完整藏文原文 · 德格版页 当前仅加载第 76 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་ཀྱི། ཐེག་པ་གཉི་ག་ཡི་ནི་བག་ཆགས་མ་ཟད་དོ། །དཔེར་ན་དགེ་སློང་རྟག་ཏུ་བལྡད་པ་ཞེས་བྱ་བ་རྟག་པར་བ་ལང་ལྟར་བལྡད་པ་ཡང་ཚེ་རབས་སྔ་མ་ལ་ཚེ་རབས་དུ་མར་བ་ལང་བྱེད་བྱེད་པ་ལས་མིར་སྐྱེས་པའི་ཕྱིར་རོ། །དཔེར་ན་དགེ་སློང་ཞིག་ཟག་པ་ཟད་ཀྱང་རྟག་ཏུ་མེ་ལོང་ལ་
D353.076.0166b01.01བལྟ་བ་ནི་ཚེ་རབས་དུ་མར་བུད་མེད་སྦྲུལ་འཚོང་མ་ལས་མིར་སྐྱེས་པའི་ཕྱིར་རོ། །དཔེར་ན་དགེ་སློང་ཞིག་ཁྲི་དང་གདང་ལ་འཛེག་པར་དགའ་བ་ཡང་ཚེ་རབས་དུ་མར་སྤྲེའུ་བྱེད་བྱེད་པ་ལས་མིར་སྐྱེས་ཏེ། དེ་དག་ལ་ནི་བཅོམ་ལྡན་འདས་ཞེས་བྱར་མི་རུང་ངོ་། །གསོལ་པ། འདི་སྐད་
D353.076.0166b02.01བདག་གིས་ཐོས་ཞེས་བགྱི་བ་སངས་རྒྱས་བཞུགས་པའི་ཚེ་བདག་གིས་ཐོས་ཞེས་གསུངས་སམ། སངས་རྒྱས་མྱ་ངན་ལས་འདས་པའི་འོག་ཏུ་ཐོས་ཞེས་གསུངས། ཆོས་ཀྱི་མཛོད་བསྡུས་པའི་ཚིག་ལས་བདག་གིས་ཐོས་ཞེས་བྱ་ན་སངས་རྒྱས་ཤིང་བསྟན་པ་ཡང་བདག་ལ་མ་
D353.076.0166b03.01ལུས་པར་བསྟན་ཅིང་བཤད་པར་གསོལ་ལོ་ཞེས་མ་སྨྲས་སམ། གསོལ་པ། ལོ་ཉི་ཤུའི་བར་དུ་ཆོས་ཀྱི་ཚིག་ཅི་བཤད་པ་དེ་ཇི་ལྟར་བསྟན་པར་བགྱི། བཀའ་སྩལ་པ། སངས་རྒྱས་ཀྱི་ཐབས་མཁས་པས་ཚིགས་སུ་བཅད་པ་གཅིག་གིས་ཀྱང་ཆོས་གྲངས་མེད་པ་སྟོན་ལ། ཆོས་
D353.076.0166b04.01གྲངས་མེད་པའི་དོན་ཡང་ཚིགས་སུ་བཅད་པ་གཅིག་གིས་སྟོན་ཏེ། སངས་རྒྱས་ཀྱི་མདོ་ཙམ་ཞིག་བསྟན་ན་ཡང་ཀུན་དགའ་བོས་མ་ལུས་པར་ཤེས་པ་ནི་རྣོ་བའི་ཤེས་རབ་ཀྱིས་གཟུངས་སུ་འཛིན་པའི་སྟོབས་ཆེ་བའི་ཕྱིར་རོ། །ཆོས་བརྒྱད་ཁྲི་ཡོད་ཅེས་བྱ་བ་ནི་དཔེར་ན་ཤིང་གི་རྩ་བ་དང་།
D353.076.0166b05.01ཡལ་ག་དང་། ལྕུག་མ་དང་། འདབ་མ་ལ་སྤྱིར་སྡོང་པོ་གཅིག་ཅེས་བྱ་བ་ལྟར། སངས་རྒྱས་ཀྱི་སེམས་ཅན་གྱི་དོན་དུ་ཐོག་མ་ནས་ཐ་མའི་བར་དུ་ཆོས་བསྟན་པ་ལ་སྡེ་སྣོད་གཅིག་ཅེས་བྱ་སྟེ། དེ་ལྟར་ན་བརྒྱད་ཁྲིའོ། །གཞན་དུ་ན་སངས་རྒྱས་གདན་གཅིག་ལས་མ་གཡོས་པར་ལོ་ཉི་ཤུའི་
D353.076.0166b06.01བར་དུ་ཆོས་བཤད་ཀྱང་ཀུན་དགའ་བོས་མ་ཐོས་ན་ཅིའི་སླད་དུ་བདག་གིས་ཐོས་ཞེས་བགྱི། བཀའ་སྩལ་པ། ལྷ་རྣམས་ཀྱིས་ཀུན་དགའ་བོ་ལ་སྨྲས་ཞེས་ཀྱང་བྱ། གཞན་དུ་ན་སངས་རྒྱས་བཅོམ་ལྡན་འདས་ཀུན་རྫོབ་འཇིག་རྟེན་པའི་ཐུགས་ཀྱིས་ཀུན་དགའ་བོས་ཤེས་པར་བྱས་ཞེས་
D353.076.0166b07.01