完整藏文原文 · 德格版页 当前仅加载第 76 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཏེ་དངངས་པར་གྱུར་ཏོ། །དེ་ནས་དགེ་སློང་གཞོན་ནུས་དགེ་སློང་མ་ཧ་ལ་ལག་པ་གཡས་པས་བཏེག་སྟེ། ལག་པ་ལས་འོད་ཟེར་ཆེན་པོ་བཀྱེ་ནས་ཕྱོགས་བཅུར་སྣང་བར་བྱས་སོ། །དེ་ནས་མཛོད་གསུམ་དང་ལྡན་པའི་དགེ་སློང་གཞོན་ནུས་དགེ་སློང་རྒན་པོའི་རྐང་པ་ལ་
D353.076.0132b01.01མགོ་བོས་ཕྱག་འཚལ་ནས་འགྱོད་ཚངས་བྱས་ཏེ་བདག་ནི་མི་ཤེས་པའི་གཏི་མུག་གིས་ཁེབས་པས་འཕགས་པ་ཡིན་པར་མ་ཤེས་ཏེ། སྡིག་པའི་ལས་བྱས་པ་མ་ཤེས་པ་འདི་སྡིག་པར་མི་འགྱུར་ཞིང་། བདག་མ་འོངས་པའི་དུས་སུ་དགེ་བའི་བཤེས་གཉེན་དང་
D353.076.0132b02.01ཕྲད་ཅིང་སྟོན་པ་འཕགས་པ་ཁྱོད་དང་ཕྲད་དེ། ཟག་པ་ཟད་པར་ཤོག་ཤིག་ཅེས་བཤགས་ཤིང་འཐོལ་ལོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་དགེ་སློང་གཞོན་ནུ་མཛོད་གསུམ་དང་ལྡན་པ་དེས་ཚིག་བརླང་པོ་གཅིག་གིས་
D353.076.0132b03.01དགེ་སློང་རྒན་པོ་ལ་སྨྲས་པས་ཚེ་རབས་ལྔ་བརྒྱའི་བར་དུ་ཁྱིའི་ལུས་མྱོང་བར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་ནས་འཁོར་མང་པོ་རྣམས་ཨེ་མའོ་ཨེ་མའོ་འཇིག་རྟེན་འདི་ན་གདུག་པའི་མཆོག་ནི་ངག་གི་ལས་ལས་འདའ་བ་མེད་དོ། །ཞེས་འཁོར་
D353.076.0132b04.01མང་པོ་ཐམས་ཅད་ཀྱིས་ཚིགས་སུ་བཅད་དེ་འདི་སྐད་ཅེས་དམ་བཅས་སོ། །ལྕགས་ཀྱི་འཁོར་ལོ་ཚ་བ་དག །སྤྱི་བོའི་སྟེང་ན་རྒྱུན་འཁོར་ཡང་། །སྡུག་བསྔལ་བར་ནི་མི་འཛིན་ཏེ། །ནམ་དུའང་ཚིག་ངན་མི་སྨྲའོ། །ལྕགས་ཀྱི་འཁོར་ལོ་ཚ་བ་དག །སྤྱི་བོའི་
D353.076.0132b05.01ཐོག་ན་རྒྱུན་འཁོར་ཡང་། །སྡུག་བསྔལ་བར་ནི་མི་འཛིན་ཏེ། །ཚིག་ངན་འཕགས་ལ་མི་སྨྲའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ནི་སེམས་ཅན་མང་པོའི་དགེ་བའི་བཤེས་གཉེན་དུ་གྱུར་པས། ཉིན་མཚན་དུས་དྲུག་ཏུ། ལྷའི་
D353.076.0132b06.01མིག་གིས་འགྲོ་བ་ལྔའི་སྐྱེ་བོ་རྣམས་ལ་རྟོག་ཅིང་ལྟ་སྟེ། འདུལ་བའི་དུས་ལ་བབ་ན་དེའི་དོན་བྱེད་དོ། །དེའི་ཚེ་ན་ཡུལ་མ་ག་དྷཱ་དང་། ཡུལ་འདི་གཉིས་ཀྱི་བར་ན་ཚོང་པ་ལྔ་བརྒྱ་ཞིག་རྟག་ཏུ་ཕན་ཚུན་རྒྱུ་བ་ལས། ཕན་ཚུན་དུ་རྒྱུ་བའི་ལམ་དེ་ཡང་འཇིགས་པ་ཆེ་
D353.076.0132b07.01