完整藏文原文 · 德格版页 当前仅加载第 76 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་དེར་རིན་པོ་ཆེ་སྣ་བདུན་ལས་གྲུབ་པའི་པད་མའི་སྡོང་པོ་དངུལ་ལས་བྱས། འདབ་མ་ནི་གསེར་ལས་བྱས། གཞི་ནི་རིན་པོ་ཆེ་ཤེལ་ལས་བྱས། མུ་ཏིག་གི་དྲ་བས་ཀུན་དུ་བརྒྱན་པ་གཅིག་ས་དེ་ཉིད་ནས་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་བཞུགས་པ་ལས་བཞེངས་ནས་
D353.076.0095b01.01པད་མོ་དེ་ལ་སྐྱིལ་མོ་ཀྲུང་བཅས་ནས་བཞུགས་སོ། །དེ་ལ་བཞུགས་མ་ཐག་ཏུ་ཡོངས་སུ་དག་པའི་སྐུ་མངོན་པར་བསྟན་ཏོ། །སྐུ་དེ་ལས་ལམ་རྒྱུད་ལྔའི་ལུས་ཀྱི་ཚོགས་བསྟན། ལུས་ཀྱི་ཚོགས་རེ་རེ་ལ་ཡང་གཟུགས་ཐ་དད་པ་རྣམ་པ་ཁྲི་བརྒྱ་སྟོང་སྙེད་བསྟན་ཏོ། །གཟུགས་རྣམ་པ་དེ་རེ་རེ་ལ་ཡང་སྐུའི་
D353.076.0095b02.01ཚོགས་བརྒྱ་སྟོང་སྙེད་བསྟན། སྐུའི་ཚོགས་དེ་དག་རེ་རེ་ལ་ཡང་གང་གཱའི་ཀླུང་བཞིའི་བྱེ་མ་སྙེད་ཀྱི་སྐུའི་ཚོགས་སྙེད་བསྟན་ཏོ། །གང་གཱའི་ཀླུང་བཞིའི་བྱེ་མ་སྙེད་ཀྱི་སྐུའི་ཚོགས་དེ་དག་རེ་རེ་ལ་ཡང་གླིང་བཞིའི་རྡུལ་ཕྲ་རབ་སྙེད་ཀྱི་སྐུའི་ཚོགས་བསྟན་ཏོ། །རྡུལ་ཕྲ་རབ་སྙེད་ཀྱི་སྐུའི་ཚོགས་དེ་དག་རེ་རེ་ལ་
D353.076.0095b03.01ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་སྙེད་ཀྱི་སྐུའི་ཚོགས་བསྟན་ཏོ། །རྡུལ་ཕྲ་རབ་སྙེད་ཀྱི་སྐུའི་ཚོགས་དེ་དག་རེ་རེ་ལ་ཡང་ཕྱོགས་བཅུར་ཕྱོགས་རེ་རེར་ཡང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་གི་རྡུལ་ཕྲ་རབ་སྙེད་ཀྱི་སྐུའི་ཚོགས་བསྟན་ནས། ནམ་མཁའི་
D353.076.0095b04.01དབྱིངས་ཀྱིས་ཀླས་པ། ཆོས་ཀྱི་དབྱིངས་དང་མཉམ་པ་བསམ་གྱིས་མི་ཁྱབ་པ་སྙེད་ཀྱི་སེམས་ཅན་གྱི་ལུས་ཀྱི་ཚོགས་མངོན་པར་བསྟན་ཏོ། །དེའི་ཚེ་དེ་བཞིན་གཤེགས་པས་དེ་སྙེད་ཀྱི་ལུས་ཀྱི་ཚོགས་མངོན་པར་བསྟན་ནས་ཀུན་དགའ་བོ་དང་ཕྱོགས་བཅུ་ནས་འདུས་ཤིང་ཚོགས་པའི་བྱང་ཆུབ་
D353.076.0095b05.01སེམས་དཔའ་སེམས་དཔའ་ཆེན་པོ་རྣམས་དང་། འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་དེང་དེ་བཞིན་གཤེགས་པས་ཐམས་ཅད་མཁྱེན་པའི་ཡེ་ཤེས་ཀྱིས་ཡང་དག་པའི་ཚིག་གང་ཡིན་པ་དེ་བཀའ་སྩལ་བར་བྱའོ། །ཆོས་ལ་ཚིག་ཏུ་བརྗོད་པ་མེད་མོད་ཀྱི་
D353.076.0095b06.01དེ་བཞིན་གཤེགས་པས་ཐབས་མཁས་པའི་དབང་གིས་མཚན་མ་དང་། མིང་མེད་པའི་ཆོས་ལ་མིང་དང་མཚན་མར་བསྟན་པར་བྱའོ། །འདི་ལྟ་སྟེ། དེ་བཞིན་གཤེགས་པ་ནི་ཐོག་མར་སྐྱེས་ཤིང་འཁོར་བར་འཁོར་བའི་ཚེ་བསམ་གྱིས་མི་ཁྱབ་པའི་རྡུལ་ཕྲ་རབ་སྙེད་ཀྱི་ལུས་ཀྱི་ཚོགས་རྣམ་པ་ཐ་དད་པ་དེ་དག་
D353.076.0095b07.01