུ་མིག་དང་ཁྲུས་ཀྱི་རྫིང་བུ་ལ་སོགས་པ་འདོད་པའི་ལོངས་སྤྱོད་གང་ཡང་ཡོད་མོད་ཀྱི། དེ་ལ་མ་ཆགས་ཏེ་རྟག་ཏུ་འདོད་པ་ཉུང་བ་དང་། ཆོག་ཤེས་པ་ལ་དགའ་ཞིང་། བས་མཐའ་དགོན་པ་དང་། རི་དང་། ཚལ་དང་། ཤིང་དྲུང་དུ་བསམ་གཏན་ལ་
D353.076.0106b03.01ཞི་བར་གནས་པ་ལ་མོས་སོ། །སྐྱེ་བོ་མང་པོ་དང་། སྨྲ་ཞིང་གཏམ་ཟེར་ཡང་། སེམས་ནི་རྟག་ཏུ་གཉེན་པོའི་སྒོར་འཇུག་པར་བྱེད་དོ། །སོ་སོའི་སྐྱེ་བོ་དང་སྤྱོད་ཚུལ་འཐུན་པ་ལྟར་བྱེད་ཀྱང་སེམས་ཅན་ལ་ཕན་པའི་དོན་དུ་ནོར་བུ་རིན་པོ་ཆེ་གཏོང་བར་བྱེད་ཀྱིས་སེམས་ཅན་ལ་
D353.076.0106b04.01གནོད་པ་མི་ཕན་པའི་དོན་མི་བྱེད་དོ། །གང་དབུལ་བ། ཕོངས་པ་ཉམ་ཐག་པར་གྱུར་པ་དག་བྱང་ཆུབ་སེམས་དཔའ་ལ་སློང་དུ་འོངས་ན་དེ་ལ་ཅི་འདོད་པ་བཞིན་བྱང་ཆུབ་སེམས་དཔའ་སྦྱིན་པར་བྱེད་དོ། །སེམས་ཅན་གང་ཞིག་སངས་རྒྱས་ཀྱི་ཆོས་ལ་མོས་ཤིང་དད་དེ་བྱང་
D353.076.0106b05.01ཆུབ་སེམས་དཔའ་ལ་བསྙེན་བཀུར་དང་། མཆོད་པ་བྱ་བའི་ཕྱིར་རིམ་གྲོ་དང་གཡོག་བྱེད་ཅིང་རྐང་པ་འཁྲུ་བའི་ལས་བྱེད་དམ། ལུས་བཀྲུ་བ་དང་མཉེ་བའི་ལས་བྱེད་དམ། ཆག་ཆག་དང་ཕྱག་དར་བྱེད་དམ། སོ་ཤིང་དང་ཁྲུས་ཆུར་སྦྱོར་རམ། མལ་སྟན་འདིངས་ཤིང་མལ་
D353.076.0106b06.01གོས་སྤྲུག་པའི་ལས་བྱེད་དམ། སྲོད་དང་ཐོ་རངས་ལ་མར་མེ་འབུད་དམ། ཁྱེའུ་སུས་དང་། དྲོ་ལ་ཁ་ཟས་ཐ་ན་པ་ན་དང་། པུ་ཤེ་ན་དང་། ཁ་ད་ནེ་འབུལ་ལམ། འཐུང་བའི་སྐོམ་ཡུ་ལི་ཤི་དང་། བུ་ལ་ཤ་ཀའི་འབྲས་བུའི་སྐོམ་དང་། རྒུན་ཆུ་དང་། ཁ་ར་ནག་པོའི་ཆུ་ལ་སོགས་
D353.076.0106b07.01