完整藏文原文 · 德格版页 当前仅加载第 76 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་སྡེ་སྣོད་བསྡུས་པའི་ཚེ་སྡེ་སྡེའི་བག་ལ་བསྟན་ཏོ། །སངས་རྒྱས་ཀྱིས་ནི་སྐབས་ཁ་ཅིག་ཏུ་ཉེ་གནས་རྣམས་ལ། ཚུལ་ཁྲིམས་ལྕི་བ་དང་། ཡང་བ་དང་། ལྟུང་བ་དང་། ལྟུང་བ་མེད་པ་བཅས་ཏེ་འདུལ་བའི་སྡེ་སྣོད་དུ་ཕྱེའོ། །སྐབས་ཁ་ཅིག་ཏུ་ནི་རྒྱུ་དང་འབྲས་
D353.076.0164a01.01བུའི་མཚན་ཉིད་ལས་ཉོན་མོངས་པ་དང་། ཉེ་བའི་ཉོན་མོངས་པ་སྐྱེ་བས་ལས་ཀྱི་མཚན་ཉིད་གསུངས་ཏེ་ཆོས་མངོན་པའི་སྡེ་སྣོད་ཕྱེའོ། །ལྷ་དང་མིའི་འཇིག་རྟེན་དུ་བཅས་པ་ལ་ཅི་དང་འཕྲོད་པ་བཞིན་དུ་བསྟན་ཅིང་གསུངས་པ་ནི་གཞུང་གཅིག་ནས་འཕྲོས་པ་ཞེས་བྱ་སྟེ། འདུལ་བའི་
D353.076.0164a02.01སྐལ་བ་དང་ལྡན་པའི་གང་ཟག་རྣམས་ཀྱིས་སྤྱོད་པའི་ལས་སུ་གསུངས་སོ། །སེམས་ཅན་དབང་པོ་རྣོན་པོ་རྣམས་ལ་དོན་ཟབ་མོ་རྣམ་པ་མང་པོ་གསུངས་པ་ནི་གཞུང་བར་མ་ཞེས་བྱ་སྟེ། སློབ་མ་རྣམས་ཀྱི་སྤྱོད་པའི་ལས་སུ་གསུངས་སོ། །བསམ་གཏན་གྱི་ཆོས་རྣམ་པ་སྣ་ཚོགས་
D353.076.0164a03.01གསུངས་པ་ནི་གཞུང་སིལ་བུ་ཞེས་བྱ་སྟེ། གང་ཟག་བསམ་གཏན་བྱེད་པ་རྣམས་ཀྱི་སྤྱོད་པའི་ལས་སུ་གསུངས་སོ། །མུ་སྟེགས་ཅན་མང་པོ་གཞིག་པའི་དོན་དུ་གཞུང་རིང་པོ་གསུངས་སོ། །གསོལ་པ། གལ་ཏེ་སངས་རྒྱས་ཐམས་ཅད་གསུངས་པ་ལ་གནས་ན་མདོ་སྡེ་ལས་སངས་
D353.076.0164a04.01རྒྱས་ཤིང་ལྗོན་པ་ཞིག་གི་དྲུང་དུ་བཞུགས་ཏེ། ཤིང་དེའི་ཡལ་ག་གཅིག་གི་འདབ་མ་ལས་བཟུང་ནས་ཉེ་གནས་རྣམས་ལ་ཡལ་ག་བཟུང་བ་འདིའི་འདབ་མ་མང་ངམ། ཤིང་ལྗོན་པ་ཆེན་པོའི་འདབ་མ་མང་ཞེས་བཀའ་སྩལ་ནས་ཤིང་ལྗོན་པའི་འདབ་མ་མང་ངོ་ཞེས་གསོལ་པ་ལས་སངས་རྒྱས་
D353.076.0164a05.01ཀྱིས་ཀྱང་ངས་མཁྱེན་པའི་ཆོས་ནི་ཤིང་ལྗོན་པའི་འདབ་མ་དང་འདྲའོ། །ངས་བཤད་པའི་ཆོས་ནི་ལག་པས་བཟུང་བའི་འདབ་མ་དང་འདྲའོ་ཞེས་གསུངས་ན་སངས་རྒྱས་ནི་ཐམས་ཅད་གསུངས་པའོ་ཞེས་བགྱིར་རུང་ངམ། བཀའ་སྩལ་པ། མཚན་ཉིད་ཐ་དད་པ་ཐམས་ཅད་ཀྱི་ཐམས་ཅད་དང་།
D353.076.0164a06.01མཚན་ཉིད་གཅིག་པ་ཐམས་ཅད་ཀྱི་ཐམས་ཅད་ཡོད་དོ། །འདིར་ནི་མཚན་ཉིད་ཐ་དད་པའི་ཐམས་ཅད་ལ་དགོངས་ཏེ་སངས་རྒྱས་ནི་ཐམས་ཅད་གསུངས་པའོ་ཞེས་བཤད་དོ། །དེ་ཡང་སེམས་ཅན་གྱི་ཟད་པར་གཟུང་མི་ནུས་པ་ལ་བྱའི། སངས་རྒྱས་ཀྱིས་གསུངས་མི་ནུས་པ་ནི་མ་ཡིན་ནོ། །
D353.076.0164a07.01