完整藏文原文 · 德格版页 当前仅加载第 76 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པ་དང་བུད་མེད་ལ་ཡང་གང་ཕ་མ་བསད་པ་དང་། དགྲ་བཅོམ་པ་བསད་པ་དང་། སངས་རྒྱས་ཀྱི་སྐུ་ལ་ངན་སེམས་ཀྱིས་ཁྲག་ཕྱུང་བ་དང་། དགེ་འདུན་གྱི་དབྱེན་བྱས་པ་དང་། དགེ་སློང་མ་ལ་མི་ཚངས་པར་སྤྱད་པ་དང་། གཅའ་འཕྲང་དུ་ཆོམ་པོ་དང་།
D353.076.0181b01.01རྐུན་གནས་བྱེད་པ་དང་། དགེ་བའི་རྩ་བ་བཅད་པ་དང་། གང་ཟག་འདི་དག་ནི་གང་ཡང་ཚུལ་ཁྲིམས་མི་ཐོབ་བོ། །དེ་ལ་དོན་ཆེན་པོའི་སྒོ་ནས་བརྟགས་ན་སངས་རྒྱས་ཀྱི་ཆོས་ལ་ཤིན་ཏུ་དད་ཅིང་མོས་པ་ནི་འདིར་མི་གཏོགས་ཏེ། ལྷའམ། ཀླུའམ། {ཡི་དགས་,ཡི་དྭགས་}སམ།
D353.076.0181b02.01གནོད་སྦྱིན་ནམ། བྱང་གི་སྒྲ་མི་སྙན་ནམ། མ་ནིང་ངམ། མཚན་མ་གཉིས་པའམ། སྡིག་པ་མི་དགེ་བ་སྣ་ཚོགས་བྱས་ཀྱང་སྐྱབས་སུ་འགྲོ་བ་གསུམ་མནོད་དུ་རུང་ངོ་། །གསོལ་པ། དུས་གསུམ་གྱི་སངས་རྒྱས་རྣམས་ཚུལ་ཁྲིམས་བརྙེས་པ་མཉམ་མམ། བཀའ་
D353.076.0181b03.01སྩལ་པ། མི་མཉམ་མོ། །ཚུལ་ཁྲིམས་ཐོབ་ཅེས་བྱ་བ་ནི་སེམས་ཅན་དང་སེམས་ཅན་མ་ཡིན་པའི་རིས་ལས་ཁྲིམས་ཐོབ་པར་འགྱུར་ཏེ་སངས་རྒྱས་གཅིག་འཇིག་རྟེན་དུ་གཤེགས་ན་སེམས་ཅན་གྲངས་མེད་པ་ཇི་སྙེད་ཀྱི་དོན་མཛད་དེ་ལྷག་མ་མ་ལུས་པའི་མྱ་ངན་ལས་
D353.076.0181b04.01བཟླས་པས་ཕྱིས་སངས་རྒྱས་འཇིག་རྟེན་དུ་གཤེགས་པ་དག་སེམས་ཅན་དེ་དག་གང་ལས་ཀྱང་ཚུལ་ཁྲིམས་བརྙེས་ཏེ། དེ་ལྟར་ན་སངས་རྒྱས་རྣམས་སྔ་ཕྱིར་ཚུལ་ཁྲིམས་བརྙེས་པ་མི་མཉམ་མོ། །དཔེར་ན་སངས་རྒྱས་འོད་སྲུང་གིས་སེམས་ཅན་གྲངས་མེད་པ་ཞིག་
D353.076.0181b05.01བཏུལ་ཏེ་ལྷག་མ་མ་ལུས་པར་མྱ་ངན་ལས་བཟླས་ཀྱང་སངས་རྒྱས་འོད་སྲུང་གིས་ནི་སེམས་ཅན་དེ་དག་ཀུན་ལས་ཚུལ་ཁྲིམས་བརྙེས་ན། སངས་རྒྱས་ཤཱཀྱ་ཐུབ་པས་ནི་སེམས་ཅན་དེ་དག་གང་ལས་ཀྱང་ཚུལ་ཁྲིམས་མ་བརྙེས་སོ། །སངས་རྒྱས་ཐམས་ཅད་
D353.076.0181b06.01འདྲ་བར་དངོས་པོ་འདི་གསུམ་ནི་མཉམ་མོ། །གང་ཞེ་ན། སྤྱོད་པའི་ཚོགས་མཉམ་པ་དང་། ཆོས་ཀྱི་སྐུ་མཉམ་པ་དང་། སེམས་ཅན་གྱི་དོན་མཛད་པ་མཉམ་པའོ། །སངས་རྒྱས་ཐམས་ཅད་འདྲ་བར་བསྐལ་པ་གྲངས་མེད་པ་གསུམ་གྱི་བར་དུ་བྱང་ཆུབ་སེམས་དཔའི་
D353.076.0181b07.01