完整藏文原文 · 德格版页 当前仅加载第 76 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའི་སྤྱད་པ་སྤྱོད་ཀྱི། ཤཱ་རིའི་བུ་ནི་བསྐལ་པ་དྲུག་ཅུའི་བར་དུ་དཀའ་ཐུབ་སྤྱད་དེ། དེ་བས་ན་ཕུག་རོན་ཡང་ཤཱ་རིའི་བུའི་གྲིབ་མར་སོང་བ་ན་འོན་ཀྱང་སྐྲག་ཅིང་འཇིགས་ཀྱི། སངས་རྒྱས་ཀྱི་གྲིབ་མར་སོང་ན་འཇིགས་པ་མེད་པར་གྱུར་ཏོ། །གསོལ་པ། གལ་ཏེ་དཀོན་མཆོག་གསུམ་
D353.076.0168b01.01ལ་སྐྱབས་སུ་སོང་བས་སྡིག་པ་མི་དགེ་བ་བྱང་ཞིང་འཇིགས་པར་མི་འགྱུར་ན། ཅིའི་སླད་དུ་ལྷ་སྦྱིན་ལྟ་བུ་དཀོན་མཆོག་གསུམ་ལ་སྐྱབས་སུ་སོང་བས་དད་པས་ཁྱིམ་ནས་རབ་ཏུ་བྱུང་སྟེ་ཚུལ་ཁྲིམས་ཀྱང་རྫོགས་པ་ལས། མཚམས་མེད་པ་གསུམ་བགྱིས་ནས་མཚམས་མེད་པའི་སེམས་
D353.076.0168b02.01ཅན་དམྱལ་བར་ལྟུང་བར་འགྱུར། བཀའ་སྩལ་པ། མགོན་སྐྱབས་བྱ་བ་ཡང་སྐྱབས་བྱ་བར་འོས་པ་ལ་སྐྱབས་སུ་བྱ་བ་ཡིན་ཏེ། ལྷ་སྦྱིན་ལྟ་བུ་ནི་མི་དགེ་བའི་སྡིག་པ་ཆེན་པོ་བྱས་ལ་གདོན་མི་ཟ་བར་མྱོང་བའི་ལས་དང་ཡང་བཅས་པས་དེའི་ཕྱིར་ཡང་མགོན་སྐྱབས་བྱར་ཡང་དཀའོ། །
D353.076.0168b03.01གསོལ་པ། གལ་ཏེ་སྡིག་པ་ཆེན་པོ་བགྱིས་པ་ལ་སངས་རྒྱས་ཀྱིས་མགོན་སྐྱབས་མི་མཛད་ན་སྡིག་པའི་ལས་མ་མཆིས་པ་ལ་སངས་རྒྱས་ཀྱིས་མགོན་སྐྱབས་བགྱི་ཡང་ཅི་འཚལ། དཀོན་མཆོག་གསུམ་ལ་མགོན་སྐྱབས་མངའོ་ཞེས་ཀྱང་ཇི་སྐད་བགྱི། བཀའ་སྩལ་པ། ལྷ་
D353.076.0168b04.01སྦྱིན་གྱིས་དཀོན་མཆོག་གསུམ་ལ་སྐྱབས་སུ་སོང་བ་ཡང་ཡང་དག་པའི་སེམས་ཀྱིས་མ་ཡིན་ཏེ་སྐྱབས་སུ་འགྲོ་བ་གསུམ་མ་རྫོགས་སོ། །དེ་ནི་རྒྱུན་དུ་རྙེད་པ་དང་། བཀུར་སྟི་དང་། གྲགས་པ་འདོད་པའི་ཕྱིར་བདག་ནི་ཐམས་ཅད་མཁྱེན་པའི་ཡེ་ཤེས་ཅན་ནོ་ཞེས་སངས་རྒྱས་ལ་ཡང་
D353.076.0168b05.01སྔོ་བས་ན། དེའི་ཕྱིར་དཀོན་མཆོག་གསུམ་ལ་མཐུ་སྟོབས་ཆེན་པོ་ཡོད་མོད་ཀྱི་མགོན་སྐྱབས་སུ་མི་འགྱུར་རོ། །དཔེར་ན་རྒྱལ་པོ་མ་སྐྱེས་དགྲ་ལྟ་བུ་ལ་མཚམས་མེད་པའི་སྡིག་པ་ཡོད་དེ། མཚམས་མེད་པའི་སེམས་ཅན་དམྱལ་བར་ལྟུང་བར་རིགས་པ་ལས་ཡང་དག་པའི་
D353.076.0168b06.01སེམས་རྩེ་གཅིག་ཏུ་སངས་རྒྱས་ལ་སྐྱབས་སུ་གསོལ་བས་མཚམས་མེད་པའི་སྡིག་པ་བྱང་ནས། ཐིག་ནག་པོའི་སེམས་ཅན་དམྱལ་བར་ལྷུང་ནས་མིའི་ནང་ནས་སྡིག་པ་ལྕི་བ་མྱོང་བས་ལྕི་བ་དང་འདྲ་བར་ཞག་བདུན་མྱོང་བ་ཙམ་གྱིས་སྡིག་པ་ཀུན་བྱང་བས་ན་དེ་ནི་དཀོན་མཆོག་གསུམ་
D353.076.0168b07.01