完整藏文原文 · 德格版页 当前仅加载第 76 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
གཟིར་བ་མཐོང་ནས་སྙིང་བརྩེ་བའི་སེམས་སྐྱེས་ཏེ་འདི་སྐད་ཟེར་རོ། །རྒྱལ་པོ་ཞེས་བྱ་བ་ནི་ཡུལ་ས་དབང་གིས་འགྲོ་བ་མང་པོའི་དབང་སྒྱུར་ཏེ། དེ་ལྟར་དགེ་བ་བཅུའི་ལམ་གྱིས་འགྲོ་བ་རྣམས་བཏུལ་ཏེ། འབྲས་བུ་འདོད་པ་ལྔ་མཆོག་དམ་པ་ཐོབ་ཏུ་ཟིན་ཀྱང་སྐྱེ་བ་དང་། རྒ་བ་དང་།
D353.076.0107b01.01ན་བ་དང་། འཆི་བ་དང་། མི་རྟག་པས་འཇིགས་པ་ལས་ཐར་བར་མ་གྱུར་ན། བདག་གིས་དྲང་པོའི་ཆོས་ཀྱིས་ཡུལ་གྱི་སྲིད་བཙས་ཀྱང་ཕན་པའི་དོན་མེད་དོ། །དེ་ལྟར་འགྲོ་བ་རྣམས་ལ་ཕན་པའི་དོན་མེད་ན་འཁོར་ལོས་སྒྱུར་བའི་རྒྱལ་པོ་ཆེན་པོ་ཞེས་ཀྱང་ཇི་སྐད་བྱ། བྱམས་
D353.076.0107b02.01པ་ཆེན་པོའི་ཕ་ཞེའམ། སྨན་པའི་རྒྱལ་པོ་ཆེན་པོ་ཞེའམ། འདྲེན་པའི་སྟོན་པ་ཆེན་པོ་ཞེས་ཇི་སྐད་དུ་གདགས། འདྲེན་པའི་སྟོན་པ་ཆེན་པོ་ཞེས་བྱ་བ་ནི་ཡང་དག་པའི་ལམ་དུ་འདྲེན་ཅིང་མྱ་ངན་ལས་འདས་པའི་ལམ་སྟོན་ཏེ། འདུས་མ་བྱས་པའི་རབ་ཏུ་བདེ་བ་ཐོབ་པར་བྱེད་དོ། །
D353.076.0107b03.01བདག་ཅག་ནི་མིང་དང་སྤྱོད་པར་མི་འཐུན་ཏེ། དཔེར་ན་མི་ཞིག་སྐོམ་པས་གདུངས་ནས་སྲོག་ལ་བབ་པ་ལས་ཆུ་འདོད་པའི་ཕྱིར་ཕན་ཚུན་བརྒྱུགས་ཏེ། ཁྲོན་པ་སྐམ་པོ་ཞིག་དང་ཕྲད་ནས་རབ་ཏུ་དགའ་བའི་སེམས་སྐྱེས་ཏེ་འདི་སྙམ་དུ་སེམས་སོ། །ད་ནི་བདག་གི་ལུས་འདི་འཆི་བ་ལས་ཕྱིར་
D353.076.0107b04.01སོས་སོ། །དེ་ཅིའི་ཕྱིར་ཞེ་ན། གལ་ཏེ་ཆུ་དང་མ་ཕྲད་ན་སྲོག་འདི་འཆི་བ་ལས་ཡུན་མི་རིང་བ་ལས་ད་ཁྲོན་པ་བཟང་པོ་དང་ཕྲད་ནས་གདོན་མི་ཟ་བར་ཆུ་དོང་གྲང་མོ་གཙང་མ་དང་ཕྲད་དེ་ངོམས་ཤིང་ཚིམ་པར་འགྱུར་བས་སྲོག་འཚོ་བར་འགྱུར་རོ་སྙམ་བསམས་ནས་མྱུར་བ་མྱུར་བར་ཁྲོན་པའི་
D353.076.0107b05.01དྲུང་དུ་བསྙེན་ཏོ། །ཁྲོན་པའི་དྲུང་དུ་ཕྱིན་ནས་ལུས་ལ་གྱོན་པའི་གོས་ཕུད་དེ། ཕྱོགས་གཅིག་ཏུ་སྦས་ནས་ཆུ་འདོད་པའི་ཕྱིར་ཁྲོན་པའི་ནང་དུ་ཞུགས་སོ། །ཁྲོན་པའི་གཏིང་དུ་ཕྱིན་ནས་ཆུ་ནི་མེད་ཀྱི་སྦྲུལ་གདུག་པ་དང་། སྨིགས་པ་དང་། སྡིག་པ་དང་། རྩངས་པ་དང་། སྦལ་པ་
D353.076.0107b06.01དང་། གྱོ་མོ་དང་། དེ་ལ་སོགས་པ་གསེག་མ་དང་། ཤིང་དང་། རྩྭ་ཉལ་ཉིལ་འབའ་ཞིག་མཐོང་བར་གྱུར་ཏོ། །དེའི་ཚེ་སྐོམ་པས་ཉམ་ཐག་པར་གྱུར་པ་དེ་ཐོག་མ་རེ་བ་བཞིན་དུ་ཆུ་ཡང་མ་རྙེད་ལ་གདུག་པ་མང་པོས་གཟས་ནས་ཁྲོན་པ་དེ་ལས་ཕྱིར་བྱུང་བར་གཟས་ཀྱང་ཁྲོན་པ་
D353.076.0107b07.01