完整藏文原文 · 德格版页 当前仅加载第 76 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མི་དགེ་བའི་ཁྲིམས་ཐོབ་པ་ཞེས་བྱའོ། །གལ་ཏེ་བདག་ཤེན་པའོ་ཞེས་ངེས་པར་དམ་བཅས་ན་ཡང་མི་དགེ་བའི་ཁྲིམས་ཐོབ་པར་འགྱུར་རོ། །མི་དགེ་བའི་ཁྲིམས་ནོད་པ་ནི་བདག་གིས་དམ་བཅས་པ་ཙམ་གྱིས་ཐོབ་པར་འགྱུར་ཏེ། ཕ་རོལ་གཞན་ལས་
D353.076.0183a01.01མནོད་མི་དགོས་སོ། །གལ་ཏེ་མི་དགེ་བའི་ཁྲིམས་ཉིན་ཞག་གཅིག་གམ་གཉིས་ནས་ཉིན་ཞག་བཅུའམ། ལོ་གཅིག་གམ། ལོ་གཉིས་ཀྱི་བར་དུ་མནོད་པར་དམ་བཅས་ན་དམ་བཅས་པའི་དུས་རིང་ཐུང་ལས་དེ་བཞིན་ཐོབ་པར་འགྱུར་ཏེ། དེ་བས་ན་སྡིག་པ་མི་དགེ་བའི་ཆོས་ནི་སྐྱེ་
D353.076.0183a02.01ཤི་འཁོར་བ་ལ་གཞོལ་བར་བྱེད་ཀྱི་གོང་ནས་གོང་དུ་འཕར་བའི་དོན་མེད་དོ། །དེ་ལྟར་ན་མི་དགེ་བའི་ཁྲིམས་ནི་དངོས་པོ་དེ་ཉིད་ཀྱིས་ཐོབ་པ་ཡིན་ཏེ། དགེ་བའི་ཚུལ་ཁྲིམས་དང་མི་འདྲའོ། །ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ་ལས་མ་འགགས་པའི་
D353.076.0183a03.01ལེའུ་ཞེས་བྱ་སྟེ་བརྒྱད་པའོ།། །།ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ། བམ་པོ་བདུན་པ་སྟེ་ཐ་མ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དྲིན་ལན་ཤེས་པ་དང་། དྲིན་ལན་བསབ་པ་དང་། ཐབས་མཁས་པ་ཆེན་པོས་
D353.076.0183a04.01སེམས་ཅན་རྣམས་ལ་ཕན་པ་དང་བདེ་བའི་དོན་བྱེད་པ་དག་དུས་དང་སྐབས་ཤེས་ན་བསྟན་ཅིང་བཅོས་པ་ལ་གནོད་པར་མི་འགྱུར་རོ། །རིགས་ཀྱི་བུ་སངས་རྒྱས་མངོན་པར་འཇིག་རྟེན་དུ་བྱུང་བ་འཇིགས་པ་མེད་པའི་རྒྱལ་པོ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D353.076.0183a05.01རྫོགས་པའི་སངས་རྒྱས་རིག་པ་དང་། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། སྟོན་པ་རྒྱལ་བ་འཇིག་རྟེན་དུ་གཤེགས་ཏེ། སྐལ་བ་དང་ལྡན་པའི་དོན་མཛད་དོ། །སྐལ་བ་དང་ལྡན་པ་རྣམས་ཀྱི་དོན་མཛད་
D353.076.0183a06.01ནས་ཡོངས་སུ་མྱ་ངན་ལས་འདས་སོ། །མྱ་ངན་ལས་འདས་ནས་དམ་པའི་ཆོས་ལ་སྤྱོད་པའི་ཚེ་བྲམ་ཟེའི་བུ་ཡིད་གཞུངས་ཤིང་རྣོ་བའི་ཤེས་རབ་དང་ལྡན་པ་གཏན་ཁྲིམས་ལྔ་སྲུང་བ། དམ་པའི་ཆོས་འཛིན་པ་ཞིག་བྱུང་ངོ་། །དུས་གཞན་ཞིག་ན་བྲམ་ཟེའི་བུ་དེ་ཡུལ་གཞན་ཞིག་ཏུ་དོན་
D353.076.0183a07.01