完整藏文原文 · 德格版页 当前仅加载第 76 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་རུང་ངམ། ཞུ་བ་དང་གསོལ་བ་བཞིའི་ལས་མ་བགྱིས་པར་ཚུལ་ཁྲིམས་རྫོགས་པར་མནོད་དུ་རུང་ངམ། བཀའ་སྩལ་པ། དེ་དག་གང་ཡང་མི་རུང་ངོ་། །གལ་ཏེ་ཚུལ་ཁྲིམས་ལྔ་ནོད་ན་སྔར་གསུམ་ལ་སྐྱབས་སུ་འགྲོ་བར་བྱའོ། །གསུམ་ལ་
D353.076.0172a01.01སྐྱབས་སུ་སོང་བའི་འོག་ཏུ་ཁྲིམས་ལྔ་ཐོབ་པར་འགྱུར་ཏེ། དེ་ནས་ཁྲིམས་ལྔ་གང་ཡིན་པ་བརྗོད་དེ། ཕ་རོལ་པོས་ཁྲིམས་ལྔའི་མིང་ཤེས་པར་བྱའོ། །དེ་བཞིན་དུ་གསོལ་པ་དང་ཞུ་བ་བཞིའི་ལས་བྱས་ནས་ཚུལ་ཁྲིམས་རྫོགས་པར་འགྱུར་ཏེ། དེའི་འོག་ཏུ་གནས་བཞི་
D353.076.0172a02.01དང་། རྩ་བ་བཞི་དང་། དགེ་འདུན་གྱི་ལྷག་མ་བཅུ་གསུམ་ཤེས་ཤིང་ཁོང་དུ་ཆུད་པར་བྱ་བའི་ཕྱིར་བརྗོད་ཅིང་བསྟན་པར་བྱའོ། །ཡང་གཞན་དུ་ན་སྐྱབས་སུ་འགྲོ་བ་བྱས་ནས་སྲོག་མི་གཅོད་པའི་ཁྲིམས་བསྟན་ན་ཁྲིམས་ཐོབ་པར་འགྱུར་ཏེ། དེ་བས་ན་ཁྲིམས་གཅིག་བཤད་པས་
D353.076.0172a03.01ཁྲིམས་ལྔ་ཐོབ་ཅེས་བྱ་སྟེ། གལ་ཏེ་ཁྲིམས་གཅིག་ཐུབ་ན་ཁྲིམས་ལྔ་ཆར་ཐུབ་ཅེས་བྱའོ། །ཡང་གཞན་དུ་ན་ཁྲིམས་ལྔ་གཅིག་ལ་གཅིག་འབྲེལ་པ་ཡང་ཡིན་ལ་ཐོག་མ་ནས་ཁྲིམས་ལྔ་མནོད་པར་དམ་བཅས་པའི་ཕྱིར་རོ། །ཡང་གཞན་དུ་ན་ཁྲིམས་ལྔ་ནི་མནོས་པའི་འོག་ཏུ་
D353.076.0172a04.01ཁྲིམས་ཐོབ་བོ། །སྟོན་པ་ཁ་ཅིག་ནི་སྐྱབས་སུ་འགྲོ་བ་གསུམ་བྱས་ནས་ཁྲིམས་ལྔ་ཐོབ་ཅེས་བྱ་བ་ནི་དོན་བདེན་པ་སྟེ། ཇི་ལྟར་གསོལ་པ་དང་། ཞུ་བའི་ལས་བྱས་པ་བཞིན་ནོ། །ཡན་ལག་བརྒྱད་པའི་ཁྲིམས་ནོད་པ་དང་། ཁྲིམས་བཅུ་ནོད་པ་དང་། ཁྲིམས་ལྔ་ནོད་པ་
D353.076.0172a05.01བཤད་པ་བཞིན་ནོ། །གསོལ་པ། གལ་ཏེ་སྔར་གསུམ་ལ་སྐྱབས་སུ་མཆིས་ཏེ། དགེ་བསྙེན་དུ་གྱུར་པ་སླད་ཀྱིས་གལ་ཏེ་ཁྲིམས་ལྔ་ནོད་དམ། ཁྲིམས་བཅུ་ནོད་ཀྱང་རུང་། སྐྱབས་སུ་མཆི་བ་གདོད་བགྱི་འཚལ་ལམ། བཀའ་སྩལ་པ། སྐྱབས་སུ་འགྲོ་བ་གསུམ་མ་
D353.076.0172a06.01བྱས་ཀྱང་སྔར་གསུམ་ལ་སྐྱབས་སུ་སོང་བས་ཚུལ་ཁྲིམས་ཀུན་ཐོབ་བོ། །གསོལ་པ། གལ་ཏེ་གསུམ་ལ་སྐྱབས་སུ་མཆི་བ་ཡང་བགྱིས། གསོལ་པ་དང་ཞུ་བའི་ལས་ཀྱང་མ་བགྱིས་ན་ཁྲིམས་ཐོབ་པར་འགྱུར་རམ། བཀའ་སྩལ་པ། ཁྲིམས་ལྔ་དང་། ཡན་ལག་བརྒྱད་པའི་
D353.076.0172a07.01