完整藏文原文 · 德格版页 当前仅加载第 76 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དོན་གྲུབ་པའི་གྲོགས་བྱ་སྟེ། དོན་ཡིད་བཞིན་དུ་བསྒྲུབ་པར་བྱའོ། །ཞེས་ཟེར་ན་དེ་ལ་རབ་ཏུ་དགའ་བའི་སེམས་སྐྱེ་བར་འགྱུར་ཏེ། དེ་བས་ན་བདག་གིས་སེམས་ཅན་ལ་ཕན་པ་དང་བདེ་བའི་དོན་དུ་བསྒྲུབ་པའི་ལས་ཀྱི་གྲོགས་བྱའོ། །
D353.076.0106a01.01ཇི་ལྟར་བདག་ལ་རྒྱལ་པོ་དང་། རྐུན་པོ་དང་ཆུའམ། མེས་གནོད་པར་འགྱུར་རམ། བློན་པོ་ལ་སོགས་པས། བཟུང་ངམ། བཏགས་སམ། བཅིངས་ན་མི་དགའ་བའི་མྱ་ངན་གྱིས་གདུངས་པར་གྱུར་པ་ལས་མཁས་པ་བློ་དང་ལྡན་པ་ཞིག་གིས་བདག་དེ་ལྟར་མྱ་
D353.076.0106a02.01ངན་གྱིས་གདུངས་པ་མཐོང་ན། སྙན་པ་སྒྲའི་ཚིག་གིས་བདག་ལ་ཁྱེད་མྱ་ངན་མ་བྱེད་ཅིག །ཁྱོད་ཀྱི་ཕྱིར་ཁོ་བོས་རྒྱལ་པོའམ། བློན་པོ་ཆེན་པོ་ལ་གསོལ་བ་བཏབ་སྟེ། གལ་ཏེ་ན་ནོར་གསུག་སྦྱིན་པའམ། ཐབས་རྣམ་པ་སྣ་ཚོགས་ཀྱིས་ཅི་ནས་ཀྱང་ཁྱོད་མི་
D353.076.0106a03.01བདེ་བའི་སྡུག་བསྔལ་ལས་ཐར་བར་བྱའོ་ཞེས་ཟེར་ན། བདག་གིས་ཚིག་དེ་ཐོས་པ་ཙམ་གྱིས་སེམས་དགའ་བར་འགྱུར་ཏེ། དེ་བས་ན་བྱང་ཆུབ་སེམས་དཔའ་ནི་ཤེས་པར་བྱ་བའི་སྒྱུ་རྩལ་དང་བཟོའི་བར་དུ་ཡང་མཐར་ཕྱིན་པར་བརྩོན་འགྲུས་སུ་སློབ་བོ། །འདི་ལྟ་སྟེ།
D353.076.0106a04.01ཤེས་པར་བྱ་བ་རིག་པའི་གནས་དང་། བཟོའི་གནས་དང་། རོལ་མོ་དང་། རྩེད་མོ་དང་། གྲངས་དང་། རྩིས་དང་། མིག་འཕྲུལ་གྱི་སྔགས་དང་། སྨན་དང་། བན་གླང་དང་། རྟ་དང་། བཞོན་པ་དང་། དགྲ་ཆོས་དང་། དམག་དྲང་བ་དང་། དཔྱད་ལ་སོགས་
D353.076.0106a05.01པ་ལ་མཁས་པར་སློབ་སྟེ། དེ་ལྟར་སྒྱུ་རྩལ་ཅི་ལ་ཡང་མཁས་པར་བསླབས་ནས་འགྲོ་བ་མང་པོ་དང་། རྒྱལ་པོ་དང་། བློན་པོ་ཆེན་པོ་ལ་སོགས་པ་ཡང་བསམས་པའི་ཡིད་དང་འགལ་བར་མི་བྱེད། དེ་མ་ཡིན་པ་གཞན་ཡང་ལོངས་སྤྱོད་ཀྱི་རྐྱེན་གོས་སམ། ནོར་
D353.076.0106a06.01རམ། ཟས་སམ། བཟའ་བའམ། བཏུང་བའམ། ནོར་བུའམ། གདུ་བུའམ། ལུས་ཀྱི་རྒྱན་ནམ། གསེར་རམ། དངུལ་ལམ། བཻ་དཱུརྱའམ། བྱི་རུའམ། མན་ཤེལ་ལམ། སྤུག་གམ། མུ་ཏིག་གམ། ཨ་མྲ་གར་བྷའམ། ནོར་བུ་
D353.076.0106a07.01